Daniéu 6:8 - ꞌRe Ihâimana Uꞌâsi Mono Zadawa Wasuꞌu

⁸ Tahawa apito, ma'ãpé asimiroti nhiptede hã 'manharĩ, ãma i'asisihâtâ da hã. Tawamhã Média norĩ nhimiroti zarina Persa norĩ me, asimiroti nhiptete 'manharĩzé niwamhã da te ipari da hã, mare di za.

Daniéu 6:8 ပူးပေါင်းရင်းမြစ်များ

Salmu 94:21

Sena na 're ihâimana za'ra mono norĩ zada, te ta norĩ hã tinhimirowa'õno te te sima 're 'manharĩ za'ra. Te duré iharé na si 're ihâimana za'ra mono norĩ ma, te te tãma 're rowairébé za'ra, 're dâ'â za'ra mono da hã, ibâi õ nherẽ.

Daniéu 5:28

PERES na damreme hã, dama i'rãnho'õmo na asimi'madâ'âzé hã za sima isipo te wasu'u. Média norĩ ma, te za sõmri zahuré ni, Persiaha me hã.

Daniéu 6:12

Tawamhã apito tinhimiroti te te iwaihu'uzém na te te tãma nharĩ za'ra da hã, ma tô oto ai'aba'ré. Tahawa, te tãma nharĩ za'ra ãne: — Apito, asimiroti nhiptede iwaihu'uzém na i'asisihâtâzém na hã ma tô dawi isawi, 30 bâtâ 'remhã ni'wa hã, siwa'ru ihâiba'õ norĩ wi duré siwa'ru dawi, da te 're rowaptẽrẽ za'ra mono tõ da, duré aiwi si da te 're rowaptẽrẽ za'ra mono da. Tawamhã asimiroti 'manharĩzém na ma tô duré ipisu, ni'wa asimiroti te te wapari õ wamhã, za hu'u zérépa ma, da te dasiwi ime na hã, ab're 're. Ãne na hã, e senai õ di bété, i'asisihâtâzé hã. Tawamhã apito asa ma te ãma sada'âbâ za'ra ãne: — Ĩhe sena tô roti hã. Tahawa, te za tô da te 're wapari pese za'ra. Duré Média norĩ nhimiroti 'manharĩzéb zarina Persa norĩ me da te ipari da hã mare di tô.

Daniéu 6:15

Tane nherẽ, Daniéu nhitob'ru norĩ, apâ duré apito u si'aba'réi wamhã, ma tô ãne tãma nharĩ za'ra: — Apito, Média norĩ nhimiroti 'manharĩzéb zarina Persa norĩ nhimiroti me, apito nhimiroti 'manharĩzém na romnhihâdâ da te dasiwi i'mapari waihu'u õ na hã aima waihu'u pese di.

Mateu 24:35

Nimahã na te za hâiwa norĩ hã ai'utõrĩ zahuré, ti'ai me. Si'utõrĩ zahuré nherẽ, ĩnhimirowasu'u hã si'utõrĩ waihu'u õ di za. Pire na te za dama 're hâimana u'âsi.