Daniéu 8:17 - ꞌRe Ihâimana Uꞌâsi Mono Zadawa Wasuꞌu

¹⁷ Tawamhã Gabriéu 'râwi te te ĩtẽme sina rotété wamhã oto, wa tô ĩpahi pese. Tahawa, wa tô ĩhi'rãtitõ tãma aime. Wa tô duré ti'ai u ĩ'ubu na ropto. Tahawa, te ãne ĩma tinha: — A hã, aibâ i'atâ'â pesere, marĩ i'madâ'âzé iwaihu'u da hã tô i'ru zahi. E marĩ wa. Rob'rãsutuzé, ta hã te te sina wasu'u wa.

Daniéu 8:17 ပူးပေါင်းရင်းမြစ်များ

Zenezi 17:3

Tawamhã Abrã, hi'rãtitõ ma tô tãma nhamra. Ti'ai u ti'ubu na ma tô ãma ropto. Tahawa, te 'Re ihâimana u'âsi mono ãne duré tãma tinha:

Daniéu 10:11

Tawamhã te hâiwa ãma romhuri'wa hã ãne ĩma tinha: — Daniéu, 'Re ihâimana u'âsi mono te te 're asawi pese. Tahawa, ma tô we ĩzatõ, te aima rowasu'u da. Ma'ãpé hâiwi aipara na asa na, za te aima irowasu'uzém na ĩwapari da. Tawamhã ãne te te ĩma nharĩ wa, wa tô ĩrẽrẽ'ẽ sina nherẽ hâiwi ĩpara na oto za.

Daniéu 10:16

Taha ré, ma tô ni'wa a'uwẽ ne hã ĩzaihâ upi. Tahawa, wa tô sadawahaipo'o, oto ĩmreme na te sãna'rata da. Tawamhã ãne wa tô hâiwa ãma romhuri'wa ĩnho're isa ma hã tãma tinha: — Ĩnhib'apito, ã hã marĩ te i'ab'madâ'â mono zé, ma tô robzépada hã ĩma waze. Tahawa, ĩnhib'uware na wa tô oto ĩhâiba.

Daniéu 11:27

Tawamhã apito norĩ te za sisõpẽtẽ zahuré. Tane nherẽ, te za sadawa nhipese na taré sima siwasu'u zahuré, hâimana nhipese na, za marĩ te te sima 'manharĩ wasété zahuré da nherẽ. Tane nherẽ, hâiba si'uiwa na te te si'ãma irowa'õtõ zahuré zé hã taré pese te za tihâiba, zahadu bâdâ hã wisi õ dâ'âsina.

Daniéu 11:40

— Oto we romhâimanazéb 'rãsudu wisi wamhã, te za Ezitu te apito hã hâiwa nhimi'e niwĩ te apito hã susi. Tahawa, te za tô sô watobro, wedewara zapore na dasi'wapézém na duré awaru na isi'wapéi'wa norĩ ré, duré uba're i'ahâ uptabi na hã. Â rom na 're i'âpusi mono ne, te za Ezitu u hã sisisi.

Daniéu 12:13

— A hã Daniéu, ma'ãpé rob'rãsutu u asiptete na ãma 're aihâimana mono. Te za tô atâ. Tane nherẽ, te za apâ hã aihâiwa'u, aipawa'âbâzé âri da hã.

Daniéu 12:4

Daniéu, ma'ãpé a hã romreme na rob'ui'éré ré hã marĩ uptobzém na tob'rata to na, sitom haré a'â nomro da, rob'rãsutu u. Da'ahâ uptabi na te za 're dasiwa'rãmi rowaihu'u wẽ zô, da te dasima sa'ẽtẽ za'ra da.

Daniéu 2:46

Tawamhã apito Nabucodonozo, Daniéu nho'remhã ma tô hi'rãtitõ aime. Ma tô duré ti'ubu na ti'ai u hã ropto. Taha pari ma tô duré dama waihu'u, Daniéu ma mram na danhoprubzé hã, duré wedewa'u zadaze na danhoprubzé hã da te tãma sa'ra da, isõ're u hã.

