Daniéu 4:31 - ꞌRe Ihâimana Uꞌâsi Mono Zadawa Wasuꞌu

³¹ Tawamhã ãne na apito zahadu te te sima rob'anhoré ré, ma tô hâiwa hawi damreme hã tãma tinha ãne: — Apito Nabucodonozo, ĩwapari! Atei õ di za oto, dama i'rãnho'õmo na 're i'aihâimana mono zé hã.

Daniéu 4:31 ပူးပေါင်းရင်းမြစ်များ

Zenezi 14:18

Tawamhã Mequizédéqui, Salẽ na 'ri nho'õmo nhisi ãma apito, duré Danhipai u pese 'Re ihâimana u'âsi mono te, sasedoti na 're ihâimana mono hã ma tô i'u'ẽtẽ wapu norĩ, uwa 'rãi wa'u isé me hã tãma mrami zahuré.

Provébiu 29:23

'Râwi 're idasi'madâ'â ze za'ra mono zéb zarina, te za 'râwi 're dasiwazéb za'ra. Tane nherẽ, dama dawapu na 're idasi'madâ'â mono zéb zarina, te za dama dawazé pese zé hã da te dasina 're sani za'ra.

Daniéu 12:7

Tawamhã hâiwa ãma romhuri'wa tinhib'rada hâimo te te wẽ sina, te 'Re ĩhâimana u'âsi mono idâ'â'õ nhisi na tinha ãne: — Wa za aima ropisutu. Ãne hã te za tô tiromhâiba, si'ubdatõ wahu aiwa ãma isipo'o u, 'Re ĩhâimana u'âsi mono tinhib'a'uwẽ da, te te ipisutu norĩ ma, da te tãma 're irob'manharĩ wasété za'ra mono zé hã si'utõrĩ wapsi.

Daniéu 4:24

— Awa'awi na hã wa za oto ãma aima saprĩ. Apito, ã hã asimirosawẽrẽ te te iwasu'u hã, 'Re ihâimana u'âsi mono te te sima ai'ãma irowairébézé.

Daniéu 4:26

Tawamhã duré hâiwa ãma romhuri'wa, wede nhana'rada sari ré te te siwi rẽme da, te te iwaihu hã, a hã 'Re ihâimana u'âsi mono uburé danhipai u siptete na te te 're ida'a'madâ'â mono na sazei wapsi, apâ i'asi'apito da hã te wasu'u.

Daniéu 4:30

ma tô ãne sima tinha: — E niha 'ri nho'u Babilonia hã dama isa'ẽtẽ uptabi! Wa hã wa tô ĩnhiptete na 'ri nho'u hã 'manha, iwa apito na 're ĩnhamra mono zéb da hã, uburé dama ĩpire na duré ĩnhiptete na te 're ida'a'madâ'â mono zé hã te dama hâi'ré da.

Daniéu 4:32

A'uwẽ na 're idahâimana za'ra mono zém hawimhã te za aiwazere ni oto, abaze norĩ siré 're aihâimana mono da, du hã 're 'masi mono da, powawẽ te te 're ihuri mono ne. Ãne na 're aihâimana mono ré, te za 7 na ai'ãma tiwahu. Taha parip si, te za a hã asimirosa'rata na asina isi, uburé danhipai u isiptede 'Re ihâimana u'âsi mono, daro mono bâ uburé da'rãnho'õmo norĩ nhimi'madâ'âzém nhipai u siptete na te te 're ida'a'madâ'â mono na hã, duré da'rãnho'õmo norĩ nhimi'madâ'âzéb da, te te sima iwẽzéb zarina te te dama 're i'apisutu mono na hã.

Daniéu 4:34

Tawamhã te apito hã tinha ãne: — 7 na oto ĩ'ãma wahu pari, hâiwa u wa hã te rob'madâ'â wamhã, ma tô apâ ĩnhimiza'rese wẽ hã ĩma wi. Tahawa, wa tô uburé danhipai u isiptede 'Re ihâimana u'âsi mono ãma hã ĩwata, dâ'â ãna õne u'â 're ihâimana mono ãma. Tawamhã wa hã wa tinha ãne: “Danhipai u 'Re ihâimana u'âsi mono nhiptetezé hã si'utõrĩ õ di. Duré Danhib'apito na te te 're ida'a'madâ'â mono zé hã si'utõrĩ waihu'u õ di.

Daniéu 5:20

Tane nherẽ, ma tô tipẽ'ẽ na hã 're si'madâ'â ze. Ma tô duré si'rep si pẽ'ẽ tete na 're hâimana. Taha zarina ma tô da'madâ'â nhiptetezé hã tiwi sina ti'awi pese.

Daniéu 5:28

PERES na damreme hã, dama i'rãnho'õmo na asimi'madâ'âzé hã za sima isipo te wasu'u. Média norĩ ma, te za sõmri zahuré ni, Persiaha me hã.

Daniéu 6:27

Taha si, siminho'reptu waihu'u pese di. Hâiwa ãma, duré ti'ai ãma te dama isa'rese'õ na te te 're romhõsi. Taha si ma tô Daniéu hã sõ'reptu, hu'u zérépa nhiptetezé wi hã.”

Mateu 3:17

Tawamhã hâiwa hawi te we tinha ãne: — Ã hã ĩ'ra. Ĩma sawi uptabi di. Tãma ĩto za'ẽtẽ uptabi di. — Ãne te we tinha, Imama hã.

Luca 12:20

Tahawa, te 'Re ihâimana u'âsi mono hã tãma tinha, ãne: “A hã ma tô ãma i'upa za'ẽ, asimirosa'rata na. Ã bara na te za atâ. Atâ'â wamhã, e 'wa te hã za oto asimarĩ hã, asima si 're i'a'ubumroi pese mono hã.”

Zuwã 12:28

Ĩmama, ma'ãpé we ĩpawapto na, ĩ'ãma irotizém na te ĩsina uwaimrami da, ai'ãma 're dawata za'ra mono hâ. Tawamhã hâiwa hawi ma tô tãma tinha, ãne: — Wa tô te 're aipawaptob u'âsi, ĩ'ãma 're dawata za'ra mono da. Wa za duré aipawapto, ĩ'ãma 're dawata u'âsi za'ra mono da hã.

1 Tesalonita 5:3

Sô 're danhimipari za'ra mono õ wa, te za isazei'õ'wa norĩ hã da te dasima 're rowasu'u za'ra, ãne: “Rowẽ na wa za oto 're wasi'ubumroi u'âsi, marĩ hã wazô 're wairébé mono ãna.” Ãne te za dasima da te 're rowasu'u za'ra, da te 're waihu'u za'ra mono õ wa. Ãne, da te dasima 're rowasu'u za'ra mono wapsi, awa'awi te za ropipa hã dazô 're wairébé, Wamama hã za te te dama irob'manharĩzém na hã. Tiwi dasimani waihu'u za'ra õ di za, pi'õi ma, i'ra tãma 're rere'e mono da, iwasã ãma 're sépu'u za'ra mono wa, ai'uté zépu'u wi tiwi 're isimani za'ra mono õ ne.

Apocalipsi 16:7

Tawamhã wa tô duré wapa ni'wai mreme hã, wedeza ne hawi, 'Re ihâimana u'âsi mono ma, danhoprubzé nomrizém hawi. Te duré 'Re ihâimana u'âsi mono ãma tiwata, ãne: — Uburé Danhib'apito uptabi, 'Re ihâimana u'âsi mono, tô sena aiwaihu'u pese uptabi di. Marĩ na upai ãna te i'uwaibaba si dama 're i'arowairébé mo, sena na.

1 Samuéu 13:14

Tazahã, ãhã na a hã dama i'rãnho'õmo na 're aihâimana mono na ãma uzusi õ di za. E marĩ wa. A hã wapari õ wa, Wanhib'apito te te aima i'ruzé hã. Tahawa, te za aibâ zô, rĩtĩ te te 'mazabu da, te te sima iwẽzéb zarina te te pisutu da Izaraéu nhihudu norĩ ma isi'apito da hã.

1 Samuéu 15:23

Wanhib'apito wi tiwi 're idasipizari za'ra mono hã pire uptabi di, aiwa simi'â na da te 're iromhuri za'ra mono ne. Duré 'râwi 're idasi'madâ'â ze za'ra mono hã tô dawasédé, romhâibarĩ na 're idawata za'ra mono zém ne. Tahawa, ma tô Wanhib'apito siwi aiwẽ'õ. E marĩ wa. Aima isimirotizé hã, asiwi wẽ'õ wa, a hã.