Daniéu 6:18 - ꞌRe Ihâimana Uꞌâsi Mono Zadawa Wasuꞌu

¹⁸ Tawamhã apito tinhimiromhurizé 'ri 'rãihâ u hã ma tô apâ mo. Morĩ wamhã, sai õ di. Duré tãma dasima romhu'uzé hã te te waptẽrẽ õ di, te te 're i'manharĩ u'âsi mono ne hã. Duré tô taha mara na hã sõtõ waihu'u õ di.

Daniéu 6:18 ပူးပေါင်းရင်းမြစ်များ

Daniéu 10:3

Taha bâtâ mono na hã dasa ise hã te 'rẽne õ di. Romnhi na zama ĩsai õ di. Duré uwa 'rãi wa'u isé hã te zâ'rẽne õ di. Duré marĩ wa'u to isadaze na ĩsihâiba 'ma'wamarĩ õ di, si'ubdatõ romhuri isi'utõrĩzéb u.

Daniéu 2:1

Babilonia ãma Nabucodonozo apito na 're hâimana mono ré, maparane ãma iwahub ãma ma tô rosawẽ. Tahawa nasi sõtõ waihu'u õ di, hâtâ'â za'ẽtẽ wa.

Daniéu 6:19

Tawamhã mararé uptabi ma tô udu. Utu wamhã, ma tô sa'ẽtẽ mo, hu'u zérépa ab're 're, isimasabzéb u.

Apocalipsi 18:22

Tawamhã rowamreme õ di za oto. Duré danhimnhihârâzé hã baba di za oto. Duré danhimnhihârâzé isurure hã robaba di za oto. Duré rowamreme'wai õ di za oto, duré isõ're'wai õ di za oto, da te aré 're iwapari za'ra mono hã. Rob'é'é uptabi di za. Duré romhuri nhipese'wa norĩ hã robaba uptabi di za. Duré ẽtẽ tõmo wawẽ 'manharĩ na amnho, da te 're isub za'ra mono zé ruru hã da te 're wapari za'ra mono õ di za. Rob'é'é uptabi di za.