Daniéu 4:6 - ꞌRe Ihâimana Uꞌâsi Mono Zadawa Wasuꞌu

⁶ Tahawa, Babilonia ãma rowaihu'u pese 'wa norĩ zô, wa tô sô ĩhârâ za'ra, te irosawẽrẽzé te te ĩma ãma saprĩ za'ra da.

Daniéu 4:6 ပူးပေါင်းရင်းမြစ်များ

Ezodu 7:11

Tawamhã apito, rowaihu'u pese 'wa norĩ zô duré romhõsi'wa norĩ zô zama ma tô sô tihârâ za'ra, tô isine marĩ hã te te tãma 'manharĩ za'ra da.

Daniéu 1:17

Tawamhã 'Re ihâimana u'âsi mono, ma tô rob'ui'éré zadaihu'uzé hã tãma sõmri za'ra, maparane si'uiwa na iprédupté ihâiba za'ra ma hã. Babilonia norĩ nhimirowaihu'uzéb zama ma tô duré tãma sõmri za'ra. Tane nherẽ, Daniéu ma si, ma duré aimawi tãma tisõ, da te 're irosawẽrẽ za'ra mono zém na duré danhotõ 'rowim ne, marĩ, da te 're i'madâ'â za'ra mono zé hã te te ãma dama 're azaprĩ mono da.

Daniéu 2:2

Tahawa, i'rãiwaihu'u pese norĩ zô, marĩ 'manharĩ nhipese 'wa norĩ zô, simi'â ré norĩ zô, duré wasi na romnhoré'wa norĩ zô hã ma tô sô tihârâ za'ra, te te irosawẽrẽzém na te te ãma tãma saprĩ za'ra da. Tawamhã ta norĩ hã apito u sihutu wamhã, isõ're oto simasa wa,

Daniéu 2:48

Tawamhã apito ma tô Daniéu danhipai u pire na danhib'ihâ'a na 're hâimana mono da hã pisutu oto. Ma tô duré ãma tãma tinhopru, marĩ iwa'âbâ za'ẽtẽ norĩ na hã. Ma tô duré Babilonia ãma daza'rui wa'õno ihâimana ãma dama i'rãnho'õmo na 're hâimana mono da hã, duré uburé rowaihu'u pese 'wa norĩ nhib'ihâ'a na 're hâimana mono da hã pisutu, ti'ai wa'õtõ nho'õmo 'remhã.

Daniéu 4:15

Tane nherẽ, isãna'rata si isari ré te za asiwi irẽme 'wa. Tawamhã te za isi'uwazi tete na, duré ẽtẽ topsada brõzi na ãma asiwi iwasisi zahuré wa'wa za, rom na siwazari du 're ihâimana za'ra mono wa'wa. Tawamhã te za wede nhana'rada hã atébré te te 're waihi, ã hã aibâ hã tô. Tahawa, te za tô aibâ hã du te te 're 'masi, abaze ne oto.

Daniéu 5:11

E tihai wa. Ãme asimi'madâ'âzéb ãma te ihâiba'õ norĩ pẽ'ẽzani ré aibâ hã tihâiba. Aimama Nabucodonozo, apito na 're hâimana mono ré hã, ma tô aibâ hã da te 're waihu'u za'ra, i'rã nhimiza'rese wẽ na hã, duré rowaihu'u pese 'wa na hã, ihâiba'õ norĩ ne. Tawamhã ta hã ma tô apito Nabucodonozo pisutu, rowaihu'u pese 'wa norĩ nhib'ihâ'a na, tiha 'manharĩ nhipese 'wa norĩ nhib'ihâ'a na, simi'â na romhuri'wa norĩ nhib'ihâ'a na, duré wasi na romnhoré'wa norĩ nhib'ihâ'a na tãma 're hâimana za'ra mono da hã.

Daniéu 5:7

Tawamhã sa'ẽtẽ mreme 'rãihâ na ma tô marĩ 'manharĩ nhipese 'wa norĩ zô, rowaihu'u pese 'wa norĩ zô, duré wasi na romnhoré'wa norĩ zô dahãsi da hã dama ti'ru. Tawamhã ta norĩ sihutu wi, ma tô Béusaza hã tãma nharĩ za'ra ãne: — Ã hã 'ri na'rata na rob'ui'éré, ni'wa hã te te sõré waihu'u wamhã, duré marĩ te te iwasu'uzém na te te ãma ĩma saprĩ waihu'u wamhã, da'uza ihâ prépe iwa'âbâ za'ẽtẽ na te za ãma uza ni. Oru 'manharĩ na danho'rebzum na zama te za duré ãma sõ'rebzu ni za. Tahawa, wa za duré tãma pisutu, si'ubdatõ ãma dama ipire na ĩzahâpâmhã 're hâimana mono da, ĩnhimi'madâ'âzéb 'remhã.