Daniéu 5:2 - ꞌRe Ihâimana Uꞌâsi Mono Zadawa Wasuꞌu

² Tawamhã te te nasi hâsi ré, Béusaza hã Zeruzalẽ ãma 'Re ihâimana u'âsi mono nhorõwa 'ri 'rãihâ hawi, ẽtẽ waipo pré oru 'manharĩ na duré ẽtẽ waipo prã prata 'manharĩ na hâsizé hã imama Nabucodonozo te te iwaibu hã, da te itẽme 'wasari da hã ma tô dama ti'ru. E marĩ wa. Taha hâsizéb 're, dama ipire, sô ihârâ za'ra norĩ hã, imro norĩ hã duré imro prã tãma 're ihâimana za'ra mono norĩ hã uwa 'rãi wa'u isé hã te te iwa âhuri da, isiré.

Daniéu 5:2 ပူးပေါင်းရင်းမြစ်များ

Esdra 5:14

Tawamhã piza'a oru 'manharĩ na hã, duré ẽtẽ waipo prã prata 'manharĩ na zama hã, apito Nabucodonozo Zeruzalẽ ãma 'Re ihâimana u'âsi mono nhorõwa 'ri hawi te te isani za'ra hã, te te Babilonia ãma tite ihâiba'õ norĩ ãma 're idawata za'ra mono zé 'ri wa, te te isa'ra norĩ hã ma tô apito Ciru hã apâ sõmri za'ra, aibâ Sesbaza na isisi ma, Zuda ãma dama i'rãnho'õmo na 're hâimana mono da, te te ipisutu ma hã.

Daniéu 1:2

'Re ihâimana u'âsi mono, ma tô Nabucodonozoho ma sa'ré, 'ri nho'õmo na te te ai'uté da hã. Duré marĩ norĩ iwa'âbâ za'ẽne 'Re ihâimana u'âsi mono nhorõwa 'ri 'rãihâ 're, 're ihâimana za'ra mono norĩ zama te te waibu da hã, ma tô tãma sa'ré za'ra. Tahawa, Nabucodonozo, tô õ hã marĩ norĩ iwa'âbâ za'ẽne ma tô tinhipti'ai u Babilonia u hã tidu. Te te duri wamhã, ma tô dama ti'ru, tite ihâiba'õ ãma 're idawata za'ra mono zé 'ri 'rãihâ 're, da te dasiwi sa'ra da, marĩ iwa'âbâ za'ẽne, da te 're i'rã'õtõ mono zéb ãma.

Daniéu 5:11

E tihai wa. Ãme asimi'madâ'âzéb ãma te ihâiba'õ norĩ pẽ'ẽzani ré aibâ hã tihâiba. Aimama Nabucodonozo, apito na 're hâimana mono ré hã, ma tô aibâ hã da te 're waihu'u za'ra, i'rã nhimiza'rese wẽ na hã, duré rowaihu'u pese 'wa na hã, ihâiba'õ norĩ ne. Tawamhã ta hã ma tô apito Nabucodonozo pisutu, rowaihu'u pese 'wa norĩ nhib'ihâ'a na, tiha 'manharĩ nhipese 'wa norĩ nhib'ihâ'a na, simi'â na romhuri'wa norĩ nhib'ihâ'a na, duré wasi na romnhoré'wa norĩ nhib'ihâ'a na tãma 're hâimana za'ra mono da hã.

Daniéu 5:13

Tawamhã Daniéu, ma tô apito hâimanazéb u dasiwi saprõni ni. Tahawa, ma tô ãne sadanha: — E a hã Daniéu, zudeu norĩ siré hã, ĩmama apito Nabucodonozo, Zuda hawi, da te ai'ãma ai'uté za'ra wa'aba wa, we te te i'asaprõni dasiré.

Daniéu 5:18

Apito, danhipai u isiptede 'Re ihâimana u'âsi mono, ma tô aimama ma, Nabucodonozoho ma hã pisutu, siptete na duré pire uptabi na dama i'rãnho'õmo na 're hâimana mono da hã.

Daniéu 5:23

Tane nherẽ, hâiwa ãma Uburé Danhib'apito da, i'aihâimanazéb zarina, ma tô hâsizé 'Re ihâimana u'âsi mono nhorõwa 'ri 'rãihâ 're, 're isimasa mono, da te iwaibu za'ra hã dama i'ru, da te we 'wasari da, sô i'aihârâ za'ra dama ipire norĩ hã duré aimro norĩ, duré aimro prã aima 're ihâimana za'ra wa'aba norĩ te te uwa 'rãi wa'u isé iwa âhuri da hã, asiré. Taha nhipai u ma tô duré ihâiba'õ norĩ ãma hã aiwa, ẽtẽ waipo prã prata 'manharĩ na, ẽtẽ waipo pré oru 'manharĩ na, ẽtẽ topsada brõzi 'manharĩ na, isi'uwazi tete 'manharĩ na, wede 'manharĩ na, duré ẽtẽ 'manharĩ na, te te 're irob'madâ'â waihu'u mono õ na, duré 're isimipari waihu'u mono õ na, marĩ te te 're iwaihu'u za'ra mono õ na. Tane nherẽ, a hã, 'Re ihâimana u'âsi mono dapãrĩ waihu'u pese 'wa na duré dahâiba ré na te te 're ida'arẽme mono ãma aiwata õ di, uburé marĩ aima 're hâimana mono da, te te sima 're irowairébé mono ãma hã.

Daniéu 5:3

Tawamhã oru 'manharĩ na hâsizé hã 'Re ihâimana u'âsi mono nhorõwa 'ri 'rãihâ hawi da te iwaibu za'ra hã ma tô oto tãma 'wasari ni. Tawamhã apito duré dama ipire norĩ hã duré imro prã tãma 're ihâimana za'ra mono norĩ me ma tô isiré taha hâsizéb 'remhã nasi âhu.

Daniéu 5:30

Tawamhã tô taha mara na, Béusaza Babilonia ãma apito hã ma tô wĩrĩ ni.

Daniéu 5:4

Ma tô ẽtẽ waipo pré oru 'manharĩ na, ẽtẽ waipo prã prata 'manharĩ na, ẽtẽ topsada brõzi 'manharĩ na, isi'uwazi tede ferru 'manharĩ na, wede 'manharĩ na, duré ẽtẽ 'manharĩ na ropodo ihâiba'õ norĩ ãma hã tiwata za'ra.