Daniéu 6:25 - ꞌRe Ihâimana Uꞌâsi Mono Zadawa Wasuꞌu

²⁵ Tawamhã apito Dariu ma tô uburé daro mono bâ, duré dapoto mono bâ duré damreme mono bâ 're idamreme zusi mono ma, rob'ui'éré, ãne: “Rowẽ na 're aihâimana za'ra wa'aba mono!

Daniéu 6:25 ပူးပေါင်းရင်းမြစ်များ

Esdra 4:17

Tawamhã apito Artazesi, ma te ãne asa romnhihâtâ na sada'âbâ za'ra: “Reum dama i'rãnho'u, duré Sĩsa'ĩ dama romnhihâtâ 'manharĩ'wa, duré asiré Samaria ãma 're ihâimana za'ra mono norĩ, duré Eufrati bâtâ zasizém niwĩ daza'rui wa'õtõ ãma 're ihâimana za'ra mono norĩ me, simisutu wa ãma asawi za'ra wa'wa.

Provébiu 11:8

Sena na 're ihâimana za'ra mono norĩ hã te za robzépata hawimhã 're sisõ'reptu za'ra. Tane nherẽ, te za iwẽ norĩ upana iwasété norĩ ma hã 're hâimana za'ra, ropipa hã.

Daniéu 3:4

Tawamhã apito mreme 'mahârâ'wa ma tô oto mreme 'rãihâ na dama sadawa 'mahâ ãne: — Uburé a'uwẽ norĩ daro mono bâ, dapoto mono bâ duré aimreme mono bâ i'aihâimana za'ra wa'aba norĩ, ãhãta apito te za ãhã na hã aima waihu'u za'ra wa'wa!

Daniéu 4:1

Tawamhã apito Nabucodonozo, ma tô uburé dapoto mono bâ daro mono bâ damreme na 're idamreme zusi mono ma hã ãma ropé, timreme na ãne: — Rowẽ na uburé 're aihâimana za'ra wa'aba mono!

1 Pedru 1:2

Aipoto za'ra wa'aba õ ré, ma tô Wamama hã sima aipisutu siromo za'ra wa'wa, 'Re ihâimana u'âsi mono hã, isib'a'uwẽ na oto 're anomro aba mono da. Taha da, ma tô Tipẽ'ẽzani hã aipẽ'ẽ 're aima sõmri za'ra wa'wa, aiwẽ uptabi na oto õhõ ãma si 're anomro aba mono da, duré Zezu Cristuhu nhimiroti si 're wapari pese za'ra wa'aba mono da, duré Cristu hã dazada idâ'âzéb zarina, aipẽ'ẽ 're te te 're ai'a'upsõi wa'aba mono wa, aiwasété ãna ãma 're anomro aba mono da oto. 'Re ihâimana u'âsi mono ma, wa ai'ãma 're ĩmreme u'âsi za'ra wa'wa, isimizawizé hã ai'ãma 're hâimana u'âsi za'ra wa'aba mono da, rowẽ u'âsi, duré ãma 're anomro aba mono da, taha ãma si.

2 Pedru 1:2

'Re ihâimana u'âsi mono hã, duré Wanhib'apito Zezusi hã, aima waihu'u pese za'ra wa'aba di. Ãne wa, wa ai'ãma tãma 're ĩmreme u'âsi za'ra wa'wa, isimizawizé hã ai'ãma 're hâimana u'âsi za'ra wa'aba mono da, duré rowẽ u'âsi, ãma 're anomro u'âsi aba mono da.

Zuda 1:2

Wa hã wa ai'ãma 're ĩmreme u'âsi za'ra wa'wa, 'Re ihâimana u'âsi mono ma, da'ãma 're ipẽ'ẽzé mono zé hã aima 're hâimana u'âsi za'ra wa'aba mono da, sa'ẽtẽ na, duré rowẽ hã te te aima 're pisutu za'ra wa'aba mono da. Wa te te tiwi 're rowaptẽrẽ u'âsi duré, isimizawizé hã ai'ãma 're hâimana u'âsi za'ra wa'aba mono da.