Daniéu 7:4 - ꞌRe Ihâimana Uꞌâsi Mono Zadawa Wasuꞌu

⁴ Imorĩ'rada hã hu'u zérépa hâiba ne, si'õmo wawẽ zaripi ré hã. Ta hã te 'madâ'â ré, ma tô isaribi hã tiwi sani ni. Tahawa, ma tô hâiwi sab da, dasiwi sãrĩ ni, a'uwẽ hâiwi 're isimasa mono ne. Ma tô duré a'uwẽ nhimirosa'rata ne hã oto tãma sõmri ni.

Daniéu 7:4 ပူးပေါင်းရင်းမြစ်များ

Daniéu 2:38

Õ hã daro mono bâ uburé asib'rata 're dahâimana za'ra mono da hã, ma tô aima pisutu. Abaze norĩ zama, si norĩ zama ma tô duré aima pisutu za'ra. A hã ropoto 'rã oru 'manharĩ hã te aiwasu'u.

Daniéu 4:36

— Tawamhã tô awa'awi ĩnhimiza'rese wẽ zé hã apâ ĩma wisi wamhã, wa tô apâ ti'â, i'rãnho'õmo na ĩpire na duré dama ĩwazém na 're ĩhâimana mono zé hã. Duré ĩte dama roti'wa norĩ hã duré ĩte dama ipire norĩ hã ma tô apâ hã siwi ĩ'âri wẽ. Tahawa, wa tô duré ĩsi'apito apâ, ĩnhiptede hã imorĩ'rata na ĩsi'apitozém nhipai u.

Daniéu 7:12

Duré ropoto siwamnarĩ hâiba amo norĩ wi hã ma tô isiptede tiwi sani za'ra ni. Tane nherẽ, ta norĩ hã da te dasiwi simroi õ di. Ma tô tãma pisutu za'ra ni, bâdâ suru na a'â ãma 're ihâimana za'ra mono zéb da hã.

Daniéu 7:5

Tawamhã ropoto siwamnarĩ isãna'reb ãma hã wa tô duré 'madâ, ursu hâiba ne hã. Ta hã ma tô duré para na hâiwi za wahu na, tizadawa 're, ti'wa na marĩ waihi te te tété sina. Taha ré, te ni'wa tãma tinha ãne: “Aiwahutu, asima iwẽ na romnhi hã 'mairẽne da.”

Mateu 24:28

— Sipahudu hã marĩ dâ'â u 're si'rã'õtõ mono wamhã, dama pibui pese za'ra di, marĩ hã 're dâ'â za'ra mono wa, 're isimasa mono zé hã. Tane, wa hã apâ we ĩmorĩzé hã uburé dama pibui pese za'ra di za.

Apocalipsi 13:2

Duré ihâiba hã, hu'u hâiba ne. Ipara hã robzahi para ne hã ursu para ne. Duré isadai'ré hã, aiwa hu'u zérépa zadai'ré ne, isadai'ré hã. Tawamhã ho'orã hâiba ne ropoto siwamnarĩ hã, Satanasi hã ma tô tinhiptetezé hã tãma tisõ, isadawa para siré te te da'ãma 're romhuri wasété zahuré mono da, isimiromhuri waihu'u pese zém na.