Éfézu 4:9 - ꞌRe Ihâimana Uꞌâsi Mono Zadawa Wasuꞌu

⁹ E marĩ te tawamhã wasu'u, hâimo imorĩzé hã. Ãne te wasu'u: Ma tô si'ra ti'ai 'rowi uptabi, adâ 're ihâimana za'ra mono zéb u.

Éfézu 4:9 ပူးပေါင်းရင်းမြစ်များ

Zenezi 11:5

Tawamhã Uburé Danhib'apito, 'ri 'rãihâ a'uwẽ te te siwi i'ri, te te 'madâ'â da hã ma tô si'ra.

Salmu 8:5

A hã, a'uwẽ asahâpâp si pire prã na 're hâimana za'ra mono da hã, ma tô i'a'manha. Duré marĩ ma, pire na siptete na sidanhib'ihâ'a za'ra da hã, ma tô tãma isõmri za'ra.

Ezodu 19:20

Tawamhã Uburé Danhib'apito Sina'i na ẽtẽ nhisi u ma tô si'ra. Te te si'rai wamhã, ma tô Mozési hã 'mahâ, itẽme morĩ da 'râwi. Tahawa, te te itẽme sai'uri wamhã,

Provébiu 30:4

E 'wa, ma tô hâiwa u morĩ wa, we apâ hã si'ra. Duré e 'wa, ma tô rowa'u tinhib'rata na hã ubumro. E 'wa, ma tô ti'uza hâpa na â hã ubumro. Duré e 'wa, ma tô ti'a zada'ré mono hã te te 're anhihâri, daro mono bâ hã. E niha isisi. Duré i'ra nhisi hã, e niha. Aima waihu'u pese wamhã, ĩma wasu'u na.

Zuwã 20:17

Tawamhã Zezusi te tãma tinha, ãne: — Ĩtété õ di za. Zahadu apâ ĩmorĩ õ di, Ĩmama u hã. Mo oto aimorĩ, ĩsisãnawã norĩ u tãma ĩzadawa wasu'u za'ra da. Ĩmama u, wa za oto mo apâ hâiwa u, Aimama aba u. Ĩnhib'apito u, wa za oto mo, Asib'apito za'ra wa'aba u. Ãne tãma ĩzadawa wasu'u za'ra na za.

Zuwã 3:13

Ni'wa hã hâiwa u sébré õ di, apâ wei morĩ da, hâiwa ãma romhâimanazé hã te te dama 're wasu'u mono da. Ti'ai ãma Dasiré Ipodo hã siwaprosi, te we hâiwa hawi mo, te te dama 're rowasu'u mono da hã.

Zuwã 6:33

Dasa hã 'Re ihâimana u'âsi mono nhibzari hã hâiwa hawi we imorĩ te wasu'u, dadâ'â ãna 're idahâimana u'âsi za'ra mono zé hã te te dama 're anhomri mono da.

Zuwã 6:38

Wa hã hâiwa hawi wa wei mo. E marĩ da. E 'râwi ĩnhimiroti si te ĩsima 're 'madâ'â mono da. Mare di. 'Râwi ĩnhimiroti si te ĩsima 're 'madâ'â mono da, we ĩmorĩ õ di. We ĩzatõrĩ'wa nhimiroti si te 're 'madâ'â mono da hã, wa tô wei mo.

Zuwã 6:41

Dasa hã hâiwa hawi we imorĩ na siwasu'u wa, te ãne sima rowasu'u za'ra, dama ipire norĩ hã: — Oro hâiwa hawi wei morĩ za. Õ hã Zezusi, Zuzéhé 'ra. Ina zama wama waihu'u pese za'ra di.

Zuwã 6:51

Wa hã dasa na wa tô ĩsiwasu'u, hâiwa hawi we ĩmorĩ wa. Ni'wam norĩ hã ĩ'ãma 're saihuri u'âsi mono wamhã, te za dâ'â ãna 're hâimana u'âsi za'ra, hâiwa ãma. Taha da, wa za ĩhâiba hã dama tisõ, dazada ĩdâ'â da.

Zuwã 6:58

Wa hã dasa na, wa tô ĩsiwasu'u, Ĩmama, hâiwa hawi te te we dama ĩnhomri na. Wahi'rata norĩ hã ma tô duréihã hâiwa hawim na tisa hã te te 're huri. Tane nherẽ, dâ'â ãna 're hâimana u'âsi za'ra mono õ di. Ma tô tidâ'â za'ra. Ĩ'ãma 're dasaihuri mono wapsi, dadâ'â ãna te za 're dahâimana u'âsi za'ra, hâiwa ãma.

Zuwã 6:62

Ti'ai ãma Dasiré Ipodo hã apâ hâiwa u morĩ ré, 'madâ'â za'ra wa'aba wamhã, e niha te za tawamhã asima irowasu'u za'ra wa'wa.

Zuwã 8:14

Tahawa, te Zezusi hã asa duré tãma nharĩ za'ra, ãne: — Tane nherẽ, ĩsiwaprosi aima ĩsiwasu'u za'ra wa'aba nherẽ, tô sena, wa aima ĩsiwasu'u za'ra wa'wa. Nima hawi we ĩmorĩzé hã waihu'u za'ra wa'aba õ di. Ĩwétési, wa tô ĩsina waihu'u. Za nimomo ĩmorĩzé hã duré waihu'u za'ra wa'aba õ di. Ĩwétési wa tô ĩsina waihu'u siro. Tahawa, tô sena te ĩsina waihu'u pese wa, te za ĩmreme na 're ĩzaze za'ra wa'aba mo.

Hebreu 2:7

Ma tô aré dama ipisu, hâiwa ãma aima romhuri'wa norĩ zapari, dawapu na 're dahâimana za'ra mono da a'â. Tazahã, ma tô oto dama ipisu, dapire na oto 're dahâimana za'ra mono da, iwẽ na si.

Hebreu 2:9

Zezusi 're imorĩzép si wa tô wa te 're waihu'u pese za'ra. Ta hã ma tô 'Re ihâimana u'âsi mono hã pisutu, ti'ai ãma 're hâimana mono ré hã, hâiwa ãma tãma iromhuri'wa norĩ ma, wapu na a'â 're hâimana mono da, dasine. Zezusi hã dazada dâ'â da si, ma tô pisutu 'Re ihâimana u'âsi mono hã, da'ãma 're pẽ'ẽzé mono wa, da'ãma 're isiwãrĩ mono zéb da hã oto. Ma tô duré pisutu ti'ra hã, pire na dama 're hâimana u'âsi mono da oto, dazada idâ'âzéb zarina, te te irobzépata na te te sina tãma ãma uwaimrami wa, Timama ma hã.