Daniéu 7:28 - ꞌRe Ihâimana Uꞌâsi Mono Zadawa Wasuꞌu

²⁸ Ãme ma oto ti'rãsutu, ĩnhotõ 'rowim ne, te marĩ i'a'madâ'â mono zé hã. Tane nherẽ, wa hã Daniéu wa tô duré tãma ĩpẽ'ẽwara pese, te ãma irosa'ratazéb zarina. Tahawa, wa tô duré ĩ'ubu'a pese. Tane nherẽ, wa 'râwi ĩsima si tété.

Daniéu 7:28 ပူးပေါင်းရင်းမြစ်များ

Zenezi 37:10

Tawamhã ã hã Zuzé te te irosawẽrẽzé, timama ma, duré tisisãnawã norĩ ma, te te tãma wasu'u za'ra wamhã, ma tô imama te te ãma mreme wẽ'õ wa, ãne mreme tete na tãma tinha: — E marĩ te wasu'u, irosawẽrẽzé hã. E niha wa za wa hã ana me, asisãnawã norĩ siré asõ'remhã wahi'rãtitõ aima aimasisi ni, wa'ubu na ti'ai u wa te roptop sina wama aipire zarina.

Zenezi 37:11

Tawamhã isisãnawã norĩ te duré siwi 'ruiwapa, tino hã. Tane nherẽ, te imama si taré ãma rosa'rata u'âsi, ti'ra nhimirosawẽrẽ na hã.

Daniéu 10:16

Taha ré, ma tô ni'wa a'uwẽ ne hã ĩzaihâ upi. Tahawa, wa tô sadawahaipo'o, oto ĩmreme na te sãna'rata da. Tawamhã ãne wa tô hâiwa ãma romhuri'wa ĩnho're isa ma hã tãma tinha: — Ĩnhib'apito, ã hã marĩ te i'ab'madâ'â mono zé, ma tô robzépada hã ĩma waze. Tahawa, ĩnhib'uware na wa tô oto ĩhâiba.

Daniéu 10:8

Tawamhã ĩsiwaprosi ĩzab ré, wa tô ĩnhotõ 'rowim ne oto 'madâ, ãma ĩtob'uzu hã. Wa tô duré ĩnhib'uwa na ĩhâiba. Wa tô ĩ'ubu'a. Marĩ te 'manharĩ waihu'u ãna, wa tô duré ĩhâiba.

Daniéu 11:27

Tawamhã apito norĩ te za sisõpẽtẽ zahuré. Tane nherẽ, te za sadawa nhipese na taré sima siwasu'u zahuré, hâimana nhipese na, za marĩ te te sima 'manharĩ wasété zahuré da nherẽ. Tane nherẽ, hâiba si'uiwa na te te si'ãma irowa'õtõ zahuré zé hã taré pese te za tihâiba, zahadu bâdâ hã wisi õ dâ'âsina.

Daniéu 12:13

— A hã Daniéu, ma'ãpé rob'rãsutu u asiptete na ãma 're aihâimana mono. Te za tô atâ. Tane nherẽ, te za apâ hã aihâiwa'u, aipawa'âbâzé âri da hã.

Daniéu 12:9

Ma tõ ãma ĩzada'â ãne: — Daniéu, aihâtâ'â ãna aimorĩ oto. E marĩ wa. Ã hã ĩmreme hã tom haré pi'uriwi a'â hâimana wa za, rob'rãsutu u.

Daniéu 4:16

Tahawa te za duré a'uwẽ nhimirosa'ratazé hã oto tiwi aimani. Te za oto abaze norĩ nhimirosa'rata ne na 're hâimana. Tawamhã ãne na 're hâimana mono ré, te za 7 na ãma tiwahu.

Daniéu 4:19

Tawamhã Daniéu, Béutésaza na isisi amo ãne hã te te wapari wa, ma tô tãma a'rã. Tahawa, te a'â rosa'rata ma za, ari'iwi. Tawamhã te apito tãma tinha ãne: — Béutésaza, aihâtâ'â tõ, rosawẽrẽ na hã duré za marĩ te te iwasu'uzém na hã. Tane nherẽ, ma tô Daniéu ãne ãma tãma wa'rã: — Apito, asimirosawẽrẽzé iwasu'u hã aré tô iwẽ ĩma hã, aihâiba upana asitob'ru norĩ hâiba u ihâimana da hã. Tane nherẽ, ta norĩ hâiba hã te te wasu'u õ di.

Daniéu 5:6

Tahawa, ma tô tãma ti'ubu'a pese. Ma tô tipahi pese. Tahawa ma tô ihi'rãti hã nasi si'ahâri zahuré. Ma tô rẽrẽ, i'rãi hawi ipara u.

Daniéu 7:15

Wa hã Daniéu ĩnhotõ 'rowim ne, marĩ te i'ab'madâ'â mono zé hã te te ĩpẽ'ẽwara pese wa, wa tô hâtârâ.

Daniéu 8:1

Dama i'rã nho'õmo na si'ubdatõ na Béusaza ãma iwahub ãma, wa hã Daniéu wa tô duré aimawi hã ĩnhotõ 'rowim ne marĩ hã ab'madâ.

Daniéu 8:17

Tawamhã Gabriéu 'râwi te te ĩtẽme sina rotété wamhã oto, wa tô ĩpahi pese. Tahawa, wa tô ĩhi'rãtitõ tãma aime. Wa tô duré ti'ai u ĩ'ubu na ropto. Tahawa, te ãne ĩma tinha: — A hã, aibâ i'atâ'â pesere, marĩ i'madâ'âzé iwaihu'u da hã tô i'ru zahi. E marĩ wa. Rob'rãsutuzé, ta hã te te sina wasu'u wa.

Daniéu 8:19

Ãne ma tô ĩma tinha: — 'Re ihâimana u'âsi mono siti'rui wa, marĩ za iwatobrozém na, wa za aima rowasu'u. E marĩ wa. Ã hã marĩ i'ab'madâ'â mono zé hã za rob'rãsutuzéb ãma we iromhâimana mono zé, te wasu'u.

Daniéu 8:27

Wa hã Daniéu, bâtâ siwaptom na wa tô ĩhâiba zei õ na duré ĩhâzé na we ĩhâimana. Taha pari oto apâ we ĩwẽ na ĩhâimana mono wamhã, wa tô apâ dama ĩ'rã nho'õmo nhimiromhuri na hã te romhuri. Tane nherẽ, marĩ te i'ab'madâ'â mono zém na si ĩhâtâ'â u'âsi di, te isadaihu'u da hã ĩma pire wa.

Marcu 9:15

Zezusi hã da te 'madâ'â za'ra wamhã, uburé ma tô ãma tatob'uzu za'ra ni. Tahawa, ma tô itẽme dasisa're, da te sawi za'ra da.

Luca 2:19

Taha wamhã, duré Maria te isimirowasu'u za'ra na tipẽ'ẽ na hã te te 're rosa'rata u'âsi.

Luca 2:51

Tawamhã Zezusi te ime timorĩ zahuré apâ, Nazaré u. Tame timama norĩ mreme, te te 're wapari pese. Ina hã i'ra tãma isiwasu'uzéb zahuré na, te te 're rosa'rata u'âsi, tipẽ'ẽ na.

Luca 9:44

— Wa za aima ĩsiwasu'u za'ra wa'wa. Aima ĩsiwasu'u za'ra wa'aba zém na, aipo're si'âri za'ra wa'aba õ di za. Ti'ai ãma Dasiré Ipodo hã te za dasima hâiba nhomri ni.