Daniéu 7:1 - ꞌRe Ihâimana Uꞌâsi Mono Zadawa Wasuꞌu

¹ Béusazaha ãma imorĩ'rata na ãma iwahub ãma Babilonia 're, te te 're ida'a'madâ'â mono na ma tô Daniéu hã nimahã mara na tinhimiwaptâ wa nomro. Sõtõ wamhã, ma tô te te saho. Tame ma tô marĩ sõtõ 'rowi 'madâ'â za'ra. Topo'o wamhã, ma tô duré te te isahoi mono na marĩ te te i'madâ'â za'ra norĩ na hã ãma rob'ui'éré.

Daniéu 7:1 ပူးပေါင်းရင်းမြစ်များ

Zenezi 15:1

Tawamhã ãhã parip si Abrã ma tô sõtõ 'rowim ne marĩ 'madâ. Taha na te Uburé Danhib'apito ãne tãma tinha: — Abrã, aipahi tõ. Marĩ isimimnhasi wi wa za wa hã 're ĩsimapa, ai'wawi. Duré iwẽ wa za te aima 're anhomri.

Zenezi 46:2

Tawamhã 'Re ihâimana u'âsi mono, taha mara na ma tô sõtõ 'rowim ne tãma tinha. Ãne te tawamhã isisi na hã 'mahâ: — Zaco, Zaco! — E marĩ. Ãhãta wa ãme ĩhâiba. — Ãne ma asa sada'â.

Daniéu 1:17

Tawamhã 'Re ihâimana u'âsi mono, ma tô rob'ui'éré zadaihu'uzé hã tãma sõmri za'ra, maparane si'uiwa na iprédupté ihâiba za'ra ma hã. Babilonia norĩ nhimirowaihu'uzéb zama ma tô duré tãma sõmri za'ra. Tane nherẽ, Daniéu ma si, ma duré aimawi tãma tisõ, da te 're irosawẽrẽ za'ra mono zém na duré danhotõ 'rowim ne, marĩ, da te 're i'madâ'â za'ra mono zé hã te te ãma dama 're azaprĩ mono da.

Daniéu 2:1

Babilonia ãma Nabucodonozo apito na 're hâimana mono ré, maparane ãma iwahub ãma ma tô rosawẽ. Tahawa nasi sõtõ waihu'u õ di, hâtâ'â za'ẽtẽ wa.

Daniéu 2:26

Tawamhã apito Béutésaza na isisi amo hã te Daniéu hã sadanha ãne: — E te irosawẽrẽzé hã ĩma wasu'u waihu'u pese di. E duré ãma ĩma saprĩ waihu'u pese di, marĩ te te iwasu'uzém na hã.

Daniéu 4:13

Zahadu te rosawẽrẽ ré, wa tô hâiwa ãma romhuri'wa hâiwa hawi we te te si'rai ré hã 'madâ, 're isõpré u'âsi mono hã sõtõ ãna.

Daniéu 4:5

Tane nherẽ, nimahã mara na te irosawẽrẽzé hã ma tô ĩhâtâ'â za'ẽne hã ĩma sina waze. Ĩnhotõ 'rowi, marĩ te i'madâ'âzé hã duré ãma ĩnhimirosa'ratazé hã ma tô ipipa ĩma tisõ.

Daniéu 5:1

Nimahã mara na Babilonia ãma apito Béusaza hã, ma tô dasa isa'ẽne hã 'manha. Tahawa, ti'ai wa'õtõ nho'õmo 'remhã daza'rui mono bâ te dama ipire norĩ zô hã miu na ihâiba za'ra zô hã hâ. Tawamhã ta norĩ siré te uwa 'rãi wa'u isé hã nasi hâsi.

Daniéu 5:22

— Apito Béusaza, a hã õhõ 'ra 're aihâimana mono wa, ãne hã uburé aima waihu'u pese nherẽ, te 'râwimhã 're asi'madâ'â zei u'âsi mono na hã 're aihâimana siroptu mo.

Daniéu 5:30

Tawamhã tô taha mara na, Béusaza Babilonia ãma apito hã ma tô wĩrĩ ni.

Daniéu 7:13

Tawamhã tô taha mara na ĩnhotõ 'rowim na, wa tô duré ni'wa hã 'madâ, a'uwẽ hâiba ne hâiwa nhirõtõ na we imorĩ hã. Ta hã ma tô Duréi 're Ihâimana mono u we sina rotété. Tahawa, ma tô ta hã dasiwi saprõni ni, Duréi 're Ihâimana mono nho're u.

