Romhâiba 'manharĩ hã ãma 're idawata za'ra mono zé hã, e 'Re ihâimana u'âsi mono nhorõwa 'ri 're, te aré da te 're sa'ra, 'ri wa. Mare di. E marĩ wa. Aiwab õ wa, dama hã. Tane duré, wa norĩ hã 'Re ihâimana u'âsi mono ãma 're iwata za'ra mono õ norĩ siré, 're wahâimana waihu'u za'ra mono õ di za oto. E marĩ wa. 'Re ihâimana u'âsi mono hã wapẽ'ẽ 're, wa'ãma 're sõrõwa za'ra mono wa oto. Tahawa, 'Re ihâimana u'âsi mono nhorõwa ne, wa oto 're wahâimana za'ra wasiré isazei'wa norĩ hã, 'ri 'rãihâ wam ne, wapẽ'ẽ 're, 're sãmra mono wa oto. Duréihã 'Re ihâimana u'âsi mono zadawa 'mahârâ'wa norĩ hã ma tô imreme na rob'ui'éré za'ra, romhâ ré isib'a'uwẽ norĩ ãma hã, ãne: “Ĩnhib'a'uwẽ norĩ siré, wa za oto 're ĩhâimana u'âsi za'ra, 'râwi i'rata. Wa za duré tô isiré 're ĩmorĩ u'âsi za'ra. Isib'apito, wa za oto tãma 're ĩhâimana za'ra. Tawamhã ĩnhib'a'uwẽ te za duré ĩma 're hâimana za'ra.”
Éfézu 2:21 - ꞌRe Ihâimana Uꞌâsi Mono Zadawa Wasuꞌu21 Ẽne hã misi 'ri na simisutu 're isimi'wara mono ne, te za te te 're wa'apawapto Cristu hã, wa'ãma 're isõrõwa za'ra mono da hã, aiwapsi ãma 're wahâimana za'ra mono da. အခန်းကိုကြည့်ပါ။ |
Éfézu 2:21
12 ပူးပေါင်းရင်းမြစ်များ
Ta norĩ hã Cristuhu wasu'uwẽ si te te sima 're tété za'ra mono õ di. Cristu hã uburé tizazei'wa norĩ 'madâ'â'wa te pire na 're hâimana taha si, da'rã hã dahâiba ma pire na 're ihâimana za'ra mono ne. Dahâiba na danhorõ 're ihâimana za'ra mono hã te dahi hã te te sitẽme 're tété tete za'ra, danhiptete sina ãma 're dahâimana za'ra mono da, dahâiba na hã. Tane duré Cristu hã te za tinhib'a'uwẽ norĩ hã te te 're apawapto, ta norĩ hã 're sipawaptob za'ra mono da, siptete sina ãma 're hâimana u'âsi za'ra mono da. Te za duré te te 're apawapto, prédup sina ãma 're ihâimana za'ra mono zém na te te sima 're sa'ẽtẽ u'âsi za'ra mono da, 'Re ihâimana u'âsi mono te te tãma 're i'awẽ mono zéb zarina.