Éfézu 4:15 - ꞌRe Ihâimana Uꞌâsi Mono Zadawa Wasuꞌu

¹⁵ Wa norĩ hã roti tô sena na si, wa za wasima wa te 're roti za'ra, 're wasisawi pese za'ra mono sina. Ãne wamhã, wahâimana wẽ na, wa za wa te 're sa'ẽtẽ za'ra. Tawamhã wa za oto wa te wasina 're uwaimrami za'ra, Cristuhu ne 're iwanomro wẽ uptabi mono zé hã, Wanhib'apito ne.

Éfézu 4:15 ပူးပေါင်းရင်းမြစ်များ

Salmu 32:2

Tãma 're rowẽ uptabi za'ra mono di, Uburé Danhib'apito iwasédé te te ãma 're isa'ra mono õ norĩ ma hã, duré senai'õ na 're ihâimana za'ra mono õ norĩ ma hã!

Zuwã 1:47

Tawamhã te te sãmri wi, te Zezusi hã tãma tinha, Natãnaéhé ma, ãne: — Õhõta te wei mo, Izaraéu nhihudu uptabi hã 're imorĩ wẽ uptabi hã. Sadawa nhipese ãna hã te 're mo.

Roma 12:9

Taré asimizawizé hã aima 're hâimana za'ra wa'aba mono tõ da, te za tô sena na asimizawi pese zé hã aima 're hâimana u'âsi za'ra wa'wa. Uburé marĩ wasété nhiti, te za 're aihâimana za'ra wa'aba mo, asiwi 're wẽ'õ pese za'ra wa'aba mono sina. Uburé aihâimanazé iwẽ na si te za oto 're aihâimana za'ra wa'aba mo.

1 Corĩtu 11:3

Tane nherẽ, wa ĩsima wẽ, waihu'u za'ra wa'aba da, ãne: Cristu hã uburé aibâ norĩ nhib'apito, te 're hâimana. Duré aibâ norĩ hã uburé timro norĩ nhib'apito, te 're hâimana za'ra. Duré 'Re ihâimana u'âsi mono hã, te Cristuhu nhib'apito na hã 're hâimana.

2 Corĩtu 4:2

Ni'wam norĩ hã asiré 're hâimana za'ra wa'aba mono nherẽ, ma tô wawasédé hã wa'ãma sa'ra za'ra, wahâimana nhipese sina dawi 're wahâimana mono newa. Uburé marĩ hã pi'uriwi da te 're i'manharĩ wasété za'ra mono zé hã, wa tô wa te wasiwi 're awẽ'õ. 'Re ihâimana u'âsi mono zadawa wasu'u hã, wa te dawi ãma 're 'wa'rutu mono õ di. Õhõ si, wa tô sõ'awi wa te dama 're wasu'u u'âsi, sena na, 'Re ihâimana u'âsi mono nho'a. Ãhã zarina, te za 'râwi dapẽ'ẽ na da te 're wawaihu'u za'ra, wazadawa nhipese ãna, 're iwahâimana mono zém na hã.

2 Corĩtu 8:8

Ãne hã wa hã te ãma aima 'ru za'ra wa'aba õ di. Taré wa aima ãma roti za'ra wa'wa, ĩnhimiroti zarina, 'manharĩ za'ra wa'aba wamhã, 're idazawi pese za'ra wa'aba mono zém na, sena na da te 're aiwaihu'u za'ra wa'aba mono da. Masédonia ãma isazei'wa norĩ hã simi'ẽ na te te 're idapawaptob za'ra mono ne zô pé, wa ãne na taré ãma aipibu za'ra wa'wa.

Éfézu 1:22

'Re ihâimana u'âsi mono hã ma tô Cristu hã pisutu, dama pire na 're hâimana mono da, isimipoto mono bâ. Ma tô duré Cristu hã pisutu, ropâ tinhib'a'uwẽ norĩ 'madâ'â'wa da, õhõ si uburé Danhib'apito dama 're hâimana mono wa. Wahâiba hã misi nherẽ, wahâiba na marĩ mono bâ wama 're ihâimana za'ra mono ne, te Cristu hã hâiba wasu'u, isib'a'uwẽ norĩ hã. Isib'a'uwẽ norĩ hã tãma 're hâimana za'ra mono wa, marĩ zô tiwi 're rowaptâ'â mono õ di, Cristuhu wi hã. Ta hã te ropâ 're hâimana u'âsi, uburé marĩ hã 're ihâimana za'ra mono zéb da hã, isadawa para.

