Daniéu 5:6 - ꞌRe Ihâimana Uꞌâsi Mono Zadawa Wasuꞌu

⁶ Tahawa, ma tô tãma ti'ubu'a pese. Ma tô tipahi pese. Tahawa ma tô ihi'rãti hã nasi si'ahâri zahuré. Ma tô rẽrẽ, i'rãi hawi ipara u.

Daniéu 5:6 ပူးပေါင်းရင်းမြစ်များ

Salmu 22:14

Wa tô siptete hai'utõ, â ti'a u da te 're isa'wari za'ra mono ne. Uburé ma tô ĩhi hã ĩwi wairé. Duré ĩpẽ'ẽ 'remhã rob'uiwẽzé 're uwa pese mono wa, 're iwa'ui a'a za'ra mono ne, wa tô ĩhâiba.

Salmu 69:23

'Re ihâimana u'âsi mono, ma'ãpé õ norĩ hã toptâ'â za'ra na, te te rob'madâ'â waihu'u za'ra tõ da! Duré ma'ãpé hâiba popo'o u'âsi za'ra da, tãma 'manharĩ za'ra na!

Daniéu 2:1

Babilonia ãma Nabucodonozo apito na 're hâimana mono ré, maparane ãma iwahub ãma ma tô rosawẽ. Tahawa nasi sõtõ waihu'u õ di, hâtâ'â za'ẽtẽ wa.

Daniéu 3:19

Tawamhã Nabucodonozo ãne te te wapari wamhã, ma tô, si'ubdatõ aibâ ipréduptém norĩ zada hã ab'rui pese. Sada sahi za'ra wa, ma siwapré nhizuri pese. Tahawa, ma tô unhama ro'o na 'ri're wa'wa hã, da te sada wa'ro pese za'ra da hã dama ti'ru, 7 na ãma isahuzém na da te 're iwa'ro u'âsi za'ra mono zém nhipai u.

Daniéu 4:19

Tawamhã Daniéu, Béutésaza na isisi amo ãne hã te te wapari wa, ma tô tãma a'rã. Tahawa, te a'â rosa'rata ma za, ari'iwi. Tawamhã te apito tãma tinha ãne: — Béutésaza, aihâtâ'â tõ, rosawẽrẽ na hã duré za marĩ te te iwasu'uzém na hã. Tane nherẽ, ma tô Daniéu ãne ãma tãma wa'rã: — Apito, asimirosawẽrẽzé iwasu'u hã aré tô iwẽ ĩma hã, aihâiba upana asitob'ru norĩ hâiba u ihâimana da hã. Tane nherẽ, ta norĩ hâiba hã te te wasu'u õ di.

Daniéu 4:5

Tane nherẽ, nimahã mara na te irosawẽrẽzé hã ma tô ĩhâtâ'â za'ẽne hã ĩma sina waze. Ĩnhotõ 'rowi, marĩ te i'madâ'âzé hã duré ãma ĩnhimirosa'ratazé hã ma tô ipipa ĩma tisõ.

Daniéu 5:5

Taha ré, waptu na danhib'rada hã ma tô sihâi'ré. Tahawa 'ri're wa'wa za'ẽtẽ wa, dasa iwa ihâimana 're, ma tô danhib'rada 'ri na'rata hâ su'u na hã rob'ui'éré, rob'uiwẽzé te te irowa'a pese zém niwĩ, ba'a na. Tawamhã apito, danhib'rada hã ma tô 'madâ, te te rob'ui'éré ré.

Daniéu 7:28

Ãme ma oto ti'rãsutu, ĩnhotõ 'rowim ne, te marĩ i'a'madâ'â mono zé hã. Tane nherẽ, wa hã Daniéu wa tô duré tãma ĩpẽ'ẽwara pese, te ãma irosa'ratazéb zarina. Tahawa, wa tô duré ĩ'ubu'a pese. Tane nherẽ, wa 'râwi ĩsima si tété.

Hebreu 12:12

Tahawa, marĩ na 're robzépata za'ra wa'aba mono wamhã, aipẽ'ẽ wẽ zarina te za asiptete sina ãma 're aihâimana za'ra wa'aba mo, 'Re ihâimana u'âsi mono ãma si, aiwi 're robzei'õ pese za'ra wa'aba mono wa, tiwi asina 're aipahâ za'ra wa'aba mono tõ da.