Éfézu 4:28 - ꞌRe Ihâimana Uꞌâsi Mono Zadawa Wasuꞌu

²⁸ Danhibrom na dawi 're i'asimisaihuri za'ra wa'aba mono zém na hã, duré oto 're asimisaihuri za'ra wa'aba mono na hã ãma 're sahu za'ra wa'aba mono õ di za. Te za oto asib'rata na 're iromhuri za'ra wa'aba mo, aihâimana wẽ na oto 're aihâimana za'ra wa'aba mono da, duré asimiromhuri na isibrob'õ norĩ hã 're pawaptob za'ra wa'aba mono da, ãne na si hã wẽ wa.

Éfézu 4:28 ပူးပေါင်းရင်းမြစ်များ

Ezodu 20:15

— Dawi 're romnhimi'uri za'ra wa'aba mono tõ.

Ezodu 20:17

— Asiré nhorõwa hã 're 'ruiwapari za'ra wa'aba mono tõ. Duré asiré mro hã 're 'ruiwapari za'ra wa'aba mono tõ, pawa'âbâ ãna tãma romhuri'wa norĩ zama, ite powawẽ hã, duré ite awaru po're pore hã. Siwa'ru uburé marĩ tãma 're ihâimana za'ra mono hã 're 'ruiwapari za'ra wa'aba mono tõ.

Provébiu 13:11

Rob'uiprazé senai'õ na waptu na da te dasima 're isa'ẽtẽ za'ra mono hã te za i'arĩ na dawi sina te te 're ti'awi za'ra. Tane nherẽ, ni'wam norĩ hã atãma na suru nherẽ, te te sima 're ubumroi u'âsi za'ra mono wamhã, te za tãma sina 're hâ'â za'ra.

Provébiu 14:23

Ni'wa hã simi'ẽ na te te 're romhuri pese mono wamhã, te za tihâimanazéb da hã te te sima 're azani. Tane nherẽ, ni'wam norĩ robzanhamri ma si 're hâimana za'ra mono wamhã, te za marĩ zô tiwi 're irowaptâ'â za'ra mono zé hã te te sisô 're sani za'ra.

Provébiu 21:26

Bâtâ wahuré na te ta hã marĩ zô si te te sima 're rob'ruiwapari. Tane nherẽ, iwẽ norĩ, te marĩ hã sawi ãna te te dama 're sõmri za'ra, sõprum na hã.

Provébiu 28:13

Ni'wa tiwasédé te te sima 're tété u'âsi mono wamhã, rowẽzé tãma 're ihâimana mono da hã mare di. Tane nherẽ, ni'wa isiwẽ'õ zarina te te rẽme wamhã, te za 'Re ihâimana u'âsi mono hã ãma 're isiwamri mono zé hã sina uwaimra.

Provébiu 30:9

'Re ĩnhimarĩ pese mono 'wa'âhã, wa aré ai'udâ. Wa aré airẽ. Ãne wa aré duré tinha: “Uburé Danhib'apito, te ai'ãma irosa'rata da hã mare di, marĩ dai õ wa.” Duré ĩnhimarĩ ãna 're ĩhâimana mono 'wa'âhã, wa aré 're ĩnhimisaihuri mono da hã 're ĩne. Tawamhã taha zarina wa aré asisi hã te 're upto, ĩte 'Re ihâimana u'âsi mono nhisi hã.

Provébiu 31:20

Isibrob'õ norĩ hã, duré marĩ zô tiwi 're iro'wanhi'riti za'ra mono norĩ hã te duré te te 're apawapto.

Luca 19:8

Zaqueu hã hâiwi te oto za, Wanhib'apito ma, siwasu'u da. Tawamhã ãne te tãma tinha: — Ãhãta, ĩnhibro hã wa za ãma aipo'o, isibrob'õ norĩ ma, te sõmri mono da. Duré, dawi ĩnhipsaihuri hã wa za, te isimi'uri nhowa're're, dama ãma 'rãnhipa, iwa'rãmi. Rob'uiprazé misi wamhã, wa za maparane si'uiwa na dama ãma 'rãnhipa.

Luca 3:8

Sena na aiwasédé hã irẽme za'ra wa'aba zém na, da te 're aiwaihu'u za'ra wa'aba mono da, te za oto 're anomro wẽ wa'aba mo. Duré Abra'ãhã nhihudu wẽ te, asina 're rosa'rata za'ra wa'aba mono õ di za, 'Re ihâimana u'âsi mono te te 're i'aihâ za'ra wa'aba mono õ na hã. 'Re ihâimana u'âsi mono ma, waihu'u pese di, ã ẽtẽ norĩ ma, te te nharĩ da, tãma si'a'uwẽ za'ra da, Abra'ãhã nhihudu oto 're nomro mono da oto, ẽne hã.

