Daniéu 9:21 - ꞌRe Ihâimana Uꞌâsi Mono Zadawa Wasuꞌu

²¹ Zahadu te rowaptẽrẽ ré, tô õ hã hâiwa ãma romhuri'wa Gabriéu, ĩnhotõ 'rowim ne ĩtõmo na te i'madâ hã, ma tô hâiwa hawi sa'ẽtẽ we wara. Ma tô ĩ'rata mazazâ 'râwi, si'ubdatõ ãma bâtâ za'ratazéb ãma, marĩ zata na 're idanhoprub za'ra mono zé bâtâ ãma hâiwahâ.

Daniéu 9:21 ပူးပေါင်းရင်းမြစ်များ

Salmu 103:20

Uburé Danhib'apito ãma si 're aiwata za'ra wa'aba mono, hâiwa ãma romhuri'wa asiptete na 're i'aihâimana za'ra wa'aba mono norĩ, duré imreme 're iwapari pese za'ra wa'aba mono na 're i'aihâimana za'ra wa'aba mono norĩ hã!

Salmu 104:4

A hã te duré rowa'u'u ma, asadawa wasu'u'wa da hã tãma 're i'apisutu mo. Te duré tã si'ubuzi ma, aima romhuri'wa da, tãma 're i'apisutu mo.

Daniéu 10:10

Tawamhã ni'wa nhib'rada ma tô ĩwahutu. Te te ĩwahutu wamhã, wa tô ĩhi'rãtitõ nhamra, ĩnhib'rata na ĩsi'upari sina.

Daniéu 10:16

Taha ré, ma tô ni'wa a'uwẽ ne hã ĩzaihâ upi. Tahawa, wa tô sadawahaipo'o, oto ĩmreme na te sãna'rata da. Tawamhã ãne wa tô hâiwa ãma romhuri'wa ĩnho're isa ma hã tãma tinha: — Ĩnhib'apito, ã hã marĩ te i'ab'madâ'â mono zé, ma tô robzépada hã ĩma waze. Tahawa, ĩnhib'uware na wa tô oto ĩhâiba.

Daniéu 10:18

Tawamhã te te duré ĩ'upi na sahu wamhã, ma tô ĩnhiptede hã apâ ĩwab ãzé.

Daniéu 8:16

A'uwẽ mreme na panho'u Ulai na isisi hawi we ni'wa te te i'mahârâ, wa tô wapa, ãne: — Gabriéu, ma'ãpé ã hã aibâ ma, marĩ te te i'ab'madâ'â mono zém na hã ãma tãma saprĩ na.

Daniéu 8:18

Zahadu te te ĩma nharĩ ré, ĩnhimiza'rese'õ si'utõrĩ wa, wa tô ti'ai u ĩdumana na waptãrã. Tane nherẽ, ma tô ĩwahutu, hâiwi apâ ĩpara na te te ĩnharĩ da.

Mateu 27:46

Tawamhã bâdâ sipra wi, te Zezusi hã Timama hã sa'ẽtẽ sina 'mahâ: — Eri, Eri, rema sabatani. Ãne wamremezém na hã: “Ĩnhib'apito, Ĩnhib'apito, e marĩ da, ma tô oto ĩsiwaprosi ĩrẽ.”

Luca 1:19

Tawamhã te duré asa tãma tinha, ãne: — Wa hã Gabriéu, 'Re ihâimana u'âsi mono ma romhuri'wa. Ta hã ma tô we ĩzatõ, rowasu'uwẽ hã te aima wasu'u da.

Luca 1:26

Tawamhã a'amo imropâ hã Izabéhé ãma oto si'utõrĩ wamhã, iwasã na hã, 'Re ihâimana u'âsi mono ma we duré satõ ti'ai u, Gabriéu hã, hâiwa ãma tãma iromhuri'wa hã. Nazaré u, ma we satõ, pi'õi ubuni ma, te te duré sadawa wasu'u da. Galiléa ãma, Nazaré hã. Pi'õ nhisi hã, Maria na isisi hã. Ta hã, azarudu. Niwapsi, Zuzéhé me te za sina timro zahuré, apito Dawihi nhihudu me.

