Éfézu 1:3 - ꞌRe Ihâimana Uꞌâsi Mono Zadawa Wasuꞌu

³ 'Re ihâimana u'âsi mono hã sõpru uptabi di, Wanhib'apito Zezu Cristuhu mama hã. Ta hã Cristuhu ãma 're wanomro mono wa, ma tô marĩ mono bâ wama ãma 're sõpru, uburé marĩ iwẽ na, hâiwa hawi. Tahawa, wama 're sõprub za'ra mono wa, ãma 're wawata u'âsi za'ra wa'aba mono za.

Éfézu 1:3 ပူးပေါင်းရင်းမြစ်များ

Zenezi 14:20

Duré 'Re ihâimana u'âsi mono danhipai u 're ihâimana mono, asitob'ru norĩ asib'rata te te aima isõmri za'ra ãma si 're wawata za'ra aba mono!” Tawamhã Abrã, uburé marĩ na apâ te te ãma isiri za'ra hã 10 na ihâimana za'ra te te ipo hã misi ma tô tãma waze, Mequizédéquihi ma, te te tãma sõmri da.

Zenezi 22:18

Asihudu norĩ u'âbâmhã wa za a'uwẽ mono bâ ropâ 're ĩdahâimana za'ra mono iwẽ hã te tãma 're apisutu, a hã te aima iwaihu'uzém na ĩwapari pese wa, ãne hã 'manharĩ wa.

Neemia 9:5

Tawamhã levita norĩ Zesua, Cadmi'é, Bani, Hasabnéia, Serebia, Hodia, Sebania, duré Petaia, ma tô 'Re ihâimana u'âsi mono ãma dawata za'ra da hã dazô tihârâ za'ra. Tahawa, ma tô ãne dama nharĩ za'ra: “Ma'ãpé hâiwi aipara na aimasa aba, Uburé Danhib'apito, ate 'Re ihâimana u'âsi mono ãma aiwata za'ra wa'aba da, õne u'â 'Re ihâimana u'âsi mono, 're ihâimana mono ãma! Duré isisi wẽ na uburé, ãma 're dawata za'ra mono, ãma 're idawata za'ra mono zém na da te iwab 're sa'ra mono dai õ nherẽ!”

Salmu 72:17

Apito nhisi na õne u'â ãma 're idasipo're pu'u za'ra mono da hã si, iwẽ hã. Duré bâdâ te te 're rowa'a mono ré, iwasu'u wẽ hã a'â 're ihâimana mono da si! Duré uburé daro mono bâ a'uwẽ norĩ, apito hâiba u'âbâ iwẽ na si 'Re ihâimana u'âsi mono te te dama 're i'apisutu mono da si. 'Re ihâimana u'âsi mono, apito ma, iwẽ hã te te tãma 're i'apisutu mono da si, te za duré da te 're waptẽrẽ za'ra.

Salmu 72:19

Isisi iwẽ na õne u'â ãma 're wawata za'ra wa'aba mono! Isiptetezé hã duré ihawi rowẽ za'ẽtẽ zé hã, ropâ daro mono bâ te te dama 're i'aza'ẽtẽ mono da si, iwẽ hã! Tane tô! Tane tô!

Daniéu 4:34

Tawamhã te apito hã tinha ãne: — 7 na oto ĩ'ãma wahu pari, hâiwa u wa hã te rob'madâ'â wamhã, ma tô apâ ĩnhimiza'rese wẽ hã ĩma wi. Tahawa, wa tô uburé danhipai u isiptede 'Re ihâimana u'âsi mono ãma hã ĩwata, dâ'â ãna õne u'â 're ihâimana mono ãma. Tawamhã wa hã wa tinha ãne: “Danhipai u 'Re ihâimana u'âsi mono nhiptetezé hã si'utõrĩ õ di. Duré Danhib'apito na te te 're ida'a'madâ'â mono zé hã si'utõrĩ waihu'u õ di.

