Éfézu 4:32 - ꞌRe Ihâimana Uꞌâsi Mono Zadawa Wasuꞌu

³² Marĩ iwẽ na te za dama 're asõprub za'ra wa'aba mo, da'ãma 're aipẽ'ẽzé za'ra wa'aba mono sina. 'Re ihâimana u'âsi mono hã Cristu dazada dâ'â wa, te te ai'ãma 're 'madâ'â za'ra wa'aba mono õ di oto, 're i'manharĩ wasété za'ra wa'aba mono zé hã. Tahawa, a norĩ wa'aba ma, iwasédé hã da te aima 're 'manharĩ za'ra wa'aba mono nherẽ, isine dawasédé hã duré oto da'ãma 're 'madâ'â za'ra wa'aba mono õ di za.

Éfézu 4:32 ပူးပေါင်းရင်းမြစ်များ

Salmu 112:9

Isimarĩ'õ norĩ ma, te za duré sõprum na tinhimarĩ hã te te 're anhomri. Õne u'â te za duré isimizawizé hã da'ãma 're hâimana. Ta hã dama pire di, duré dama iwazéb za'ẽne.

Provébiu 12:10

Sena na 're ihâimana za'ra mono norĩ hã tinhimizama hã te te 're 'madâ'â wẽ za'ra mono di. Tane nherẽ, iwasété norĩ nhimirob'manharĩzé hã wasété uptabi di.

Provébiu 19:11

I'rãi waihu'u wẽ norĩ hã dame 're si'rãi wa'ro su'u za'ra mono õ di. Duré dawasédé, da te tãma 're 'manharĩ mono nherẽ, te te da'ãma 're i'a'madâ'â mono õ zarina te za dasiwi da te 're wazé pese.

Provébiu 19:22

Ni'wa tinhimizawi pese zém na 're hâimana mono wamhã, ãma 'ruiwapari za'ẽtẽ di. Duré danhimarĩ'õ na 're idahâimana za'ra mono da hã wẽ uptabi di, dazadawa nhipese na 're idahâimana za'ra mono zém nhipai u hã.

Mateu 6:12

Dawasédé hã da te wa'ãma 're 'manharĩ za'ra mono wa, wa te wasina 're i'madâ'â za'ra mono õ ne, a hã duré wa'ãma 're ab'madâ'â mono õ di za, wawasédé hã.

Marcu 11:25

'Re ihâimana u'âsi mono ma, 're aimreme zusi aba mono da wamhã, te za a'â aiwi 're da'ru simani za'ra wa'wa. Dawasédé hã da'ãma 're 'madâ'â za'ra wa'aba mono õ di za oto. Tawamhã Aimama 'wa hã hâiwa ãma 're isãmra mono hã te te duré ai'ãma 're 'madâ'â za'ra wa'aba mono õ di za oto, aiwasété 'wa hã.

Luca 1:78

Wahuré te tãma 're hâimana, ipẽ'ẽzézé hã, duré isimizawi pese zé hã. Ãne 'Re ihâimana u'âsi mono hã, Wanhib'apito hã. Tahawa, te za oto te te 're wa'anho'reptu, rowẽ na 're wanomro mono da. Bâdâ 'rãi watobro wamhã, tâibâ oto robra hã. Tawamhã dama 're rowẽ za'ra mono di za. Tane, Wanho'reptui'wa hã te te wama 're apari mono wamhã, marĩ, wa te 're i'manharĩ wasété za'ra mono zé hã, tahawa, wama 're rowẽ za'ra mono di za.

Luca 11:4

Dawasédé hã da te wa'ãma 're 'manharĩ za'ra mono wa, wa te wasina 're i'madâ'â za'ra mono õ zarina, a hã duré wa'ãma 're ab'madâ'â mono õ di za, wawasédé hã. Duré, 're wa'ab'madâ'â nhimini mono õ di za, Wa'uburé hã te te 're wa'a'upi mono wa, wawasété u 're warere'e tõ mono da.”

Luca 17:4

Ãté, ã bâtâ na te za bâtâ bâ asada 're wasété za'ra wa'wa, asisãnawã norĩ hã. Ãté 7 na asada iwasétézé hã za. Tane nherẽ, tiwasété na aima siwẽ'õ da, apâ nasi atẽme simasisi wamhã, te za nasi tãma inha ãne: “Te ĩsina 'madâ'â õ di, ĩzada aiwasétézé hã.”