Zezusihi zadawa wasuꞌuꞌwa norĩ nhimiromhuri na robꞌuiꞌéré 10:3

Tawamhã nimahã bâtâ na bâdâ sipra wi, ma tô marĩ hã 'madâ, sõtõ 'rowim ne. Hâiwa ãma 'Re ihâimana u'âsi mono ma, romhuri'wa hã ma tô 'madâ. Ma tô we itẽme sina rotété. Taha wamhã, te 'mahâ oto ãne: — Coneliu.

Zezusihi zadawa wasuꞌuꞌwa norĩ nhimiromhuri na robꞌuiꞌéré 10:9

Tawamhã si'aba'réi ré, ma tô tiwi ti'awẽ za'ra. Awẽ bâtâ na te duré ai'aba'ré, Zopi u. Tawamhã tamomo ma tô oto rosahutu za'ra. Tawamhã ta norĩ hã, Coneliu te te isatõrĩ za'ra norĩ hã itẽme sihutu õ ré, abzuma ma tô Pedru hã sai'u 'ri nhisi hâpâ u hâimo, 'Re ihâimana u'âsi mono ma, mreme da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 12:7

Tawamhã hâiwa ãma Wanhib'apito ma, romhuri'wa hã awa'awi ma tô itẽme wi, mara wa'wa. Ãhã wamhã, mara wa'wam nherẽ, dazazéb 'remhã ma tô tirowa'a pese, 'ri 're wa'wa ãma hã. Hâiwa hawi romhuri'wa hã ma tô Pedru hã rési isisé ãma, utu da. Tawamhã te tãma tinha, ãne: — Ai'aba'ré na aiwahutu. Tahawa, ipawasisizé hã si'uihâ na ma tô tãma asisina, isi'uwazi nhorõ rudu hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 3:1

Tawamhã nimahã bâtâ na ma tô Pedru norĩ hã dame tineb zahuré, Zuwãhã me, 'Re ihâimana u'âsi mono nhorõwa 'ri u hã. Bâdâ sipi'rai wi, te dame tineb zahuré, 'Re ihâimana u'âsi mono ãma 're idawata za'ra mono zé bâtâ na.

Hebreu 1:14

E niha tawamhã, hâiwa ãma romhuri'wa norĩ 're ihâimana za'ra mono zé hã. Ta norĩ hã ihâiba'õ, 'Re ihâimana u'âsi mono ma, romhuri'wa norĩ. Ta norĩ si ma tô 'Re ihâimana u'âsi mono hã te te 're satõrĩ za'ra ti'ai u, za te te isõ'reptu za'ra norĩ hã te te 're pawaptob za'ra mono da, ti'ab ré. Taha na si, ta norĩ nhimiromhurizé hã te tãma 're hâimana za'ra.

Hebreu 1:7

Ãne na si ma tô duré hâiwa ãma romhuri'wa norĩ ãma hã tinha: “'Re ihâimana u'âsi mono hã ma tô hâiwa ãma tãma iromhuri'wa norĩ hã pisutu za'ra, rowa'u'u na ne 're hâimana za'ra mono da, duré unhama ro'o na ne 're hâimana za'ra mono da.”

Apocalipsi 9:17

Tawamhã awaru, wa tô 'madâ'â za'ra, dasi'wapé zô ãma 're idasisa'rei mono zé hã. Ĩnhotõ 'rowim ne, wa tô 'madâ'â za'ra, isisiwi isi'ubumroi mono norĩ zama. Ta norĩ hã isi'uwazi tete 'manharĩ ne ré, te sõ'utu ubu ré isisiwi asimro. Isõ'utu ubu mono hã unhama ro'o pré ne na, iwamnarĩ mono hã. Duré sõté uzé ne na isõ'utu ubu zé wamnarĩ mono hã. Duré 'rẽnhipré nho'utu uzé ne na, isõ'utu ubu zé wamnarĩ mono hã. Duré awaru 'rãi mono hã, aiwa hu'u zérépa 'rã ne. Isadai'ré hawi mono hã te unhama ro'o mono ne hã nasi wairé, duré isizédé hã, ẽtẽ ro'o nhizédé uzé pire zama. Duré isizédé uzé pire hã te duré nasi wairé, dapãrĩzé hã.