Éfézu 4:8 - ꞌRe Ihâimana Uꞌâsi Mono Zadawa Wasuꞌu

⁸ Duréihã ma tô ãne na rob'ui'éré ni, ibaihâ na hã: “Hâimo oto dawi watobro wa, morĩ wamhã, ma tô sisarina da'ahâ na te te danhimro. Marĩ iwẽ na ma tô duré dama 're sõpru.”

Éfézu 4:8 ပူးပေါင်းရင်းမြစ်များ

Provébiu 30:4

E 'wa, ma tô hâiwa u morĩ wa, we apâ hã si'ra. Duré e 'wa, ma tô rowa'u tinhib'rata na hã ubumro. E 'wa, ma tô ti'uza hâpa na â hã ubumro. Duré e 'wa, ma tô ti'a zada'ré mono hã te te 're anhihâri, daro mono bâ hã. E niha isisi. Duré i'ra nhisi hã, e niha. Aima waihu'u pese wamhã, ĩma wasu'u na.

Éfézu 4:11

Cristu hã ma tô ni'wam norĩ hã pisutu za'ra, isadawa wasu'u'wa 're nomro mono da. Ni'wam norĩ ma, ma tô duré pisutu za'ra, marĩ te te tãma iwaihu'u za'ra zéb zarina, 'Re ihâimana u'âsi mono te te 're sadawa wasu'u za'ra mono da, isazei'wa norĩ ma. Duré ni'wam norĩ hã ma tô pisutu za'ra, iwasu'uwẽ na te te 're dapo're pu'u za'ra mono da. Duré ni'wam norĩ hã ma tô pisutu za'ra, dama rowahutu'wa da, isimiroti na te te 're dapawaptob za'ra mono da, ãma 're dahâimana wẽ za'ra mono da.

Colosu 2:15

Uburé hâiwa nho're ãma ihâiba'õ norĩ nhiptetezé hã ma tô tiwi uprosi za'ra 'Re ihâimana u'âsi mono hã, dapo're'õ norĩ ma simiroti pire na tãma 're ihâimana za'ra mono norĩ nhiptetezé hã aré. Da'wapéi'wa norĩ nhib'apito hã tinhitob'ru norĩ ãma te te ai'uté za'ra wẽ te, da'ahâ nho'a sisarina te te isimroi mono ne, ma tô danho'a ta norĩ ãma ai'uté za'ra, wedepo'o nhonhi'rãmi na Cristuhu dâ'âzém na hã, Cristuhu ma wapu na 're ihâimana za'ra mono na, uburé da te oto ãma 're waihu'u za'ra mono da.

Zuize 5:12

Aiwahutu, Débora. Ma'ãpé aiwahutu! Tô aiwahutu, asõ're da, danho're na! Baraqui, Abino'ãhã 'ra, ma'ãpé aiwahutu! Airob u simroi mono, dasi'wapéi wa, da te aima iwaibu isimasam norĩ hã.

1 Samuéu 30:26

Tawamhã Dawi Zicradi u apâ wisi wamhã, ma tô marĩ hã tinhitob'ru norĩ wi te te iwaibu za'ra hã, tisiwaihu'u norĩ ma sõmri za'ra, Zuda ti'ai ãma dama i'rãnho'õmo norĩ ma. Tawamhã ãne rob'ui'éré na hã ma tô tãma nharĩ za'ra: — Ã hã ate za'ra wa'aba da, wa ãma aima sõmri za'ra wa'wa, Wanhib'apito 'Re ihâimana u'âsi mono nhitob'ru norĩ wi, wa te irowaibu te aima ãma ipo'o za'ra wa'wa hã.