Éfézu 1:4

Ta hã ti'a te te poto õ ré, ma tô romhâ ré te te 're wa'apisutu siro, tinhib'a'uwẽ da, Cristuhu ãma za 're wanomro mono wa, wawẽ uptabi na ãma 're wanomro mono da, marĩ, wa te 're 'manharĩ wasété za'ra mono ãna. Ta hã te te 're wa'apoto mono õ ré, ma tô romhâ ré te te 're wa'azawi pese.

Éfézu 2:21

Ẽne hã misi 'ri na simisutu 're isimi'wara mono ne, te za te te 're wa'apawapto Cristu hã, wa'ãma 're isõrõwa za'ra mono da hã, aiwapsi ãma 're wahâimana za'ra mono da.

Éfézu 4:25

Tahawa, dama 're asadawa nhipese za'ra wa'aba mono õ di za oto. Aihâiba mono bâ te za tô sena na si asima 're irowasu'u za'ra wa'aba mo.

Éfézu 5:23

E marĩ wa. Aimro za'ra wa'wa hã asipai u 're hâimana za'ra wa'aba mono wa, Cristu tinhib'a'uwẽ norĩ nhipai u 're ihâimana mono ne, ta norĩ nho'reptui'wa 're hâimana mono wa ta hã.

1 Pedru 1:22

Wanhib'apito nhimiroti hã, tô sena. A norĩ wa'wa hã ma tô isimiroti hã 're iwapari pese za'ra wa'aba mo. Tahawa, marĩ iwasété na asima 're rosa'rata za'ra wa'aba mono õ di oto. Aiwẽ na 're anomro aba mono da si, te oto asima 're irosa'rata za'ra wa'aba mo. Dazawizé hã tô sena te oto aima 're hâimana za'ra wa'wa, asiré Wanhib'apito zazei'wa norĩ ãma. Tahawa, te za õne u'âsi 're asisawi pese za'ra wa'aba mo.

1 Pedru 2:2

Ai'uté ipoto té hã tina hâiwa'u zô 're i'ru'ru mono ne, te za Wanhib'apito nhimiroti zô si 're irob'ruiwapari za'ra wa'aba mo, ãma 're asiptete za'ra wa'aba mono da, aihâimana wasété hawi asõ'reptuzé hã 'râwi oto asina 're waihu'u za'ra wa'aba mono da.

2 Pedru 3:18

Ma'ãpé, 're aihâimana wẽ u'âsi za'ra wa'aba mono, aihâimana wẽ hã asima 're sa'ẽtẽ za'ra wa'aba mono da, Wanhib'apito Zezu Cristu te te 're iwa'apawapto mono zém na. Duré Wanho'reptui'wa Zezu Cristuhu ãma rowaihu hã, te za asima 're isa'ẽtẽ za'ra wa'aba mo. Ta hã Wanho'reptui'wai wa, wa za ãma 're wawata u'âsi za'ra. Tane tô.

1 Zuwã 3:18

Ĩ'ra norĩ, e wazadawa na si wa za wa te 're dazawi wapti za'ra. Mare di. Wamreme na si wa te 're dazawi wapti za'ra mono õ di za. Uburé wa za marĩ iwẽ na wa te 're dapawaptob za'ra, wanhimizawizé hã tô sena wama 're ihâimana za'ra mono zarina.

Zuize 16:15

Tahawa te duré ãne tãma tinha: — E niha bâ te taré nasi ĩzawi wapti, asadawa nhipese na. E asina ĩ'umnhasi õ wa. Ã hã oto si'ubdatõ ãmamhã te siwa'ru nasi ĩma iromnhoré, ĩnhimiza'rese'õ newa. Tahawa zahadu ĩma wasu'u õ di, tihai hawi asiptetezé aima ihâiba hã.