Daniéu 7:16

Tahawa, isimasisizém nho're da'ahâ uptabi na tame idasimasam norĩ u, wa tô 'râwi ĩsina rotété, marĩ te i'ab'madâ'â mono na te te ĩma ãma i'mazaprĩzé hã te tiwi 'maiwaptẽrẽ da. Tahawa, ma tô õ hã ãma ĩma saprĩ ãne:

Daniéu 8:15

Wa hã Daniéu, ĩnhotõ 'rowim ne na marĩ te i'a'madâ'â mono zé te waihu'u da, rosa'rata na ĩsi'wapéi ré, ma tô ĩnho'remhã aibâ ne hã sihâi'ré.

Daniéu 8:19

Ãne ma tô ĩma tinha: — 'Re ihâimana u'âsi mono siti'rui wa, marĩ za iwatobrozém na, wa za aima rowasu'u. E marĩ wa. Ã hã marĩ i'ab'madâ'â mono zé hã za rob'rãsutuzéb ãma we iromhâimana mono zé, te wasu'u.

Daniéu 8:27

Wa hã Daniéu, bâtâ siwaptom na wa tô ĩhâiba zei õ na duré ĩhâzé na we ĩhâimana. Taha pari oto apâ we ĩwẽ na ĩhâimana mono wamhã, wa tô apâ dama ĩ'rã nho'õmo nhimiromhuri na hã te romhuri. Tane nherẽ, marĩ te i'ab'madâ'â mono zém na si ĩhâtâ'â u'âsi di, te isadaihu'u da hã ĩma pire wa.

Daniéu 9:23

A hã tiwi irowaptẽrẽzém na ãma sãna'rata wi, ma tô 'Re ihâimana u'âsi mono hã ãma asada'â. Tãma hã asawi uptabi di. Tahawa, ma tô we ĩma rob'ru, marĩ i'a'madâ'â mono zém na te ãma aima saprĩ da. Tahawa, ma'ãpé ĩwapari pese, te aima ãma isaprĩzé hã waihu'u pese da.

Daniéu 9:27

Duré ã hã apito, dapoto mono bâ dasiwazari da'ahâ uptabi na idahâimana za'ra mono ma, te za marĩ na dasisazezé hã dama 'manha. Tawamhã ãhã ré hã te za 7 na da'ãma tiwahu. Duré 7 wahub u aiwa ãma isipo'o ãma, te za abaze zata na 're idanhoprub za'ra mono zé hã, duré 'Re ihâimana u'âsi mono nhorõwa 'ri 'rãihâ 're, amnho na 're idanhoprub za'ra mono zé hã oto dawi sizâ. Duré “marĩ ipipa iwasété uptabi hã” te za 'Re ihâimana u'âsi mono nhorõwa 'ri 'rãihâ 're hâimo tisã. Tawamhã tame te za a'â za, ã hã apito hã 'Re ihâimana u'âsi mono te te i'uprosizéb u, te te ãma sima irowairébézéb zarina.

Mateu 17:8

Tawamhã ma tô ti'rãiwahutu za'ra oto, te te rob'madâ'â za'ra da. Te te rob'madâ'â za'ra wamhã, Zezusihi si ma tô duré oto 'madâ'â za'ra.

Apocalipsi 1:17

Tawamhã õ hã te 'madâ'â wamhã, wa tô ipapara aime sa'ẽtẽ, ĩdâ'â ne, ĩpahi te. Tane nherẽ, ma tinhib'rata nhimire niwĩ ĩ'upi, ĩpahi tõ da. Ãne te ãhã wamhã ĩma tinha: — Ĩma aipahi tõ. Wa hã romna'rada duré rob'rãsudu.

Apocalipsi 22:8

Wa hã Zuwã hã wa tô ãne uburé marĩ hã te awapari. Wa tô duré uburé marĩ hã te ab'madâ'â. Tawamhã ãne te awapari mono pari, duré ãne marĩ te ab'madâ'â mono pari, wa tô hâiwa ãma romhuri'wai papara aime, ãma ĩwata da, za iromhâimana mono zém na te te ĩma i'awaihu'u mono ãma.