Daniéu 9:19 - ꞌRe Ihâimana Uꞌâsi Mono Zadawa Wasuꞌu

¹⁹ Wanhib'apito ma'ãpé wawapari za'ra na! Wanhib'apito, duré wawasédé hã wa'ãma 'madâ'â za'ra õ di za! Wanhib'apito, ãma aima iwamreme zusizé hã ma'ãpé wapari. Duré ma'ãpé we wapawaptob za'ra na. 'Re ihâimana u'âsi mono na, a hã uburé da te dasiwi aiwaihu'u da, duré za iwanho'reptu za'ra na hã ronomro tõ, ĩte 'Re ihâimana u'âsi mono. E marĩ wa. Wa norĩ asib'a'uwẽ wa, duré Zeruzalẽ hã ate 'ri nho'õmo wa.

Daniéu 9:19 ပူးပေါင်းရင်းမြစ်များ

Daniéu 9:18

Ĩte 'Re ihâimana u'âsi mono, ãma aima ĩmremezé hã, ma'ãpé wapari. Duré ma'ãpé ato hã 'ridawa, wama iropsiwamnarĩ za'ra zé hã ãma 'madâ'â da, ate 'ri nho'õmo ãma hã. Ãne wa tô wanhimirowaptẽrẽzé hã aima 'manharĩ za'ra ni, a hã da'ãma 're aiwamri pese mono zarina, wawẽ na, duré sena na 're wahâimana za'ra mono õ nherẽ.

Zezusihi zadawa wasuꞌuꞌwa norĩ nhimiromhuri na robꞌuiꞌéré 15:17

Tawamhã zudeu'õ norĩ zama te za ĩzô 're sõpré, ĩnhib'a'uwẽ da, te ĩsima ipisutu za'ra norĩ hã te te 're ĩzaze za'ra mono da.

Éfézu 1:6

Wamama hã te te 're wa'azawi pese mono wa, ma tô oto wa'ãma uwaimrami wẽ za'ra, i'ra tãma isawi hã te te iwa'awa'âbâ za'ra zéb zarina. Tahawa, wa za ãma 're wawata u'âsi za'ra.

Éfézu 3:10

Ta hã ma tô sima wẽ, hâiwa ãma pire na 're ihâimana za'ra mono norĩ hã te te waihu'u za'ra da oto, hâiwa hawi dahâimanazém na rowaihu'u wẽ hã ahâ na tãma 're ihâimana mono na hã. Simisutu isib'a'uwẽ norĩ hã oto tãma 're hâimana za'ra mono wa, te za oto ãne na waihu'u za'ra, duréihã te te sima da'ãma irotizé hã te te da'ãma uwaimrami wa, Wanhib'apito Cristu Zezusi te te ida'anho'reptuzéb zarina.