Daniéu 8:12 - ꞌRe Ihâimana Uꞌâsi Mono Zadawa Wasuꞌu

¹² Duré bâtâ sidâpâsi 're idanhoprub za'ra mono zéb upana, ma tô iwasété na si 're danhoprub za'ra oto. Õ hã ma tô duré sena na danhimizaze 're ihâimana mono hã uprosi. Duré uburé marĩ te te 're i'a'manharĩ mono zém na ma tô te te sima ãma 're a'uwaimrami.

Daniéu 8:12 ပူးပေါင်းရင်းမြစ်များ

Salmu 119:43

Ma'ãpé ĩzadawa hawimhã sena na 're ĩmreme mono zé hã ĩwi 're sani mono tõ. E marĩ wa. A hã dama 're i'arowairébé mono zé, ĩma umnhasi za'ẽtẽ wa.

Daniéu 11:28

Taha pari hâiwa nhimi'e niwĩ daza'ru te apito hã te za tite ti'ai wa'õtõ nho'õmo u apâ sina siri. Tahawa, te za uburé dasi'wapéi wa, marĩ iwa'âbâ za'ẽne te te dawi i'awaibu hã siré tidu. Te za duré rowa'õno hã niha na hã sima 'manha, Izaraéu nhihudu norĩ wi isimizaze te te uprosi da hã. Marĩ te te sima iwẽzéb zarina te za tô tãma 'manharĩ za'ra. Taha pari te za apâ tite ti'ai wa'õtõ nho'õmo u hã mo.

Daniéu 7:21

Tawamhã zahadu te 'madâ'â ré, ma tô i'u hã 'Re ihâimana u'âsi mono nhib'a'uwẽ a'wapé. Tawamhã ropoto siwamnarĩ upsuru, zahadu we te te tô da'ãma ai'uté,

Daniéu 8:4

Pone'ẽrebâ zéré mapure si'aibâ, te ti'õmo ré nasi ti'rã wabzu, bâtâ zasizém niwĩ, duré hâiwa nhimire niwĩ, duré hâiwa nhimi'e niwĩ. Tahawa, nimahã abaze hã sada 'maihâimana waihu'u õ di. Duré tiwi 'masimani waihu'u õ di. Ta hã te te sima iwẽzéb zarina te marĩ hã ab'manha. Tahawa, te isiptetezé hã tãma te te sina hâimo.

Apocalipsi 13:7

Tawamhã 'Re ihâimana u'âsi mono hã ma tô duré tãma waprosi, â hawi ropoto siwamnarĩ ma, isib'a'uwẽ te te 'wapé za'ra da, te te ãma ai'uté za'ra da, isib'a'uwẽ norĩ ãma. Ma tô duré tãma waprosi, simiwada'uri wasété nhiptete sina te te 're da'awada'uri mono da, dapoto mono bâ, duré damreme sipo'o mono bâ 're idahâimana za'ra mono hã.

1 Samuéu 23:9

Tawamhã Sau za te te i'wapézém na te te sima irosa'ratazé hã Dawi hã te te waihu'u wamhã, ma tô tãma tinha ãne, sasedoti Abiataha ma: — We ãwa âri sasedoti norĩ si'uzazé hã, 'Re ihâimana u'âsi mono hã wa te iré sadanharĩ da.