Daniéu 9:17 - ꞌRe Ihâimana Uꞌâsi Mono Zadawa Wasuꞌu

¹⁷ Wate 'Re ihâimana u'âsi mono, ma'ãpé wapari, te ãma aiwi iwaptẽrẽzé hã. Prédu ma, asib'a'uwẽ te te ãma aiwi iwaptẽrẽzé hã ma'ãpé wapari. Danhib'apito, asisi za'ẽtẽ ma ropibu ma, ma'ãpé asõrõwa 'ri 'rãihâ apâ wẽsãmri, da te dasiwi irẽme hã.

Daniéu 9:17 ပူးပေါင်းရင်းမြစ်များ

Neemia 1:6

'Re ihâimana u'âsi mono, ma'ãpé we ĩ'madâ'â. Bâtâ na duré mara na zama ĩmreme na te aiwi 're irowaptẽrẽ mono zé hã ma'ãpé 're wapari mono, asib'a'uwẽ Izaraéu nhihudu norĩ hâiba na hã. Wa hã Izaraéu nhihudu norĩ me wawasédé wa te 're i'manharĩ za'ra mono na hã wa aima ĩsiwasu'u. Wahi'rata norĩ hawim na wa wawasété na hã 're wahâimana za'ra tô.

Salmu 119:135

Ma'ãpé aima romhuri'wai ãma, iwẽ si ĩ'ãma 're ab'manharĩ mono. Duré ma'ãpé asimiroti na ãma ĩma 're rowahutu mono.

Salmu 4:6

Da'ahâ uptabi na te ãne 're damreme zusi: “E 'wa hã te za iwẽ hã te te wama 're anhomri. Tahawa, Uburé Danhib'apito, ma'ãpé iwẽ hã wa'ãma 're a'madâ'â mono.”

Daniéu 9:19

Wanhib'apito ma'ãpé wawapari za'ra na! Wanhib'apito, duré wawasédé hã wa'ãma 'madâ'â za'ra õ di za! Wanhib'apito, ãma aima iwamreme zusizé hã ma'ãpé wapari. Duré ma'ãpé we wapawaptob za'ra na. 'Re ihâimana u'âsi mono na, a hã uburé da te dasiwi aiwaihu'u da, duré za iwanho'reptu za'ra na hã ronomro tõ, ĩte 'Re ihâimana u'âsi mono. E marĩ wa. Wa norĩ asib'a'uwẽ wa, duré Zeruzalẽ hã ate 'ri nho'õmo wa.

Zuwã 16:24

Zahadu marĩ hã te aima 're iwẽ za'ra wa'aba mono zéb uwaibaba, Ĩmama wi 're waptẽrẽ za'ra wa'aba mono õ di. Te za oto tiwi 're irowaptẽrẽ za'ra wa'aba mo, te te aima 're sõmri za'ra wa'aba mono da, robzei u'âsi 're anomro aba mono da.

2 Corĩtu 1:20

'Re ihâimana u'âsi mono, iwẽ na te te dama 're i'aropisutu mono zé hã ahâ uptabi nherẽ, ma tô Zezu Cristu hã pisutu, uburé te te dama ãma 're i'a'uwaimrami mono da hã. Tahawa, Zezusi hã wama umnhasi di oto, uburé te te wama ãma 're i'a'uwaimrami mono zém na hã. Wa norĩ hã wasiré isazei'wa norĩ hã wasiré 're wasi'rã'õtõ mono wamhã, 'Re ihâimana u'âsi mono ãma 're wawata za'ra mono wamhã, wa 're wamreme zusi, ãne: “Tane tô.” E marĩ te wasu'u, ã hã. Cristu, tô sena uburé marĩ na te te wama 're i'a'uwaimrami mono zé, te wasu'u. Tane duré, wa norĩ hã isadawa wasu'u'wa norĩ sena na, wa wa te aima 're rowasu'u za'ra wa'wa, iwasu'uwẽ wasu'u na hã.

Apocalipsi 21:23

Duré 'ri nho'õmo na hã bâdâ te te 're rob'uiwẽ mono õ di za oto, duré a'amo zama hã. 'Re ihâimana u'âsi mono nhimirowa'a si te za oto te te 're rowa'a, Pone'ẽrebâ nhimirowa'a zama.