Éfézu 4:23 - ꞌRe Ihâimana Uꞌâsi Mono Zadawa Wasuꞌu

²³ Asimirosa'rata wẽ na si te za oto 're irosa'rata za'ra wa'aba mo, taha zarina 're aihâimana wẽ za'ra wa'aba mono da oto.

Éfézu 4:23 ပူးပေါင်းရင်းမြစ်များ

Salmu 51:10

'Re ihâimana u'âsi mono, ma'ãpé ĩpẽ ĩpe hã sena uptabi hã ĩma sõmri. Ma'ãpé ipẽ'ẽ 're ĩnhiptede ité hã apâ ĩma sõmri.

Roma 12:2

Ti'ai ãma dahâimana wasété na 're idanomro mono norĩ ãma hã, 're sasõmri za'ra wa'aba mono õ di za. 'Re ihâimana u'âsi mono wi si, te za 're irowaptẽrẽ u'âsi za'ra wa'aba mo, asimirosa'rata wẽ na si, aipẽ'ẽ 're, 're aihâimana za'ra wa'aba mono zé hã te te aima 're pisutu za'ra wa'aba mono da, 're aihâimana za'ra wa'aba mono zép tém na si, oto 're anomro aba mono da. Tawapsi te za 'Re ihâimana u'âsi mono, te te aima 're ipisutu za'ra wa'aba mono hã asina 're iwaihu'u pese za'ra wa'aba mo, marĩ iwẽ si tãma 're i'manharĩ za'ra wa'aba mono zém na hã.

Roma 6:4

Tawamhã â dawabzuri hã oto wa te 're 'manharĩ za'ra mono wamhã, â da te 're iwanhamra mono zé, Cristuhu siré 're iwadâ'â za'ra mono zé, te wa'ãma simiré'é za'ra. Ab're 're, isiré da te 're iwanheme mono zéb zama, te wa'ãma wasu'u za'ra. E marĩ da, wa tô bété Zezusihi siré 're wadâ'â za'ra. Cristu hã dâ'â nherẽ, Imama hã tiwaihu'u pese na te te ihâiwa'utu ne, 're iwanomro mono zép tém na si, oto 're wahâimana za'ra mono da hã, wa tô isiré 're wadâ'â za'ra, wa norĩ hã. Ãne wa'ãma isimiré'é za'ra zé hã te wasu'u.

Roma 8:6

Ni'wam norĩ hã tihâimana wasété ma si, tihâiba te te 're sõmri u'âsi za'ra mono wamhã, ta norĩ hã te za ipẽ'ẽ 're, dâ'â u'âsi 're hâimana za'ra, 'Re ihâimana u'âsi mono nhiti. Tane nherẽ, ni'wam norĩ hã 'Re ihâimana u'âsi mono pẽ'ẽzani te te tãma 're iwẽ za'ra mono zéb zarina si, 're hâimana wẽ za'ra mono wamhã, ta norĩ si te za 'Re ihâimana u'âsi mono 'rata 're hâimana u'âsi za'ra, robzei u'âsi na.

Éfézu 2:10

Cristu Zezusihi ãma 're wanomro mono wa, ma tô 'Re ihâimana u'âsi mono hã wama sõmri za'ra wahâimanazé ité hã, wa te ãma dama 're rob'manharĩ wẽ za'ra mono da, duré iwẽ na wa te 're dapawaptob za'ra mono da ãma, te te wa'ãma iroti siromo zéb zarina.

Colosu 3:10

Taha wa'rãmi, te oto 're idanomro mono zé itém na si 're anomro aba mo, iwẽ na. 'Re ihâimana u'âsi mono, ma tô te te 're aipoto téb za'ra wa'wa aipẽ'ẽ 're, isine 're aihâimana u'âsi za'ra wa'aba mono da oto, taha zarina õhõ si duré 're waihu'u pese za'ra wa'aba mono da.

Titu 3:5

'Re iwanomro wasété mono hawi, ma tô te te 're wa'anho'reptu. E 're wanomro wẽ mono wa, duré e wa te dama 're rob'manharĩ wẽ za'ra mono wa, ma tô te te 're wa'anho'reptu. Mare di. Wa'ãma 're ipẽ'ẽzé mono zarina, ma tô te te 're wa'anho'reptu. Tipẽ'ẽzani te te wama 're i'anhomri mono na, ma tô wapẽ'ẽ 're te te 're wa'apoto té. Wawasété hawi, ma tô wapẽ'ẽ 're, te te 're wa'a'upsõ, ãma 're wanomro wẽ mono da oto.

1 Pedru 1:13

Zezu Cristu hã nimahã na te za wei mo apâ. Tahawa, te za aihâimana nhimiza'rese 're aihâimana za'ra wa'aba mo. Aihâiba na te za 'râwi 're asi'madâ'â za'ra wa'aba mo. Zezu Cristu hã apâ wei morĩ wapsi, te za aima 're irowẽ za'ra wa'aba mono zé hã aima pisutu za'ra wa'wa, hâiwa ãma. Taha zô si te za asina 're asimipari u'âsi za'ra wa'aba mo.