Daniéu 9:16 - ꞌRe Ihâimana Uꞌâsi Mono Zadawa Wasuꞌu

¹⁶ Uburé Danhib'apito, a hã da'ãma 're aiwamri pese mono di. Tahawa, ma'ãpé Zeruzalẽ da, asiti'ru na 're i'aihâimana mono zém na hã ãma uzusi u'âsi mono tõ, ate 'ri nho'õmo zada hã duré ate sa'a iwazéb zahi zada zama. Wawasété u'âbâb za'ra hã, duré wahi'rata norĩ wasété u'âbâ hã te uburé a'uwẽ ti'ai wa'õtõ nho'õmo mono bâ, Zeruzalẽ waptoma 're ihâimana za'ra mono norĩ hã ãma 're wa'ẽ za'ra, Zeruzalẽ ãma a'uwẽ ãma hã, duré uburé asib'a'uwẽ norĩ ãma zama.

Daniéu 9:16 ပူးပေါင်းရင်းမြစ်များ

Neemia 9:8

Ta hã te te sina 're i'ai'umnhasi mono zém na 're waihu'u mono wa, ma tô asimiropisutu zahi hã tãma i'manha. Ma tô duré tãma iropisu, cananeu norĩ nhipti'a tãma sõmri da hã, hitita norĩ nhipti'a hã, amoreu norĩ nhipti'a hã, perizeu norĩ nhipti'a hã, zebuzeu norĩ nhipti'a hã, duré gigazeu norĩ nhipti'a hã, isihudu norĩ hã iwa 're ihâimana za'ra mono zéb da hã. A hã ma tô tãma iropisutuzé hã isuwa, sena na 're aihâimana mono wa.

Salmu 41:13

Uburé Danhib'apito, Izaraéu nhihudu norĩ te, 'Re ihâimana u'âsi mono ãma si 're wawata za'ra wa'aba mono, õne u'â si'utõrĩ ãna! Tane tô! Tane tô!

Salmu 89:51

Uburé Danhib'apito, asitob'ru norĩ, te apito ipisutu ma hã te te tãma 're nharĩ wasété ahâ za'ra! Ta hã 're ne mono sidâpâsi, te õ norĩ hã ãma 're wa'ẽi u'âsi za'ra.

Ezodu 20:5

Romhâiba nho're aihi'rãtitõ tãma 're asimroi wa'aba mono tõ. Ãma 're aiwata za'ra wa'aba mono tõ. E marĩ wa. Wa hã Uburé Danhib'apito, ate wa'wa 'Re ihâimana u'âsi mono. Ĩ'upana aimawi ihâiba'õ norĩ ãma dawata da hã ĩma 'ru ti. Ĩzada 're isiti'rui wairébé za'ra mono norĩ hã, wa te te 're hâ za'ra, isihudu 'ra norĩ hã, duré isihudu 'ra i'ra norĩ u zama, maparane si'uiwa na dapodo ihâimana u hã.

Daniéu 11:45

Tawamhã Mediterãniu na âporé nhisi wa'wa ẽne iwẽ uptabi iwazéb zahi wa'wa me, te za sima 'ri nha, romhâ 'manharĩ na 'ri hã. Tane nherẽ, tame te za oto dârâ. Dâ'â wamhã, ni'wa hã te te pawapto waihu'u õ di za.

Daniéu 9:20

Tawamhã wa zahadu tãma mre. Zahadu wa duré ĩwasété na tãma ĩsiwẽ'õzém na, duré ĩnhib'a'uwẽ norĩ wasété za'ra zém na zama hã te tiwi irowaptẽrẽ na ãma uzusi, Uburé Danhib'apito, ĩte 'Re ihâimana u'âsi mono wi, sa'a ite iwazéb zahi ma ropibu ma.

Zuéu 3:17

'Re ihâimana u'âsi mono hã te tinha ãne, tinhib'a'uwẽ norĩ ma: “Ãne te za a norĩ wa'wa hã iwaihu'u za'ra wa'wa, wa hã Asib'apito za'ra wa'aba na, duré ate za'ra wa'wa 'Re ihâimana u'âsi mono na. Siã nhisi ãma wa 're ĩnhamra, ĩte sa'a iwazéb zahi ãma. Zeruzalẽ hã te za 'ri'ahâ iwazéb zahi na 're hâimana. Tawamhã a'uwẽ dasiré'õ norĩ hã niwamhã te te ãma i'ai'uté za'ra da hã mare di za.

2 Tesalonita 1:6

Tane tô, 'Re ihâimana u'âsi mono, tô sena. Tawamhã te za niha te te dama 're arob'manharĩ, te te aima 're irob'manharĩ wasété za'ra wa'aba mono norĩ ma.

1 Zuwã 1:9

Tane nherẽ, wawasédé hã wa te 're i'manharĩ za'ra mono na 'Re ihâimana u'âsi mono ma, 'râwi 're wasiwẽ'õ za'ra mono wamhã, te te dama 're i'aropisutu mono zéb zarina, te za te te wama ãma 're a'uwaimrami, te te wama ãma 're a'upai mono ãna. Tãma 're iwasiwasu'u za'ra mono zéb zarina, wawasédé hã wa te 're i'manharĩ za'ra mono hã te te wa'ãma 're ab'madâ'â mono õ di za oto. Te za tô te te wama 're apari, wawasédé hã.

1 Samuéu 2:7

Wanhib'apito hã te duré te te dama 're apisutu, danhiptihai ãna 're dahâimana za'ra mono da hã, duré danhibro pese na 're idahâimana za'ra mono zéb da hã. Õhõ si te te dama 're apisutu, dawapu na 're idahâimana za'ra mono zéb da hã, duré dapire na 're idahâimana za'ra mono zéb da hã.