Daniéu 4:2 - ꞌRe Ihâimana Uꞌâsi Mono Zadawa Wasuꞌu

² Wa tô ĩsima wẽ, 'Re ihâimana u'âsi mono danhipai u isiptete uptabi, marĩ dama i'manharĩ waihu'u'õ iwẽ uptabi te te ĩma ihâi'rézé hã uburé waihu'u za'ra wa'aba da.

Daniéu 4:2 ပူးပေါင်းရင်းမြစ်များ

Salmu 51:14

'Re ihâimana u'âsi mono, Ĩnho'reptui'wa, ĩdâ'âzé wi hã ma'ãpé ĩnho'reptu na. Tawamhã ĩto sina, wa za asiminho'reptuzé wasu'u na hã te dama ãma 're rob'mahârâ!

Daniéu 2:1

Babilonia ãma Nabucodonozo apito na 're hâimana mono ré, maparane ãma iwahub ãma ma tô rosawẽ. Tahawa nasi sõtõ waihu'u õ di, hâtâ'â za'ẽtẽ wa.

Daniéu 3:26

Tawamhã apito, unhama ré hã 'ri're wa'wa 'ridawa u 'râwi wisi wamhã, ma tô hârâ 'rãihâ na 'mahârâ za'ra ãne: — Sadraqui, Mezaqui, Abide-Negu, 'Re ihâimana u'âsi mono danhipai u isiptete nhib'a'uwẽ norĩ, we aiwairébé aba ãwa! Tawamhã si'ubdatõ aibâ norĩ, unhama wa'wa hawi ma tô oto wairé. Wairébé wamhã,

Daniéu 4:17

à hã ma tô hâiwa ãma romhuri'wa, sõtõ ãna 're isõpré u'âsi mono norĩ hã siwi ãma rowairébé, uburé danhipai u isiptede 'Re ihâimana u'âsi mono, daro mono bâ uburé da'rãnho'õmo nhimi'madâ'âzém nhipai u siptete na te te 're ida'a'madâ'â mono na, da te ãma waihu'u za'ra da hã. Ta hã te za da'rãnho'õmo na da'madâ'âzéb da hã, te te sima 're ida'awẽ mono zéb zarina te te dama 're apisutu, dama wapu na ni'wa 're hâimana mono nherẽ, oto dama pire da.’ ”

Daniéu 4:24

— Awa'awi na hã wa za oto ãma aima saprĩ. Apito, ã hã asimirosawẽrẽ te te iwasu'u hã, 'Re ihâimana u'âsi mono te te sima ai'ãma irowairébézé.

Daniéu 4:25

Tawamhã a'uwẽ 're ihâimana za'ra mono zém hawimhã te za aiwazere ni. Tahawa, te za oto abaze norĩ siré 're aihâimana mo. Te za du na 're asai mo oto, powawẽ du te te 're ihuri mono ne. Duré romnhiwasi te za 're asõtõ mo. Te za atébré hã te te 're aihâiba waihi. Ãne na 're aihâimana mono ré hã, te za 7 na ai'ãma tiwahu. Taha parip si, te za a hã asimirosa'rata na apâ asina isi, uburé danhipai u isiptede 'Re ihâimana u'âsi mono, daro mono bâ uburé da'rãnho'õmo norĩ nhimi'madâ'âzém nhipai u siptete na te te 're ida'a'madâ'â mono na hã, duré da'rãnho'õmo norĩ nhimi'madâ'âzéb da, te te sima iwẽzéb zarina te te dama 're i'apisutu mono na hã.

Daniéu 4:34

Tawamhã te apito hã tinha ãne: — 7 na oto ĩ'ãma wahu pari, hâiwa u wa hã te rob'madâ'â wamhã, ma tô apâ ĩnhimiza'rese wẽ hã ĩma wi. Tahawa, wa tô uburé danhipai u isiptede 'Re ihâimana u'âsi mono ãma hã ĩwata, dâ'â ãna õne u'â 're ihâimana mono ãma. Tawamhã wa hã wa tinha ãne: “Danhipai u 'Re ihâimana u'âsi mono nhiptetezé hã si'utõrĩ õ di. Duré Danhib'apito na te te 're ida'a'madâ'â mono zé hã si'utõrĩ waihu'u õ di.

Daniéu 5:18

Apito, danhipai u isiptede 'Re ihâimana u'âsi mono, ma tô aimama ma, Nabucodonozoho ma hã pisutu, siptete na duré pire uptabi na dama i'rãnho'õmo na 're hâimana mono da hã.

Daniéu 6:27

Taha si, siminho'reptu waihu'u pese di. Hâiwa ãma, duré ti'ai ãma te dama isa'rese'õ na te te 're romhõsi. Taha si ma tô Daniéu hã sõ'reptu, hu'u zérépa nhiptetezé wi hã.”

Daniéu 7:25

Ta hã te za uburé danhipai u Isiptede 'Re ihâimana u'âsi mono zada hã 're hâimana. Te za duré isib'a'uwẽ norĩ ma hã te te 're arob'manharĩ wasété. Duré te za 'Re ihâimana u'âsi mono nhimiroti na duré isib'a'uwẽ nhibâtâ norĩ na te te ãma tiwi saprĩ za'ra da hã, te te 're pibui u'âsi za'ra, Te za duré si'ubdatõ wahu aiwa ãma isipo'o na 'Re ihâimana u'âsi mono nhib'a'uwẽ norĩ isib'ratamhã a'â tihâimana za'ra.

Zuwã 4:48

Tawamhã Zezusi te asa tãma tinha, ãne: — E niha te za marĩ dama i'manharĩ waihu'u'õ hã te dama 're i'ab'manharĩ mono zéb zarina si 're ĩzaze za'ra wa'aba mo.

Zozué 7:19

Tawamhã Acãhã ma, te Zozué tinha, ãne: — Ĩ'ra, sena na te za asiwẽ'õ, Uburé Danhib'apito, Izaraéu nhihudu norĩ te 'Re ihâimana u'âsi mono nho're. Ĩma wasu'u na, marĩ i'manharĩzé hã; duré rosa'rata tõ, asima i'udâ da hã.