Éfézu 2:7 - ꞌRe Ihâimana Uꞌâsi Mono Zadawa Wasuꞌu

⁷ E marĩ da. Da te waihu'u za'ra da, wa'uirĩ na 're idahâimana za'ra mono norĩ hã, isimizawizé sa'ẽtẽ na tãma 're ihâimana mono na hã. Ãne te za da te 're waihu'u za'ra, Cristu Zezusi te te 're ida'azawi pese mono zém na.

Éfézu 2:7 ပူးပေါင်းရင်းမြစ်များ

Salmu 41:13

Uburé Danhib'apito, Izaraéu nhihudu norĩ te, 'Re ihâimana u'âsi mono ãma si 're wawata za'ra wa'aba mono, õne u'â si'utõrĩ ãna! Tane tô! Tane tô!

Roma 2:4

Ãté te za ãne asima 're inharĩ za'ra wa'aba mo: “'Re ihâimana u'âsi mono hã simizawi pese uptabi di. Dasi'uihâ na dawasédé hã da te 're 'manharĩ u'âsi za'ra mono nherẽ, da'ãma 're wa'a su'u mono õ di. Tahawa, ĩwasédé te 're 'manharĩ mono nherẽ, te te 're ĩ'ahâri su'u mono õ di.” Ãne hã asi'uihâ na asi'ãma 're rosa'rata za'ra wa'aba mono õ di za. 'Re ihâimana u'âsi mono hã aiwasété wi 're aipizari za'ra wa'aba mono da si, te simi'ẽ na te te 're ai'madâ'â za'ra wa'wa, simizawi pese uptabi na. E ãne hã zahadu aima waihu'u za'ra wa'aba õ di bété.

Éfézu 1:7

Cristu hã wedepo'o nhonhi'rãmi na wazada dâ'â wamhã, ma tô tidâ'âzém na wa'awa'â. Marĩ, wa te 're i'manharĩ wasété za'ra mono zé hã ma tô duré te te wama 're apari, wawasédé hã te te wa'ãma 're ab'madâ'â tõ mono da oto. Ãne wamhã, ma tô Wamama hã wa'ãma uwaimrami wẽ, sa'ẽtẽ na tãma 're hâimana mono wa, te te 're iwa'azawi pese mono zé hã.

Éfézu 2:4

Tane nherẽ, wawasété na 're wanomro mono wa, 're iwadâ'â za'ra mono ne, 're wahâimana za'ra mono nherẽ, ma tô Cristu te te ihâiwa'utuzém ne wapẽ'ẽ 're te te 're wa'ahâiwa'utu, rowẽ na si oto ãma 're wanomro mono da. Ãne ma tô wama ãma uwaimrami wẽ za'ra 'Re ihâimana u'âsi mono hã, ipẽ'ẽzézé hã sa'ẽtẽ na tãma 're hâimana mono wa, duré tãma wazawi uptabi za'ra wa. Tahawa, te te 're iwa'anho'reptui mono zé wa'rãmi, marĩ zô 're simipari mono ãna, ma tô, tô te te 're wa'anho'reptu.

Éfézu 3:21

Tahawa, isazei'wai mono bâ Zezu Cristuhu ãma 're iwanomro mono norĩ, Wamama ãma si 're wawata u'âsi za'ra wa'aba mono!

Éfézu 3:5

Zudeu'õ norĩ ãma te te sima irotizé hã te te dama waihu'u õ di aré, 'Re ihâimana u'âsi mono hã. Ãhã na si duréihé ma tô Cristuhu zadawa wasu'u'wa norĩ ma waihu'u, te te sima da'ãma irotizé hã, Tipẽ'ẽzani na ta norĩ ma te te iwaihu'uzéb zarina. Duré marĩ hã te te tãma iwaihu'u za'ra zéb zarina, dama isadawa wasu'u'wa norĩ ma zama, ma tô tãma waihu'u za'ra, te te sima da'ãma irotizé hã.

2 Tesalonita 1:12

Tawamhã Wanhib'apito Zezusihi ãma te za 're dawata za'ra, Wanhib'apito 'Re ihâimana u'âsi mono me, te te 're i'aipawaptob za'ra wa'aba mono zém na ãma 're aihâimana wẽ za'ra wa'aba mono wa. Te za duré te te dama 're aiwasu'u wẽ za'ra wa'wa, Wanhib'apito Zezusi hã.

Titu 3:4

Tane nherẽ, wawasété na 're wanomro mono nherẽ, tinhoprubzém na ma tô dama 're siwaihu'u, 'Re ihâimana u'âsi mono hã Wanho'reptui'wa hã. Duré uburé te te 're ida'azawi pese mono zém na zama, ma tô dama 're siwaihu'u.

1 Pedru 1:12

'Re ihâimana u'âsi mono, ma tô duré ãne hã tãma waihu'u siromo za'ra: “Aima wa'aba si, te waihu'u za'ra wa'aba õ di, danho'reptui'wai wasu'u hã. Ai'uirĩ na wa'aba, za 're idahâimana za'ra mono norĩ pibu ma, wa tô ãne hã aima waihu'u siromo za'ra wa'wa.” Ãne ma tô tãma waihu'u za'ra, aipibu ma za'ra wa'aba zama. Wanhib'apito zadawa wasu'u'wa norĩ hã ma tô oto rowasu'uwẽ na aipo're pu'u za'ra wa'wa, Cristu te te 're ida'anho'reptui mono zém na. Hâiwa hawi, Wanhib'apito pẽ'ẽzani nhimipawaptobzéb zarina, tô sena Cristuhu wasu'uwẽ na ma tô aipo're pu'u za'ra wa'wa. Taha wasu'u hã wẽ uptabi wa, te oto hâiwa ãma romhuri'wa norĩ hã te te sima 're wẽ uptabi za'ra, te te 're waihu'u pese za'ra mono da.