Daniéu 7:20 - ꞌRe Ihâimana Uꞌâsi Mono Zadawa Wasuꞌu

²⁰ Wa tô duré tiwi waptẽ, ropoto siwamnarĩ 'rã na i'u 10 na ihâimana za'ra na zama te te ĩma ãma isaprĩzé hã, duré i'õmo hâiba amo iwatobro na isaprĩzé hã. Ta hã si'ubdatõ i'u te te i'marõpãrĩ za'ra hã, i'õmo hâiba amo norĩ nhipai u isiptete uptabi, ito duré tãma ihâiba hã, duré 're isi'madâ'â zei mono na tizadawa na te te 're inharĩ mono.

Daniéu 7:20 ပူးပေါင်းရင်းမြစ်များ

Daniéu 7:11

Duré wa zahadu 'madâ. E marĩ wa. I'õmo surure zahadu te te sina nharĩ wa, 're isi'madâ'â zei mono na hã. Te 'madâ'â ré, ma tô maparane si'uiwa na ãma ropoto siwamnarĩ hã dasiwi wĩrĩ ni. Ma tô duré ihâiba hã da te dasiwi wa'õtõ pese. Taha pari ma tô duré unhama ro'o u dasiwi sãmra ni.

Daniéu 7:19

Wa tô duré ĩsima wẽ, maparane si'uiwa na ãma ropoto siwamnarĩ na isaprĩzé te waihu'u da, si'ubdatõ ropoto siwamnarĩ norĩ hâiba nei õ hã. Ta hã aimawi ipipa uptabi, duré isi'uwazi tete na i'wa hã, duré ẽtẽ topsata na isipo hã, duré tinhisõpãrĩ te te ãma 're inhiwazu mono, duré isisõpãrĩ nhi 're isi'atarẽme mono tipara na te te 're i'anhizu pese mono hã.

Daniéu 7:21

Tawamhã zahadu te 'madâ'â ré, ma tô i'u hã 'Re ihâimana u'âsi mono nhib'a'uwẽ a'wapé. Tawamhã ropoto siwamnarĩ upsuru, zahadu we te te tô da'ãma ai'uté,

Daniéu 7:23

Tawamhã ãne te te ĩma ãma isaprĩzé hã ma tô ĩma wasu'u: — Maparane si'uiwa na ãma ropoto siwamnarĩ hã, maparane si'uiwa na ãma ti'ai ãma da'madâ'âzé hã te wasu'u. Ti'ai ãma isimi'madâ'âzé hã ihâiba amo norĩ nhimi'madâ'â za'ra zém nei õ di. Ta hã te za uburé ti'ai mono bâ 're idahâimana za'ra mono hã a'uprosi. Te za duré te te da'anhiwazui pese. Te za duré tipara na te te da'anhinhizu pese.

Daniéu 7:7

Tawamhã bara na ĩnhotõ 'rowim ne, wa tô 'madâ, maparane si'uiwa na ãma ropoto siwamnarĩ ipipa uptabi hã, duré isiptete uptabi hã. Isi'uwazi tete 'manharĩ na i'wa za'ẽne hã. Taha na ma tô tinhisõpãrĩ te te 're anhiwazu, te te 're a'masi mono da. Duré tinhisõpãrĩ nhi te te 're i'atarẽme mono hã ma tô tipara na te te 're anhizu pese. Ta hã aimawi uptabi, iwana ropoto siwamnarĩ iwairébé nei õ di. 10 na i'u hã.

Daniéu 7:8

Tawamhã i'õmo norĩ te 'madâ'â ré, wa tô duré 'madâ, i'õmo hâiba amo i'up surure hã, i'õmo za'ẽtẽ norĩ wa'wa iwatobro hã. Tahawa, i'õmo za'ẽne si'ubdatõ hã ma tô õmo zani za'ra ni, i'õmo surure ma, ropese da. Taha ma, te oto a'uwẽ tõmo ne hã tãma tihâimana zahuré. Duré isadawa hã 'râwi 're isi'madâ'â zei mono zéb zarina te te ãma 're inharĩ mono da hã te tãma tihâiba.

Apocalipsi 12:3

Tawamhã ma duré marĩ hã sihâi'ré, hâiwa nho're na, marĩ isa'rese'õ hã. Ho'orã hâiba ne ropoto siwamnarĩ hâiba za'ẽne hã te za. Ihâiba hã ihâiba pré. Duré 7 na i'rã hã. 10 na duré i'u hã. Powawẽ õmo ne, i'õmo za'ra hã. Duré 7 na i'rãi mono bâ i'rãzaza hã, danhib'apito 'rãzaza ne hã. I'rãzaza si'ubuzi na i'rãzaza za'ra hã.