Luca 6:35

Dawasété na 're idanomro mono ne, 're anomro aba mono õ di za. Uburé te za 're idazawi pese za'ra wa'aba mo. Asitob'ru norĩ zama, te za 're isawi pese za'ra wa'aba mo. Uburé te za marĩ hã tãma 're i'manharĩ wẽ za'ra wa'aba mo. Ãté marĩ hã te za da te aiwi 're waptẽrẽ za'ra wa'wa, suru na a'â dama 're sõmri za'ra wa'aba mono da. Tawamhã te za dama 're isõmri za'ra wa'aba mo. Iwa'rãmib zô 're asimnhasi za'ra wa'aba mono õ di za. Ãne wamhã, te za iwẽ na te te 're asawi za'ra wa'wa, 'Re ihâimana u'âsi mono hã. I'ra te za 're aihâimana za'ra wa'aba mo, danhipai u ipire uptabi 'ra na. Marĩ wẽ na, uburé te dama 're sõpru. Isõprum na ãma 're idawata za'ra mono õ norĩ ma zama, te dama 're sõpru. Dawasété na 're idanomro mono ma zama, te uburé 're sõpru.

Luca 6:37

— Dawasédé hã da'ãma 're isa'ra za'ra wa'aba mono zéb zarina, asiwi 're dawẽ'õ za'ra wa'aba mono õ di za. Tawamhã te te siwi 're aiwẽ'õ za'ra wa'aba mono õ di za, 'Re ihâimana u'âsi mono hã. Dawasédé hã da'ãma 're isa'ra za'ra wa'aba mono zéb zarina, dama 're nharĩ za'ra wa'aba mono õ di za. Tawamhã 'Re ihâimana u'âsi mono, te te aima 're anharĩ aba mono õ di za. Marĩ, da te aima 're i'manharĩ wasété za'ra wa'aba mono zé hã, asina 're 'madâ'â za'ra wa'aba mono õ di za. Tawamhã aiwasété 'wa hã te te 're ab'madâ'â mono õ di za, 'Re ihâimana u'âsi mono hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 28:2

Tame 're isi'ubumroi mono norĩ hã ma tô wawaibui wẽ za'ra. Tã hã wawi ta'a za'ra wa, duré rowahâ zé wa, ma tô uzâ hã wama ro'o za'ra, wahâi'ro za'ra da. Tahawa, ma tô wama tirowẽ za'ra oto.

Roma 12:10

Dasisãnawãi uptabi 're idasisawi pese za'ra mono ne, te za a norĩ wa'wa hã 're asisawi pese za'ra wa'aba mo, Cristuhu ãma asisãnawã oto asiré 're aihâimana za'ra wa'aba mono wa. Te za duré 're asiwazé pese za'ra wa'aba mo.

1 Corĩtu 13:4

E niha tawamhã, danhimizawi pese na, Cristuhu ãma za 're idahâimana za'ra mono zé hã. Isazei'wa norĩ hã simizawi pese na 're hâimana za'ra mono wamhã, marĩ na da'ãma 're wa'a su'u za'ra mono õ di za. Da'ãma 're ipẽ'ẽzé za'ra mono zarina, te za tô te te 're dapawaptob u'âsi za'ra, da'ãma 're isiwãrĩ za'ra mono na hã. Duré marĩ na 're si'ruiwapari za'ra mono õ di za. Duré tiwẽ na sina 're wata za'ra mono õ di za. Duré danhipai u pire na 're ihâimana za'ra mono na, 're si'madâ'â ze za'ra mono õ di za.

2 Corĩtu 2:10

A norĩ wa'wa hã, dawasédé da te 're i'manharĩ za'ra mono zém na hã oto da'ãma 're 'madâ'â za'ra wa'aba mono tõ da, asima 're pisutu za'ra wa'aba mono wamhã, ĩzama te oto da'ãma 're ab'madâ'â mono õ di za tô. Tahawa, aibâ hã tiwasédé ipire hã tô sena te te 'manharĩ wamhã, wa za tô ĩsima pisutu, asarina wa'aba, iwasédé hã te oto ãma 're 'madâ'â tõ mono da, simisutu ato sina asiré 're aihâimana za'ra wa'aba mono da apâ. Cristuhu nho'a, wa ãne na hã aima ĩsiwasu'u za'ra wa'wa, iwasédé hã za te oto ãma 're i'madâ'â mono õ na hã, aibâ ãma.

2 Corĩtu 2:7

Tane nherẽ, a norĩ wa'wa hã iwasédé hã ãma 're 'madâ'â za'ra wa'aba mono õ di za oto. Tâibâ. Ma tô siwẽ'õ, tiwasété na hã. Apâ te za asiwi i'âri wẽ wa'wa, robze na asiré 're hâimana aba mono da oto apâ. Tiwi robzei'õ pese wa, 'Re ihâimana u'âsi mono te te rẽme tõ da, te za apâ asiwi i'âri wẽ wa'wa.