Luca 2:28

Tawamhã Simiã, ma tô tipa ti'â i'ra hã, 'Re ihâimana u'âsi mono ãma wata da. Ãne te tawamhã ãma tiwata:

Zuwã 14:20

Apâ we atẽme ĩwisi za'ra wa'aba wapsi, te za ĩwaihu'u za'ra wa'wa, Ĩmama ãma 're ĩhâimana mono na. Ĩ'ãma 're aihâimana za'ra wa'aba mono na, te za asina 're ĩwaihu'u za'ra wa'aba mo. Wa hã ai'ãma wa'aba 're ĩhâimana mono na te za duré asina 're ĩwaihu'u za'ra wa'aba mo.

Zuwã 20:17

Tawamhã Zezusi te tãma tinha, ãne: — Ĩtété õ di za. Zahadu apâ ĩmorĩ õ di, Ĩmama u hã. Mo oto aimorĩ, ĩsisãnawã norĩ u tãma ĩzadawa wasu'u za'ra da. Ĩmama u, wa za oto mo apâ hâiwa u, Aimama aba u. Ĩnhib'apito u, wa za oto mo, Asib'apito za'ra wa'aba u. Ãne tãma ĩzadawa wasu'u za'ra na za.

Roma 12:5

Tane hã wa oto wa norĩ hã wasiré isazei'wa norĩ hã Cristuhu ãma, wa'ahâ nherẽ, 're wahâimana za'ra, simisutu. Dahâiba misi nherẽ, dahâiba na marĩ hã ahâ na dama 're ihâimana za'ra mono hã, tite mono bâ te te 're iromhuri za'ra mono ne, wa oto wa norĩ hã wasiré isazei'wa norĩ hã wanhimiromhuri mono bâ sipu'u pese na, wa te 're romhuri za'ra, 'Re ihâimana u'âsi mono ma, dahâiba misi na 're idahâimana za'ra mono ne, simisutu wasiré 're wahâimana za'ra mono wa oto.

Roma 15:6

Asimirosa'rata na 're asisazei u'âsi za'ra wa'aba mono wapsi, te za 'Re ihâimana u'âsi mono ãma Wanhib'apito Zezu Cristuhu mama ãma simisutu u'âsi, ãma 're aiwata za'ra wa'aba mo.

1 Corĩtu 1:30

'Re ihâimana u'âsi mono nhimipisutuzéb zarina si, te oto Cristu Zezusihi ãma 're anomro aba mo. Cristuhu ãma si oto 're anomro aba mono wa, te tinhimirowaihu iwẽ hã te te aima 're waihu'u u'âsi za'ra wa'wa. Cristuhu dâ'âzém na si, ma tô 'Re ihâimana u'âsi mono hã te te 're wa'awẽsãmri, wawasédé hã te te oto wa'ãma 're i'ab'madâ'â mono õ zarina. Taha zarina si, ma tô duré te te 're wa'apisutu, isib'a'uwẽ si oto tãma 're wahâimana wẽ za'ra mono da. Taha zarina si, ma tô duré wawasété hawi wa'anho'reptu, sitẽme te te 're wa'awaibui mono da.

1 Corĩtu 12:12

Ãne, wa za aima ãma romnhimiré'é za'ra wa'wa, iwaihu'u za'ra wa'aba zéb da hã. Wahâiba hã misi nherẽ, wahâiba na marĩ hã wama 're ihâimana za'ra mono hã ahâ di, wapara hã duré wanhib'rada hã duré wapo're hã, duré aimawi hã. Tane nherẽ, misi te tô wahâiba hã wama 're hâimana za'ra, wahâiba mono bâ. Tane duré, wa norĩ hã wasiré isazei'wa norĩ hã wa'ahâ uptabi nherẽ, wa oto simisutu ãma 're wanomro, wahâiba misi ne.

