Daniéu 7:21 - ꞌRe Ihâimana Uꞌâsi Mono Zadawa Wasuꞌu

²¹ Tawamhã zahadu te 'madâ'â ré, ma tô i'u hã 'Re ihâimana u'âsi mono nhib'a'uwẽ a'wapé. Tawamhã ropoto siwamnarĩ upsuru, zahadu we te te tô da'ãma ai'uté,

Daniéu 7:21 ပူးပေါင်းရင်းမြစ်များ

Daniéu 11:31

Tawamhã duré ite dasi'wapéi 'manharĩ'wa norĩ hã te za 'Re ihâimana u'âsi mono nhorõwa 'ri 'rãihâ siwi wasété pese. Te za duré bâtâ sidâpâ abaze zata na 're idanhoprub za'ra mono zé hã siwi sizâ. Tahawa, te za duré 'Re ihâimana u'âsi mono nhorõwa 'ri 'remhã siwi tisã, marĩ ipipa iwasété uptabi hã.

Daniéu 12:7

Tawamhã hâiwa ãma romhuri'wa tinhib'rada hâimo te te wẽ sina, te 'Re ĩhâimana u'âsi mono idâ'â'õ nhisi na tinha ãne: — Wa za aima ropisutu. Ãne hã te za tô tiromhâiba, si'ubdatõ wahu aiwa ãma isipo'o u, 'Re ĩhâimana u'âsi mono tinhib'a'uwẽ da, te te ipisutu norĩ ma, da te tãma 're irob'manharĩ wasété za'ra mono zé hã si'utõrĩ wapsi.

Daniéu 7:20

Wa tô duré tiwi waptẽ, ropoto siwamnarĩ 'rã na i'u 10 na ihâimana za'ra na zama te te ĩma ãma isaprĩzé hã, duré i'õmo hâiba amo iwatobro na isaprĩzé hã. Ta hã si'ubdatõ i'u te te i'marõpãrĩ za'ra hã, i'õmo hâiba amo norĩ nhipai u isiptete uptabi, ito duré tãma ihâiba hã, duré 're isi'madâ'â zei mono na tizadawa na te te 're inharĩ mono.

Daniéu 8:12

Duré bâtâ sidâpâsi 're idanhoprub za'ra mono zéb upana, ma tô iwasété na si 're danhoprub za'ra oto. Õ hã ma tô duré sena na danhimizaze 're ihâimana mono hã uprosi. Duré uburé marĩ te te 're i'a'manharĩ mono zém na ma tô te te sima ãma 're a'uwaimrami.

Daniéu 8:24

Tawamhã te za duré isiptetezé hã we te te tãma sina hâimo u'âsi. Tane nherẽ, tinhiptete na we sihawi siptete mono õ di za. Taha na te za te te dawi 're arowamnarĩ, tipipa uptabi na. Te za duré a'uwẽ isiptete norĩ hã uprosi, 'Re ihâimana u'âsi mono tinhib'a'uwẽ da, te te ipisutu norĩ zama. Marĩ te te sima iwẽzéb zarina, te za tô we te te sima ãma 're a'uwaimrami.

Daniéu 8:9

Tawamhã taha misi i'õmo pa na ma tô i'upsuru hã 'maipodo. Ta hã õmo si'réi mono wamhã, ma tô siptete na hã õmo si'réi mono, hâiwa nhimire nho'õmoi baba, duré bâtâ pusizém nho'õmoi baba, duré Ti'a Iwẽ uptabi nho'õmoi baba.

Apocalipsi 17:14

Te za duré ropoto siwamnarĩ siré siwi 'wapé, Pone'ẽrebâ hã. Tane nherẽ, te za Pone'ẽrebâ hã ãma ai'uté za'ra. Ta hã Pone'ẽrebâ danhipai u Uburé Danhib'apito uptabi na 're hâimana mono wa, duré danhipai u dama pire na 're hâimana mono wa, te za ãma ai'uté za'ra. Ni'wam norĩ hã isirã zarina si 're nomro mono da, Pone'ẽrebâ te te 're i'apisutu mono norĩ hã, duré simi'ẽ na õhõ ãma si 're inomro mono norĩ hã, te za Pone'ẽrebâ siré ãma ai'uté za'ra, ropoto siwamnarĩ norĩ ãma hã.

Apocalipsi 17:6

Tawamhã ã pi'õ hã wa duré 'madâ, apâ. Da'uihâ idi'iti wa, dato sina da te 're irobzanhamri za'ra mono ne, te pi'õ hã robzanha. 'Re ihâimana u'âsi mono nhib'a'uwẽ, isadawa para, da te 're simroi mono wẽ te, te 're to, pi'õ hã. Duré Zezusihi zazei'wa norĩ sipizari ãna, Zezusi te te 're sazei pese za'ra mono 'ru te, da te 're simroi mono wẽ te, te pi'õ hã 're to. Tawamhã pi'õ hã te 'madâ'â wamhã, wa ãma ĩtob'uzu, ĩma sa'rese õ wa.

Apocalipsi 19:19

Tawamhã â hawi ropoto siwamnarĩ hã wa tô 'madâ, ti'ai ãma dama ipire za'ra mono norĩ me. Ta norĩ hã ma tô tite da'wapéi'wai mono bâ te te 'rã'õtõ, awaru irã 'mapraba'wa hã te te siwi 'wapé da, duré isiré da'wapéi'wa norĩ zama te te siwi 'wapé za'ra da.