Daniéu 7:12 - ꞌRe Ihâimana Uꞌâsi Mono Zadawa Wasuꞌu

¹² Duré ropoto siwamnarĩ hâiba amo norĩ wi hã ma tô isiptede tiwi sani za'ra ni. Tane nherẽ, ta norĩ hã da te dasiwi simroi õ di. Ma tô tãma pisutu za'ra ni, bâdâ suru na a'â ãma 're ihâimana za'ra mono zéb da hã.

Daniéu 7:12 ပူးပေါင်းရင်းမြစ်များ

Daniéu 7:11

Duré wa zahadu 'madâ. E marĩ wa. I'õmo surure zahadu te te sina nharĩ wa, 're isi'madâ'â zei mono na hã. Te 'madâ'â ré, ma tô maparane si'uiwa na ãma ropoto siwamnarĩ hã dasiwi wĩrĩ ni. Ma tô duré ihâiba hã da te dasiwi wa'õtõ pese. Taha pari ma tô duré unhama ro'o u dasiwi sãmra ni.

Daniéu 7:13

Tawamhã tô taha mara na ĩnhotõ 'rowim na, wa tô duré ni'wa hã 'madâ, a'uwẽ hâiba ne hâiwa nhirõtõ na we imorĩ hã. Ta hã ma tô Duréi 're Ihâimana mono u we sina rotété. Tahawa, ma tô ta hã dasiwi saprõni ni, Duréi 're Ihâimana mono nho're u.

Daniéu 8:7

Wa tô duré 'madâ, pone'ẽrebâ zéré uzé si'aibâ sahi sina, pone'ẽrebâ zéré mapure si'aibâ te te rési wa, maparane i'u te te tiwi iwẽ'ẽ zahuré hã. Tahawa, pone'ẽrebâ zéré mapure si'aibâ nhiptetezé hã tãma hâimana õ di, si'wawi isimapazéb da hã. Tahawa, pone'ẽrebâ zéré uzé hã ma tô pone'ẽrebâ zéré mapure ti'ai u time aiwétési. Ma tô tipara na wati'i. Tawamhã ni'wa hã pone'ẽrebâ zéré mapure te te sõ'reptui waihu'u õ di, pone'ẽrebâ zéré uzé zahi wi hã.