2 Corĩtu 1:3

'Re ihâimana u'âsi mono ãma si, 're wawata za'ra wa'aba mono za, Wanhib'apito Zezu Cristuhu mama ãma. Ta hã te wa'ãma 're siwamri u'âsi. Te duré te te 're wa'apawaptob u'âsi, wapẽ hã i're wama 're simi'wara u'âsi mono da.

2 Corĩtu 11:31

'Re ihâimana u'âsi mono hã, Wanhib'apito Zezusihi mama hã, taha ma si ĩwaihu'u pese di, ĩzadawa nhipese ãna aima ĩsiwasu'u za'ra wa'aba zém na hã za. Taha ãma si, wa za 're wawata u'âsi za'ra, wa norĩ hã.

2 Corĩtu 5:17

Ni'wam norĩ hã Cristu te te 're saze za'ra mono wa, simisutu tihâiba na sina 're sitob za'ra mono wamhã, 're idapoto téb za'ra mono zéb ré si, te za oto 're hâimana za'ra. Tahawa, te za 're inomro 'rata mono zé hã tãma 're si'utõrĩ za'ra. Ãhã wamhã, 're ihâimana 'rata za'ra mono zé hã tâibâ za oto. Taha wa'rãmi, te za oto 're idahâimana téb za'ra mono zém na si 're hâimana za'ra, iwẽ na si.

2 Corĩtu 5:21

Cristu hã ti'ai ãma 're morĩ ré, ma tô wasété ãna 're hâimana u'âsi. Tiwasédé hã te te 'manharĩ õ nherẽ, 'Re ihâimana u'âsi mono hã ma tô uburé wawasédé, wa te 're i'manharĩ za'ra mono zém na hâiba wati'i, wa'upana za'ra, Cristuhu ãma 're wanomro mono wa, te te oto 're iwa'awẽsãmri mono da hã.

Galata 3:9

Abra'ã hã ma tô 'Re ihâimana u'âsi mono hã te te sina 're sazei pese, te te tãma iropisutuzém na. Tahawa, rowẽ te te tãma ipisutuzéb zarina, ma tô rowẽ uptabi na 're hâimana. Tane duré Cristu Danho'reptui'wa na, da te dasina 're saze za'ra mono wamhã, Abra'ãhã ma te te ipisutu ne, te za dama 're irowẽ za'ra mono zéb da hã te te dama 're apisutu, 'Re ihâimana u'âsi mono hã.

Éfézu 1:17

Wamama hã waihu'u pese za'ẽtẽ na dâ'âsina, wa aima za'ra wa'aba te tiwi 're rowaptẽrẽ u'âsi, hâiwa hawi dahâimanazém na rowaihu hã Tipẽ'ẽzani na te te aima 're sõmri u'âsi za'ra wa'aba mono da, duré Wamama hã ihâimanazém na 'râwi 're waihu'u za'ra wa'aba mono da, 'Re ihâimana u'âsi mono hã, Wanhib'apito Zezu Cristuhu 'madâ'â'wa hã.

Éfézu 1:20

Wa duré aima za'ra wa'aba te tiwi 're rowaptẽrẽ u'âsi, te te 're aipawaptob u'âsi za'ra wa'aba mono da, iwaihu'u pe hã asina 're waihu'u za'ra wa'aba mono da. Tiwaihu'u pese na ma tô Cristu hã ab're hawi hâiwa'utu, dâ'â nherẽ. Taha pari, ma tô pisutu, pire na isimire niwĩ 're sãmra mono da oto, hâiwa ãma.

Éfézu 2:6

Ta hã Cristu ab're hawi te te ihâiwa'utu ne, ma tô wapẽ'ẽ 're te te 're wa'ahâiwa'utu, hâiwa ãma 're wasi'ubumroi u'âsi mono da, Cristu Zezusihi 'rata.

