Daniéu 8:2 - ꞌRe Ihâimana Uꞌâsi Mono Zadawa Wasuꞌu

² Te irosawẽrẽ 'remhã, Ulai na pa nhisi zaihâ 'rata, wa za, Susã na 'ri nho'õmo nhisi 'wawi wa'ra 'rãihâ 're, Elã na daza'rui wa'õtõ nhisi 're ihâimana mono ãma.

Daniéu 8:2 ပူးပေါင်းရင်းမြစ်များ

Zenezi 10:22

Sẽhẽ 'ra norĩ nhisi hã ãne: Elã, Assur, Arpaxade, Lude, duré Arã.

Zenezi 14:1

Taha wahub 'remhã, te Anrafe na isisi, Sina na romnhisi ãma apito na 're hâimana. Arioqui, Elasa na romnhisi ãma apito na te 're hâimana. Quedorlaome, Elã na romnhisi ãma te apito na hã 're hâimana. Duré Tidau, te Go'ĩ na romnhisi ãma apito na hã 're hâimana.

Neemia 1:1

à hã Neemia, Hacaliasihi 'ra wasu'u. Tawamhã a'amo za'ratazé 9 ãma, apito Artazesi, Persia te, 20 na iwahum na te te 're da'a'madâ'â mono ré, wa tô 'ri nho'u isa'ẽne Susã na isisi ãma nhamra, ĩte ti'ai wa'õtõ nho'õmo ãma.

Daniéu 10:4

Imorĩ'rata na wahup te a'amo dia 24 na, wa tô Tigre na panho'õmo nhisi zaihâ na hã ĩhâiba.

Daniéu 7:15

Wa hã Daniéu ĩnhotõ 'rowim ne, marĩ te i'ab'madâ'â mono zé hã te te ĩpẽ'ẽwara pese wa, wa tô hâtârâ.

Daniéu 7:2

Ãne ma tô ãma rob'ui'éré: Bara na te sahoi mono wamhã, wa tô 'madâ, maparane si'uiwa na rowa'u'u za'ẽne sitẽme siré iwairébé, âporé te te siwi i'âzasisi za'ẽtẽ za'ra mono hã.

Daniéu 8:1

Dama i'rã nho'õmo na si'ubdatõ na Béusaza ãma iwahub ãma, wa hã Daniéu wa tô duré aimawi hã ĩnhotõ 'rowim ne marĩ hã ab'madâ.

Daniéu 8:3

Ĩ'rãiwahutu wa, te oto rob'madâ'â wamhã, wa tô pone'ẽrebâ zéré mapure si'aibâ hã 'madâ, maparane i'õmo pa hã. Misi daza'u i'õmo watobro hã, i'õmo pa uptabi.

Hebreu 1:1

Duréihã 'Re ihâimana u'âsi mono hã ma tô tizadawa 'mahârâ'wa norĩ ma te te 're rowasu'u, ta norĩ hã wahi'rata norĩ ma, te te oto ãma 're rowasu'u za'ra mono da, isadawa nhipai u. Ta norĩ ma, ma tô marĩ na misi si te te tãma 're rowasu'u za'ra, ãma ipu'u na hã, 'Re ihâimana u'âsi mono te te tãma 're iwaihu'u za'ra mono zép sidâpâsi.

Apocalipsi 9:17

Tawamhã awaru, wa tô 'madâ'â za'ra, dasi'wapé zô ãma 're idasisa'rei mono zé hã. Ĩnhotõ 'rowim ne, wa tô 'madâ'â za'ra, isisiwi isi'ubumroi mono norĩ zama. Ta norĩ hã isi'uwazi tete 'manharĩ ne ré, te sõ'utu ubu ré isisiwi asimro. Isõ'utu ubu mono hã unhama ro'o pré ne na, iwamnarĩ mono hã. Duré sõté uzé ne na isõ'utu ubu zé wamnarĩ mono hã. Duré 'rẽnhipré nho'utu uzé ne na, isõ'utu ubu zé wamnarĩ mono hã. Duré awaru 'rãi mono hã, aiwa hu'u zérépa 'rã ne. Isadai'ré hawi mono hã te unhama ro'o mono ne hã nasi wairé, duré isizédé hã, ẽtẽ ro'o nhizédé uzé pire zama. Duré isizédé uzé pire hã te duré nasi wairé, dapãrĩzé hã.