2 Corĩtu 6:6

Ãne na, wa te 're robzépata za'ra mono nherẽ, wa tô 're wanomro wẽ u'âsi. 'Re ihâimana u'âsi mono nhimirowaihu'u si, wa tô oto wa te 're waihu'u pese za'ra. Tahawa, wawara sina hã duré oto dazada 're wazahi za'ra mono õ di oto. Wanhimizawi pese na si hã, wa oto duré 're wahâimana za'ra. 'Re ihâimana u'âsi mono pẽ'ẽzani nhimipawaptobzéb zarina si, wa duré wa te dama 're romhuri za'ra. Wazadawa nhipese ãna, wa sena na si, wa te 're dazawi pese za'ra. Ãne zarina, te za asiwi iwawaihu'u za'ra wa'wa, sena na 'Re ihâimana u'âsi mono zadawa 'mahârâ'wa, dama 're iwahâimana za'ra mono na hã.

Éfézu 5:1

A norĩ wa'wa hã 'Re ihâimana u'âsi mono 'ra oto 're anomro aba mono wa, tãma asawi za'ra wa'aba di. Tahawa, te za isirã zarina si oto 're anomro aba mo.

Tiagu 5:11

Ta norĩ hã te te 're robzépata za'ẽtẽ za'ra mono nherẽ, siptete sina ma tô Wamama ãma si 're hâimana u'âsi za'ra. Tahawa, tãma 're rowẽ za'ra mono di oto. Taha wasu'u hã wama waihu'u pese za'ra di. A norĩ wa'wa hã ma tô Zoho wasu'u hã 're iwapari za'ra wa'aba mo. 'Re ihâimana u'âsi mono umnhasi sina ma tô ãma 're mo, Zo hã. 'Re ihâimana u'âsi mono hã, isimizawizé hã sa'ẽtẽ uptabi di. Duré da'ãma 're ipẽ'ẽzé mono zé hã sa'ẽtẽ di. Ãne wa, Zo hã te te robzépata za'ẽtẽ pari, ma tô marĩ iwẽ na hã apâ tãma tinhopru.

1 Zuwã 1:9

Tane nherẽ, wawasédé hã wa te 're i'manharĩ za'ra mono na 'Re ihâimana u'âsi mono ma, 'râwi 're wasiwẽ'õ za'ra mono wamhã, te te dama 're i'aropisutu mono zéb zarina, te za te te wama ãma 're a'uwaimrami, te te wama ãma 're a'upai mono ãna. Tãma 're iwasiwasu'u za'ra mono zéb zarina, wawasédé hã wa te 're i'manharĩ za'ra mono hã te te wa'ãma 're ab'madâ'â mono õ di za oto. Te za tô te te wama 're apari, wawasédé hã.

1 Zuwã 2:12

Ĩ'ra norĩ, ĩma asawi pese za'ra wa'aba norĩ, 'Re ihâimana u'âsi mono aiwasété 'wa hã te te ai'ãma 're ab'madâ'â aba mono õ di oto, Zezusi hã dazada idâ'âzéb zarina. Duré Wamama hâimanazé hã aima waihu'u pese za'ra wa'aba di. Tahawa, wa aima ãma rob'ui'éré za'ra wa'wa. Iprédum norĩ, duréihã marĩ õ uptabi ré, 're ihâimana mono siré 'râwi 're aihâimana za'ra wa'aba mono wa, wa duré aima rob'ui'éré za'ra wa'wa. Duré ipréduptém norĩ, Iwasété uptabi ãma ai'uté za'ra wa'aba wa, wa aima rob'ui'éré za'ra wa'wa. Duré, 'Re ihâimana u'âsi mono zadawa wasu'u zarina si asiptete na 're aihâimana za'ra wa'aba mono wa, wa oto ãne aima ãma rob'ui'éré za'ra wa'wa.

Ruti 2:20

Tahawa, te Noẽmi hã duré tinha: — Wa ĩsima wẽ, Uburé Danhib'apito iwẽ hã te te tãma 're pisutu u'âsi mono da, Buazihi ma hã. Ta hã te te dama 're rob'manharĩ wẽ u'âsi, hâiba ré 're ihâimana za'ra mono norĩ ma hã, duré 're idâ'â za'ra mono norĩ ma zama. Tawamhã Noẽmi te timreme na a'â ãma uzusi, ãne: — Ta hã ĩmro sisãnawã siwadi, ãma wati prã na romhâ na hã. Ma tô wanho'reptui'wa za'ra 'wa na wama tihâimana za'ra.