Daniéu 8:25 - ꞌRe Ihâimana Uꞌâsi Mono Zadawa Wasuꞌu

²⁵ Ti'rã nhipese zarina te za tô sima te te 're irowa'õtõ mono zé hã ãma sima te te 're a'uwaimrami. Te za duré 're isi'madâ'â zei mono na, we te te sina 're hâimo u'âsi. Te za duré te te 're ida'ahâiba za'réi mono zarina, da'ahâ na te te 're da'a'mapãrĩ. Uburé apito norĩ nhipai u Isiptede 'Re ihâimana u'âsi mono zada, te za duré tihâiba, ti'ai ãma apito iwasédé hã. Tane nherẽ, ti'ai ãma apito iwasédé hã te za wamnarĩ ni, a'uwẽ nhiptete nai õ na hã.

Daniéu 8:25 ပူးပေါင်းရင်းမြစ်များ

Daniéu 11:12

Tahawa, Ezitu ãma apito te za si'madâ'â zei pese, hâiwa nhimi'e niwĩ daza'ru apito te, dasi'wapéi 'manharĩ'wa norĩ ãma, te te ai'uté za'ra wẽ te, ahâ uptabi na te te uprosi za'ra wa. Tane nherẽ, taha tinhiptete na ãma hâimana hutu di za.

Daniéu 11:45

Tawamhã Mediterãniu na âporé nhisi wa'wa ẽne iwẽ uptabi iwazéb zahi wa'wa me, te za sima 'ri nha, romhâ 'manharĩ na 'ri hã. Tane nherẽ, tame te za oto dârâ. Dâ'â wamhã, ni'wa hã te te pawapto waihu'u õ di za.

Daniéu 7:26

Tane nherẽ, ãne na romhâimana parip si, te za da'ãma rowairébé'wa norĩ, niha hã tãma pisutu za'ra. Taha zarina te za tinhimi'madâ'âzé hã siwi simini. Te za duré isiptetezé hã õne u'â tiwi 're si'utõrĩ.

Daniéu 7:8

Tawamhã i'õmo norĩ te 'madâ'â ré, wa tô duré 'madâ, i'õmo hâiba amo i'up surure hã, i'õmo za'ẽtẽ norĩ wa'wa iwatobro hã. Tahawa, i'õmo za'ẽne si'ubdatõ hã ma tô õmo zani za'ra ni, i'õmo surure ma, ropese da. Taha ma, te oto a'uwẽ tõmo ne hã tãma tihâimana zahuré. Duré isadawa hã 'râwi 're isi'madâ'â zei mono zéb zarina te te ãma 're inharĩ mono da hã te tãma tihâiba.

Daniéu 8:11

Hâiwa ãma dasi'wapéi 'manharĩ'wa norĩ wada'uri'wa zada ma tô duré tihâiba. Tahawa, bâtâ sidâpâsi õ norĩ wada'uri'wai ma, marĩ zata na 're idanhoprub za'ra mono zé hã ma tô tiwi pari pese za'ra. Ma tô duré isõrõwa 'ri 'rãihâ hã tiwi pru pese.

Daniéu 9:25

Daniéu, marĩ waihu'u da, ma'ãpé ĩwapari pese. Zeruzalẽ apâ za da te dasiwi 'ri da, te te dama 'rui parimhã, te za 7 x 7 na wahu hã ai'utõ, 'Re ihâimana u'âsi mono dama i'rã nho'õmo da hã te te ipisutuzéb u. Tawamhã Zeruzalẽ 're, 'ri nhi'ridi ité ihâimana za'ra ãma hã, duré 'ri 'wawi wa'ra 'rãihâ ãma hã te za wahu hã ai'utõ, 62 x 7 na. Tane nherẽ, taha ré hã te za we romhâimana mono, robzépata za'ẽtẽ na hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 12:23

Tawamhã awa'awi ma tô hâiwa ãma Wanhib'apito ma romhuri'wa hã azâ, ihâzé pire na, Erodi hã. 'Re ihâimana u'âsi mono ãma si 're idawata za'ra mono zé hã te te sima sawi wa, ma tô azâ. Marĩ hã isãna wai'u ne hã ãma sépu'u wa, ma tô oto dârâ, Erodi hã.

2 Tesalonita 2:8

Tawamhã iwasété uptabi hã te za we sihâi'ré oto, danho'a te te romhuri da. Tane nherẽ, Wanhib'apito Zezusi hã wei morĩ wamhã, tizadawa wa'u'u na te za tiwĩ. Rowa'a za'ẽtẽ ré wei wisi wamhã, taha wamhã iwasété uptabi hã tâibâ za oto.

Apocalipsi 17:14

Te za duré ropoto siwamnarĩ siré siwi 'wapé, Pone'ẽrebâ hã. Tane nherẽ, te za Pone'ẽrebâ hã ãma ai'uté za'ra. Ta hã Pone'ẽrebâ danhipai u Uburé Danhib'apito uptabi na 're hâimana mono wa, duré danhipai u dama pire na 're hâimana mono wa, te za ãma ai'uté za'ra. Ni'wam norĩ hã isirã zarina si 're nomro mono da, Pone'ẽrebâ te te 're i'apisutu mono norĩ hã, duré simi'ẽ na õhõ ãma si 're inomro mono norĩ hã, te za Pone'ẽrebâ siré ãma ai'uté za'ra, ropoto siwamnarĩ norĩ ãma hã.

Apocalipsi 19:16

Tawamhã duré i'uza hâpa na isisi na rob'ui'éré, duré izada'õtõ na zama. Ãne isisi na rob'ui'éré hã, uburé danhipai u Danhib'apito. Duré isisi amo na rob'ui'éré hã, Danhipai u dama ipire.