Daniéu 7:15

Wa hã Daniéu ĩnhotõ 'rowim ne, marĩ te i'ab'madâ'â mono zé hã te te ĩpẽ'ẽwara pese wa, wa tô hâtârâ.

Daniéu 7:7

Tawamhã bara na ĩnhotõ 'rowim ne, wa tô 'madâ, maparane si'uiwa na ãma ropoto siwamnarĩ ipipa uptabi hã, duré isiptete uptabi hã. Isi'uwazi tete 'manharĩ na i'wa za'ẽne hã. Taha na ma tô tinhisõpãrĩ te te 're anhiwazu, te te 're a'masi mono da. Duré tinhisõpãrĩ nhi te te 're i'atarẽme mono hã ma tô tipara na te te 're anhizu pese. Ta hã aimawi uptabi, iwana ropoto siwamnarĩ iwairébé nei õ di. 10 na i'u hã.

Daniéu 8:1

Dama i'rã nho'õmo na si'ubdatõ na Béusaza ãma iwahub ãma, wa hã Daniéu wa tô duré aimawi hã ĩnhotõ 'rowim ne marĩ hã ab'madâ.

Zuéu 2:28

Uburé Danhib'apito te tinha ãne, tinhib'a'uwẽ norĩ ma: “Ãhã parimhã, wa hã wa za ãma ropé Ĩpẽ'ẽzani na, uburé pese dama. Ai'ra si'aibâ norĩ hã duré ai'ra sipi'õ norĩ hã te za te te dama 're ĩzadawa wasu'u za'ra. Duré ihi norĩ hã te za te te 're rosawẽrẽ za'ra. Ipréduptém norĩ hã te za duré marĩ hã sõ'awi te te 're 'madâ'â za'ra, sõtõ 'rowim ne.

Roma 15:4

Uburé 'Re ihâimana u'âsi mono nhimiroti 'rata na rob'ui'éré hã, e taré ma tô tinhimiroti hã te te dama 're apisutu, da te ãma 're irob'ui'éré za'ra mono zéb da hã. Mare di. Taré te te dama 're apisutu mono õ di. Isimiroti hã wa te 're waihu'u pese za'ra mono da, ma tô ãne hã te te dama 're apisutu. 'Re ihâimana u'âsi mono nhimiroti 'rata na rob'ui'éré hã wa te 're sõré u'âsi za'ra mono wamhã, wanhiptete sina wa za ãma 're wahâimana u'âsi za'ra, marĩ na uburé wa te 're robzépata za'ra mono nherẽ. Wa te 're sõré u'âsi za'ra mono wamhã, te za wama 're rowẽ za'ra, wawi 're robzei'õ za'ra mono ãna, 're iwahâimana za'ra mono zéb da hã. Õhõ umnhasi sina, wa za tô ãhã zarina si 're wahâimana za'ra, 'Re ihâimana u'âsi mono 'rata 're iwahâimana u'âsi za'ra mono zéb zô, wasina 're wanhimipari za'ra mono sina.

2 Corĩtu 12:1

Marĩ dai õ nherẽ, wa za duré ãne na aima ãma ĩsiwasu'u za'ra wa'wa, Zezusihi zadawa wasu'u'wa, sena 're ĩhâimana mono zéb zarina ĩnhimiromhuri wẽ na, ãma asiwi ĩwaihu'u za'ra wa'aba da. Zezusihi zadawa wasu'u'wa newa, tô senai'õ na te te aima 're iroti za'ra wa'aba mono norĩ hã te sina 're wata za'ra, sõtõ 'rowim ne, marĩ hã ta norĩ si te te 're 'madâ'â za'ra mono newa. Tane nherẽ, wa tô duré ĩzama marĩ iwaihu'u'õ hã te 're a'madâ'â, ĩnhotõ 'rowim ne, Wanhib'apito te te ĩma 're i'awaihu'u mono zéb zarina si.

Apocalipsi 1:19

Tahawa, uburé marĩ hã i'ab'madâ hã te za i'a'ui'éré mo, ãhã na ipusi mono hã, duré nimahã na za ipusi mono da hã.

Apocalipsi 10:4

Wapsa'a za'ra wamhã, damreme ne hã wa tô wapa. Tahawa, wa tô imreme za'ra hã te iwapari na aré rob'ui'éré. Tane nherẽ, te ni'wa hã hâiwa hawimhã ĩma tinha, te rob'ui'éré tõ da. Ãne te ĩma tinha: — Tô'ã. Rob'ui'éré tõ. Taré asi'repsi asima si hã waihu'u, tãiwapsa'a norĩ mreme hã.