Daniéu 5:14 - ꞌRe Ihâimana Uꞌâsi Mono Zadawa Wasuꞌu

¹⁴ Ma tô ĩma aiwasu'u ni, ihâiba'õ norĩ pẽ'ẽzani ai'ãma 're ihâimana mono na hã, duré aima irosa'rata waihu'u pese na hã, duré aima irowaihu'u pese na hã.

Daniéu 5:14 ပူးပေါင်းရင်းမြစ်များ

Zenezi 41:15

Tawamhã te apito hã tãma tinha ãne: — Wa tô rosawẽ, ni'wa te te ĩma ãma isaprĩ waihu'u õ na hã. Tane nherẽ, rosawẽrẽ na ãma isaprĩ waihu'u'wa na wa tô aiwasu'u hã wapa.

Zenezi 41:38

Tahawa te apito, tite romhuri'wa norĩ ma nharĩ za'ra ãne: — Ni'wa hã wa te wasiwi sãmri õ di, aibâ Zuzéhé ne hã, 'Re ihâimana u'âsi mono pẽ'ẽzani ré 're ihâimana mono hã, wate ti'ai wa'õtõ nho'õmo 're, dama isi'rãnho'õmo da hã.

Daniéu 2:22

Õhõ si te za marĩ dama isa'rese'õ hã dawi isima'uri pe hã te te dama 're ahâi'ré, robra na uburé marĩ 're ihâimana za'ra mono hã, tô õhõ ãma si rowa'a hã 're hâimana mono dâ'âsina.

Daniéu 4:8

Tame Daniéu, da'rãsutu ãma ma tô ĩhâimanazéb u hã we ãzé, Béutésaza na isisi amo hã, ĩte ihâiba'õ nhisi ne hã. Ihâiba'õ norĩ pẽ'ẽzani hã te iwamhã 're hâimana. Tahawa, wa tô tãma wasu'u, te irosawẽrẽzé hã.

Daniéu 5:13

Tawamhã Daniéu, ma tô apito hâimanazéb u dasiwi saprõni ni. Tahawa, ma tô ãne sadanha: — E a hã Daniéu, zudeu norĩ siré hã, ĩmama apito Nabucodonozo, Zuda hawi, da te ai'ãma ai'uté za'ra wa'aba wa, we te te i'asaprõni dasiré.

Daniéu 5:15

Nimosi prã na ma tô rowaihu'u pese 'wa norĩ hã, duré wasi na romnhoré'wa norĩ hã we ĩtẽme da te simro, 'ri na'rata na rob'ui'éré te te aré ĩma sõré za'ra da, duré aré marĩ te te iwasu'uzém na te te ãma ĩma saprĩ za'ra da. Tane nherẽ, te te ĩma ãma saprĩ waihu'u za'ra õ di, ta norĩ hã.

Daniéu 6:3

Tawamhã Daniéu ma tô tisiré norĩ dama i'rãnho'õmo na 're ihâimana za'ra mono nhipai u tinhimiromhuri wẽ na hã sihâi'ré. Taha ma, tãma romhuri waihu'u pese uptabi wa, ma tô apito hã ãma rosa'rata, te te sẽrẽ da, uburé danhipai u danhib'ihâ'a na oto 're hâimana mono da.