Zuwã 12:6

E marĩ wa. E isibrob'õ norĩ hã te te pawaptob zei wa. Mare di. Te te pawaptob ze za'ra wab õ di. Ta hã sipsaihuri di. Rob'uiprazé hã te te wama 're i'madâ'â mono hã, te pi'uriwi te te sima 're 'mazani.

Zuwã 13:29

Zuda, rob'uiprazé 'madâ'â'wa. Tahawa te ni'wam norĩ hã ãma rosa'rata za'ra, ãne: “Rob'uiprazé hã te te 're 'madâ'â mono wa, ãté marĩ hã wasazéb da, te te wama uipra za'ra da, te ãne tãma tinha.” Ihâiba amo norĩ hã te duré ãma rosa'rata za'ra, ãne: “Ãté isibrob'õ norĩ ma, suru na te te sõmri mono da, te tãma tinha.”

Roma 12:13

Asiré isazei'wa norĩ wi, marĩ zô tiwi 're irowaptâ'â za'ra mono zéb zarina, te za asimarĩ na 're ipawaptob za'ra wa'aba mo. Duré darob amoi hawi atẽme wa'aba 're dasihutu mono wamhã, te za sô 're atob'uzu za'ra wa'aba mo, asiré isazei'wa norĩ zô hã, asõrõwa u 're 'mazasi za'ra wa'aba mono da.

1 Corĩtu 4:12

Wahâimanazéb da hã, wawasutu nherẽ, wa wanhib'rata na wa te 're romhuri pese za'ra. Duré da te wa'ãma 're wasété za'ra mono nherẽ, wa da'ãma 're wamreme zusi u'âsi, 'Re ihâimana u'âsi mono ma, iwẽ hã te te dama 're anhomri mono da. Duré da te wama 're rob'manharĩ wasété za'ra mono nherẽ, wa wanhiptete na õhõ ãma si 're wahâimana za'ra, asa wa te dama ãma 're wa'rãmi za'ra mono ãna.

2 Corĩtu 8:12

Ato sina, ãma asõprub za'ra wa'aba wamhã, 'Re ihâimana u'âsi mono si te za asõprubzém na aiwẽsãmri za'ra wa'wa. Asimarĩ aba õ wa, tô suru na isõmri za'ra wa'aba zéb zarina, te za duré ãma aiwẽsãmri za'ra wa'wa, ato sina ãma asõprub za'ra wa'aba wa.

2 Corĩtu 8:2

Ta norĩ hã da te ãma 're irowasété za'ra mono na, te te 're robzépata za'ẽtẽ za'ra mono nherẽ, duré sibrob ãna 're hâimana za'ra mono nherẽ, ma tô to sina, dama tinhoprub za'ẽtẽ za'ra, tite rob'uiprazém na hã.

Galata 6:10

Ãne wa, wama iwaihu'u pese zarina, wa za dahâiba mono bâ marĩ iwẽ na, wa te 're dapawaptob za'ra. Wa te 're idapawaptob za'ra mono zém nhipai u, wa za wasiré isazei'wa norĩ hã marĩ iwẽ na 're wasipawapto pese za'ra.

1 Timotiu 6:18

Ãne te za duré isibrob ahâ norĩ ma 're i'aroti mo, te te dama 're 'manharĩ wẽ u'âsi za'ra mono da. Te za duré uburé marĩ wẽ na dama 're sõprub za'ra. Te za duré simi'ẽ na marĩ na te te 're dazari u'âsi za'ra.

Titu 3:14

Wa tô ĩsima wẽ, wasiré isazei'wa norĩ hã marĩ zô dawi 're ro'wanhi'riti za'ra mono wamhã, te te 're dapawaptob za'ra mono da, taré 're hâimana za'ra mono tõ da, dapawaptob ãna.

Titu 3:8

Te aima irowasu'uzé hã tô sena. Tahawa, te za isazei'wa norĩ ma 're i'aroti mo, marĩ wẽ na te te 're dapawaptob u'âsi za'ra mono da. Te aima 're irowasu'u mono zé hã wẽ uptabi di, dama 're irowẽ za'ra mono zéb da hã.