Éfézu 4:7 - ꞌRe Ihâimana Uꞌâsi Mono Zadawa Wasuꞌu

⁷ Cristu hã ma tô marĩ iwẽ na i'madâ'â waihu'u õ na wama 're sõprub za'ra, wahâiba mono bâ, te te wama 're i'apisutu mono zéb zarina, wa te tãma 're idapawaptob za'ra mono zéb da hã.

Éfézu 4:7 ပူးပေါင်းရင်းမြစ်များ

Zuwã 3:34

Ti'ra we te te satõrĩ wamhã, ma tô Tipẽ'ẽzani hã tãma tisõ, iré 're morĩ u'âsi da. Tahawa, te Timama nhimiroti si te te dama 're wasu'u.

Roma 12:3

'Re ihâimana u'âsi mono hã tinhimizawi pese zéb zarina, ma tô ĩpisutu, isadawa wasu'u'wa na oto 're ĩhâimana mono da. Tahawa, wa za oto ãne na aima roti pese za'ra wa'wa. Dama aipire na, duré dama aiwẽ na 're aihâimana za'ra wa'aba mono õ nherẽ, 'râwi aipire na 're asi'madâ'â za'ra wa'aba mono õ di za. 'Re ihâimana u'âsi mono, ma tô te te sima 're aipisutu za'ra wa'wa, õhõ ãma si oto 're anomro aba mono da. Tane nherẽ, aihĩni isazei'wa, asiré 're anomro aba mono nherẽ, ni'wam norĩ si te isazei pese 'wa hã 're hâimana za'ra. Duré ni'wam norĩ hã isazei prãi 'wa, te 're hâimana za'ra. Isazei prãi 'wa norĩ hã 're sazei pese za'ra wa'aba mono newa, 'râwi asi'ãma 're rosa'rata za'ra wa'aba mono õ di za, 're sazei pese za'ra wa'aba mono õ nherẽ.

2 Corĩtu 6:1

Wa norĩ hã 'Re ihâimana u'âsi mono siré, wa te tãma 're iromhuri za'ra mono norĩ hã, wa za oto aima ãma roti pese za'ra wa'aba ni. 'Re ihâimana u'âsi mono, ma tô tinhimizawi pese zéb zarina, aima 're sõprub za'ra wa'wa, iwẽ na hã. Tahawa, isazei'wa na taré dama 're asiwasu'u za'ra wa'aba mono õ di za. 'Re aihâimana za'ra wa'aba mono zém na, te za asa iwa'rãmi asina tãma 're i'uwaimrami u'âsi za'ra wa'aba mo, 'Re ihâimana u'âsi mono ma hã.

Éfézu 3:2

'Re ihâimana u'âsi mono hã simizawi pese wa, ma tô romhuri hã ĩma tisõ, aima 're irowẽ za'ra wa'aba mono zéb da hã. Ãne na ma tô iwapari za'ra wa'wa, tô.

Éfézu 3:8

Ĩwana isazei'wa norĩ hã ĩwẽ na te sipa za'ra õ di. Ta norĩ si ma tô tiwẽ na ĩnhipa za'ra. Tane nherẽ, ma tô ĩpisutu, zudeu'õ norĩ ma te tãma 're wasu'u za'ra mono da, iwẽ hã sa'ẽtẽ na Cristuhu ma 're ihâimana mono hã dama ãma 're isõpru mono zéb da hã.

Hebreu 2:4

'Re ihâimana u'âsi mono zama, ma tô te te 're wa'apawapto, te te 're ida'anho'reptui mono zé wasu'u hã, tô sena na 're ihâimana mono na wa te wasina ãma 're waihu'u pese za'ra mono da oto. Tiwaihu'u pese na marĩ iwẽ hã dama i'manharĩ waihu'u'õ hã ma tô, tô te te dama 're ab'manharĩ wẽ, taha zarina tô sena, wa te ãma 're iwaihu'u pese za'ra mono zéb da hã, te te 're ida'anho'reptui mono zé wasu'u hã. Ma tô duré Tipẽ'ẽzani ma pisutu, romhuri hã isazei'wai mono bâ te te sima 're i'awẽ mono zéb zarina, te te tãma 're apisutu mono da, ãma 're idasipawaptob za'ra mono zéb da hã. Taha zarina, wasi'uihâ na tô sena, wa te ãma 're waihu'u pese za'ra mono da, ma tô duré te te 're wa'apawapto, 'Re ihâimana u'âsi mono hã.

1 Pedru 4:10

'Re ihâimana u'âsi mono hã sõpru wa, ma tô aihâiba mono bâ dama 're iromhuri za'ra wa'aba mono zéb da hã, aima sõmri za'ra wa'wa, sipu'u pese na. Taha zarina te za oto ate aba mono bâ dama ãma 're i'uwaimrami za'ra wa'aba mo, asimiromhuri za'ra wa'aba na hã.