Éfézu 3:10

Ta hã ma tô sima wẽ, hâiwa ãma pire na 're ihâimana za'ra mono norĩ hã te te waihu'u za'ra da oto, hâiwa hawi dahâimanazém na rowaihu'u wẽ hã ahâ na tãma 're ihâimana mono na hã. Simisutu isib'a'uwẽ norĩ hã oto tãma 're hâimana za'ra mono wa, te za oto ãne na waihu'u za'ra, duréihã te te sima da'ãma irotizé hã te te da'ãma uwaimrami wa, Wanhib'apito Cristu Zezusi te te ida'anho'reptuzéb zarina.

Éfézu 6:12

Wa norĩ hã wasiré 're iwahâimana za'ra mono norĩ me, 're wasi'wapé za'ra mono õ di. Wa'uburé norĩ me si, wa za 're wasi'wapé za'ra, hâiwa nho're ãma simiroti wasété na 're ihâimana za'ra mono norĩ me. Wa'uburé norĩ hã ti'ai ãma dapo're'õ na 're idanomro mono norĩ ma hã, simiroti pire di, Wanhib'apito nhimiroti waihu'u'õ'wa ta norĩ hã 're nomro mono wa.

Hebreu 8:5

Da'awã da te 're 'madâ'â za'ra mono wamhã, dahâiba uptabi hã dama 're ihâimana za'ra mono na te za da te 're waihu'u za'ra. Tane nherẽ, da'awã si hã marĩ hã ãma 're hâimana mono õ di. Tane duré, ti'ai ãma 'Re ihâimana u'âsi mono nhorõwa hã te 're hâimana, sasedoti norĩ hã i're te te da'ãma 're iromhuri za'ra mono zé hã. Hâiwa ãma 'Re ihâimana u'âsi mono nhorõwa awã ne, te ta hã 're hâimana, aiwab uptabi õ nherẽ. Hâiwa ãma isõrõwa si, iwẽ uptabi hã. Duréihã Mozési hã romhâ 'manharĩ na 'ri hã 'Re ihâimana u'âsi mono ma, te te 'manharĩ õ ré, ma tô 'Re ihâimana u'âsi mono hã ãne hã tãma pisutu: “Ẽtẽ 'rãihâ na asãmra ré, romhâ 'manharĩ na 'ri 'manharĩ da, te aima ipisutuzéb uwaibaba si, te za i'manha.” Ãne ma tô 'Re ihâimana u'âsi mono hã tãma waihu'u, Mozésihi ma hã.

Hebreu 9:23

à norĩ hã ti'ai ãma romhâ 'manharĩ na 'ri hã, duré uburé marĩ hã iwa 're isimasa mono hã, hâiwa ãma 're ihâimana za'ra mono ne, te 're hâimana za'ra. Tane nherẽ, aiwab uptabi õ di, marĩ ipire da, 're hâimana za'ra mono õ nherẽ, 'ri hã ti'ai ãma hã, duré uburé iwa 're iropsimasa mono hã. Ta hã ma tô sasedoti norĩ hã danhimizama wapru na te te 're di'i za'ra, taha zarina si 'Re ihâimana u'âsi mono ma, wasété ãna 're hâimana za'ra mono da. Tane nherẽ, hâiwa ãma marĩ hã sena 're ihâimana za'ra mono hã iwẽ na si, 'Re ihâimana u'âsi mono ma, 're hâimana za'ra mono da, ma tô iwẽ uptabi hã sada dârâ.

1 Pedru 1:3

'Re ihâimana u'âsi mono ãma si oto 're wawata u'âsi za'ra wa'aba mono, Wanhib'apito Zezu Cristuhu mama ãma. E marĩ wa. Ipẽ'ẽzézé hã sa'ẽtẽ na tãma 're hâimana mono wa, ma tô wa'apoto té, wapẽ'ẽ 're, wahâimanazép té iwẽ na si oto ãma 're wahâimana za'ra mono da. Zezu Cristu hã dâ'â uptabi nherẽ, ma tô Imama hã ab're hawi hâiwa'utu, tiwaihu'u pese na. Taha zarina, wa za duré wasina sô 're wanhimipari za'ra, 're wadâ'â za'ra mono pari, te te 're iwa'ahâiwa'utu mono zéb zô.