Daniéu 5:18 - ꞌRe Ihâimana Uꞌâsi Mono Zadawa Wasuꞌu

¹⁸ Apito, danhipai u isiptede 'Re ihâimana u'âsi mono, ma tô aimama ma, Nabucodonozoho ma hã pisutu, siptete na duré pire uptabi na dama i'rãnho'õmo na 're hâimana mono da hã.

Daniéu 5:18 ပူးပေါင်းရင်းမြစ်များ

Salmu 47:2

E marĩ wa. Uburé Danhib'apito, danhipai u pese 're hâimana mono wa, wazé pese na. Ta hã apito iwaihu'u pe, isiptede te uburé dama i'rãnho'õmo na dama 're hâimana, daro mono bâ.

Daniéu 4:17

à hã ma tô hâiwa ãma romhuri'wa, sõtõ ãna 're isõpré u'âsi mono norĩ hã siwi ãma rowairébé, uburé danhipai u isiptede 'Re ihâimana u'âsi mono, daro mono bâ uburé da'rãnho'õmo nhimi'madâ'âzém nhipai u siptete na te te 're ida'a'madâ'â mono na, da te ãma waihu'u za'ra da hã. Ta hã te za da'rãnho'õmo na da'madâ'âzéb da hã, te te sima 're ida'awẽ mono zéb zarina te te dama 're apisutu, dama wapu na ni'wa 're hâimana mono nherẽ, oto dama pire da.’ ”

Daniéu 4:19

Tawamhã Daniéu, Béutésaza na isisi amo ãne hã te te wapari wa, ma tô tãma a'rã. Tahawa, te a'â rosa'rata ma za, ari'iwi. Tawamhã te apito tãma tinha ãne: — Béutésaza, aihâtâ'â tõ, rosawẽrẽ na hã duré za marĩ te te iwasu'uzém na hã. Tane nherẽ, ma tô Daniéu ãne ãma tãma wa'rã: — Apito, asimirosawẽrẽzé iwasu'u hã aré tô iwẽ ĩma hã, aihâiba upana asitob'ru norĩ hâiba u ihâimana da hã. Tane nherẽ, ta norĩ hâiba hã te te wasu'u õ di.

Daniéu 4:2

Wa tô ĩsima wẽ, 'Re ihâimana u'âsi mono danhipai u isiptete uptabi, marĩ dama i'manharĩ waihu'u'õ iwẽ uptabi te te ĩma ihâi'rézé hã uburé waihu'u za'ra wa'aba da.

Daniéu 4:32

A'uwẽ na 're idahâimana za'ra mono zém hawimhã te za aiwazere ni oto, abaze norĩ siré 're aihâimana mono da, du hã 're 'masi mono da, powawẽ te te 're ihuri mono ne. Ãne na 're aihâimana mono ré, te za 7 na ai'ãma tiwahu. Taha parip si, te za a hã asimirosa'rata na asina isi, uburé danhipai u isiptede 'Re ihâimana u'âsi mono, daro mono bâ uburé da'rãnho'õmo norĩ nhimi'madâ'âzém nhipai u siptete na te te 're ida'a'madâ'â mono na hã, duré da'rãnho'õmo norĩ nhimi'madâ'âzéb da, te te sima iwẽzéb zarina te te dama 're i'apisutu mono na hã.

Daniéu 4:34

Tawamhã te apito hã tinha ãne: — 7 na oto ĩ'ãma wahu pari, hâiwa u wa hã te rob'madâ'â wamhã, ma tô apâ ĩnhimiza'rese wẽ hã ĩma wi. Tahawa, wa tô uburé danhipai u isiptede 'Re ihâimana u'âsi mono ãma hã ĩwata, dâ'â ãna õne u'â 're ihâimana mono ãma. Tawamhã wa hã wa tinha ãne: “Danhipai u 'Re ihâimana u'âsi mono nhiptetezé hã si'utõrĩ õ di. Duré Danhib'apito na te te 're ida'a'madâ'â mono zé hã si'utõrĩ waihu'u õ di.

Daniéu 5:21

Tahawa, a'uwẽ 're ihâimana za'ra mono zém hawimhã ma tô wazere ni. Ma tô duré ti'rãiwaihu hã simini, abaze ne oto 'rã nhimiza'rese ãna 're hâimana mono da. Tawamhã te duré oto awaru po're pore norĩ siré 're hâimana. Te duré du hã te te 're 'masi, powawẽ rom na du sima iwẽ na te te 're ihuri mono ne. Romnhiwasi te duré 're sõtõ. Ma tô duré atébré hã te te 're hâiba waihi. Tawamhã uburé danhipai u isiptede 'Re ihâimana u'âsi mono, daro mono bâ uburé da'rãnho'õmo nhimi'madâ'âzém nhipai u siptete na te te 're ida'a'madâ'â mono na, duré da'rãnho'õmo nhimi'madâ'âzéb da, te te sima iwẽzéb zarina te te dama 're i'apisutu mono na te te tinhimirosa'rata na sina siri õ ré, ma tô ãne ré hã 're hâimana siwa'ru.

Daniéu 6:22

Ĩte 'Re ihâimana u'âsi mono, tite hâiwa ãma romhuri'wa we te te isatõrĩ hã ma tô te te siwi ĩ'u'a tõ da, sadawa nhiptob za'ra, hu'u zérépa norĩ hã. 'Re ihâimana u'âsi mono ma, wa hã marĩ iwasédé te tiwi i'manharĩ õ na hã tãma ĩwaihu'u pese wa, ma tô ãne hã ĩma 'manha. Duré niwamhã aiwi zama marĩ te aiwi 'manharĩ wasété õ di.

Zezusihi zadawa wasuꞌuꞌwa norĩ nhimiromhuri na robꞌuiꞌéré 26:13

Apito, tane nherẽ, ma tô aimawi ĩma tiromhâiba. Damascu u ĩmorĩ ré, abzuma wa'wa ma tô rowa'a za'ẽtẽ uptabi hã ĩma ai'ubuzi, hâiwa hawi. Bâtâ nhimirowa'a nhipai u, rowa'a za'ẽtẽ uptabi na. Ĩsiré isi'aba'ré norĩ uwaibaba zama ma tô ai'ubuzi.

Zezusihi zadawa wasuꞌuꞌwa norĩ nhimiromhuri na robꞌuiꞌéré 26:19

— Apito Agripa, tahawa, ĩnhotõ 'rowim ne, hâiwa hawi te i'madâ hã te rẽme õ di.

Zezusihi zadawa wasuꞌuꞌwa norĩ nhimiromhuri na robꞌuiꞌéré 7:48

— E tawamhã 'ri hã da te dasiwi isãrĩ 'rep si te 're sãmra u'âsi, 'Re ihâimana u'âsi mono hã. Mare di. 'Ri 'rep si 're sãmra mono õ di. Ãne ma tô duréihã ãma rob'ui'éré, isadawa 'mahârâ'wa hã: “Wanhib'apito, ma tô ãne ĩma siwaihu'u: