Daniéu 4:22 - ꞌRe Ihâimana Uꞌâsi Mono Zadawa Wasuꞌu

²² — Apito, wede hã, a hã te aiwasu'u. E marĩ wa. A hã asiptete 'manharĩ na asina 're hâimo u'âsi mono wa. Duré asiptete na 're i'aihâimana mono zé hã te te sina 're hâimo pese mono wa, ma tô hâiwa u hã wi. Taha wa, ma tô uburé pese 're ida'a'madâ'â mo, daro mono bâ.

Daniéu 4:22 ပူးပေါင်းရင်းမြစ်များ

Zenezi 11:4

Tawamhã te ãne oto sima nharĩ za'ra: — Oto 'rinho'u, wa te wasiwi 'ri aba. Tawamhã taha 'remhã wa za 'ri 'rãihâ wada hã wasiwi 'manharĩ ni, hâiwa te te sina itété pese da hã. Ãhã wamhã, dama wawasu'u za'ẽtẽ na wa za 're wahâimana za'ra. Duré wa te 're iropéi mono da hã mare di za, ti'ai mono bâ 're wahâimana za'ra mono da hã.

Zenezi 28:12

Tawamhã Zaco ma tô te te saho. Te te isahoi mono 'remhã ma tô sai'urizé hã 'madâ, ti'ai hawi isãna'rada, hâiwa u i'rãsudu hã. Tawamhã 'Re ihâimana u'âsi mono ma romhuri'wa norĩ hã te nasi ãma sai'uri za'ra. Te duré nasi ãma si'ra za'ra, ti'ai u hã.

Salmu 36:5

Uburé Danhib'apito, ãma hâiwa u te asimizawizé hã te te sina 're rob'uwei pese. Duré hâiwa'a u te ai'umnhasi na 're i'aihâimana mono zé hã te te sina 're rob'uwei pese.

Daniéu 2:21

Õhõ si te za niha hã we 're iromhâimana mono zém na hã te te ãma 're azaprĩ. Õhõ si te za duré apito da hã te te 're da'a'maza. Õhõ si te za duré apâ te te 're da'azani. Duré õhõ si te za rowaihu'u pese 'wa norĩ ma hã rowaihu iwẽ hã te te tãma 're anhomri. Õhõ si te za duré i'rã nhimiza'rese norĩ ma hã isimiza'rese wẽ hã te te tãma 're anhomri.

Daniéu 4:11

Tawamhã ta hã ma tô wede si'ré hâimo, hâiwa te te sina i'upizéb u. Tawamhã iwede hã sa'ẽtẽ uptabi wa, daro mono bâ uburé dama 'madâ'â waihu'u pese di.

Daniéu 4:21

Isu hã 'madâ'â zei uptabi di. Duré 're 'rãi pese mono wa, te daro mono bâ dasa hã da te ãma 're huri. Abaze norĩ hã te iwede awã zahâpâ sima iwẽ na 're wa'utu za'ra. Si norĩ hã te duré ipanhipti mono na te te sima 're sasi za'ra.

Daniéu 4:29

Tawamhã 12 na a'amo si'utõrĩ pari, 'ri nho'u Babilonia ãma tinhimiromhurizé 'ri 'rãihâ hâpâ na hâimo 're morĩ ré,

Daniéu 4:36

— Tawamhã tô awa'awi ĩnhimiza'rese wẽ zé hã apâ ĩma wisi wamhã, wa tô apâ ti'â, i'rãnho'õmo na ĩpire na duré dama ĩwazém na 're ĩhâimana mono zé hã. Duré ĩte dama roti'wa norĩ hã duré ĩte dama ipire norĩ hã ma tô apâ hã siwi ĩ'âri wẽ. Tahawa, wa tô duré ĩsi'apito apâ, ĩnhiptede hã imorĩ'rata na ĩsi'apitozém nhipai u.

Apocalipsi 18:5

Marĩ hã da te 're isibu 'rãihâ za'ra mono ne, ma tô Babilonia ãma 're idawasété za'ra mono zé hã tinhibu 'rãihâ pese, hâiwa u. Tawamhã 'Re ihâimana u'âsi mono hã ma tô ãma sipo're pu'u, Babilonia ãma 're idawasété uptabi za'ra mono zéb ãma.