Daniéu 4:19 - ꞌRe Ihâimana Uꞌâsi Mono Zadawa Wasuꞌu

¹⁹ Tawamhã Daniéu, Béutésaza na isisi amo ãne hã te te wapari wa, ma tô tãma a'rã. Tahawa, te a'â rosa'rata ma za, ari'iwi. Tawamhã te apito tãma tinha ãne: — Béutésaza, aihâtâ'â tõ, rosawẽrẽ na hã duré za marĩ te te iwasu'uzém na hã. Tane nherẽ, ma tô Daniéu ãne ãma tãma wa'rã: — Apito, asimirosawẽrẽzé iwasu'u hã aré tô iwẽ ĩma hã, aihâiba upana asitob'ru norĩ hâiba u ihâimana da hã. Tane nherẽ, ta norĩ hâiba hã te te wasu'u õ di.

Daniéu 4:19 ပူးပေါင်းရင်းမြစ်များ

Zenezi 31:35

Tawamhã Raqueu te timama ma tinha ãne: — Ĩzada asahi tõ, ĩwahutu õ wa. Wahâzé hã te ĩ'ãma tihâiba. Ãne Labã tite romhâibarĩ zô hã ma tô 're rĩtĩ, te te 'masãmri da ne.

Zenezi 32:18

Tawamhã te za ãne ãma isada'â za: “Ã norĩ hã asib'a'uwẽ Zacoho nhimizama, tinhib'ihâ'a Ezauhu ma, we ãma tãma isõprub za'ra. Taha zama te we zahadu waza'u za'ra hã mo.”

Zenezi 40:12

Tawamhã Zuzé te tãma tinha ãne: — Irosawẽrẽzé, ãne hã te wasu'u: Si'ubdatõ uwa 'ru panhipti sisa'ridi hã si'ubdatõ bâdâ te wasu'u.

Ezodu 32:32

Ĩzawi na hã, ma'ãpé iwasété za'ra zé hã ãma 'madâ'â za'ra tõ! Duré iwasété za'ra zé ãma 'madâ'â za'ra tõ da, asima wẽ'õ wamhã, ma'ãpé ĩnhisi hã 'wa'rutu, ate ibaihâ na asib'a'uwẽ norĩ nhisi na ãma 're iromnhihâtâ za'ra mono zéb 're ihâiba hã.

Daniéu 1:7

Tawamhã Apenasi ma tô isisi amo na hã sisi za'ra ãne, Béutésaza, Sadraqui, Mezaqui, duré Abide-Negu.

Daniéu 2:26

Tawamhã apito Béutésaza na isisi amo hã te Daniéu hã sadanha ãne: — E te irosawẽrẽzé hã ĩma wasu'u waihu'u pese di. E duré ãma ĩma saprĩ waihu'u pese di, marĩ te te iwasu'uzém na hã.

Daniéu 2:37

Apito, uburé apito norĩ nhipai u hã asiptete uptabi di. 'Re ihâimana u'âsi mono hâiwa ãma 're isãmra mono hã ma tô ãne hã aima pisutu, dama asi'i'rãnho'õmo da hã, duré asiptete na dama aipire na 're aihâimana mono da.

Daniéu 4:24

— Awa'awi na hã wa za oto ãma aima saprĩ. Apito, ã hã asimirosawẽrẽ te te iwasu'u hã, 'Re ihâimana u'âsi mono te te sima ai'ãma irowairébézé.

Daniéu 5:12

à hã aibâ hã Daniéu, apito, Béutésaza na te te isisi amo hã simirosa'rata waihu'u pese di. Simirowaihu'u pese di. Duré rosawẽrẽ na hã te te ãma saprĩ waihu'u pese di, tiha te te iwasu'uzém na hã. Tiha dama iwaihu'u'õ ipire na hã te te duré ãma saprĩ waihu'u pese di. Tahawa, ma'ãpé Daniéu zô aihârâ. Tawamhã te za 'ri na'rata na rob'ui'éré na hã aima ãma saprĩ.

Daniéu 5:18

Apito, danhipai u isiptede 'Re ihâimana u'âsi mono, ma tô aimama ma, Nabucodonozoho ma hã pisutu, siptete na duré pire uptabi na dama i'rãnho'õmo na 're hâimana mono da hã.

Daniéu 5:19

'Re ihâimana u'âsi mono, da'madâ'â nhiptetezé te te aré tãma isõmri hã sa'ẽtẽ uptabi wa, ma tô uburé daro mono bâ isõ'remhã aré tãma 're darẽrẽ'ẽ za'ra. Tawamhã te te sima wẽ wamhã, te za ni'wa hã tiwĩ. Niha wamhã duré te te sima wẽ wamhã, te za tô ãma rosazâ, hâiba ré 're sãmra mono da. Duré ni'wa isimiromhuri zarina te za tô ãma hâimo, te te sima iwẽ hã. Te za duré ni'wai ãma hã ãma ti'awi, te te sima iwẽzéb zarina.

Daniéu 7:15

Wa hã Daniéu ĩnhotõ 'rowim ne, marĩ te i'ab'madâ'â mono zé hã te te ĩpẽ'ẽwara pese wa, wa tô hâtârâ.

Daniéu 7:28

Ãme ma oto ti'rãsutu, ĩnhotõ 'rowim ne, te marĩ i'a'madâ'â mono zé hã. Tane nherẽ, wa hã Daniéu wa tô duré tãma ĩpẽ'ẽwara pese, te ãma irosa'ratazéb zarina. Tahawa, wa tô duré ĩ'ubu'a pese. Tane nherẽ, wa 'râwi ĩsima si tété.

Daniéu 8:27

Wa hã Daniéu, bâtâ siwaptom na wa tô ĩhâiba zei õ na duré ĩhâzé na we ĩhâimana. Taha pari oto apâ we ĩwẽ na ĩhâimana mono wamhã, wa tô apâ dama ĩ'rã nho'õmo nhimiromhuri na hã te romhuri. Tane nherẽ, marĩ te i'ab'madâ'â mono zém na si ĩhâtâ'â u'âsi di, te isadaihu'u da hã ĩma pire wa.

1 Samuéu 1:15

Tawamhã ma te ãma tãma wa'rã ãne: — Ma. Ĩsi'rãiwamnarĩ õ di, ĩnhib'apito. Duré te hâ'rẽne õ di, uwa 'rãi wa'u isé hã, duré âzaipro hã. Wa hã wa tô tãma mre, Uburé Danhib'apito nho'remhã, ĩma robzei õ uptabi wa. Duré wa tô tãma wasu'u, te irobzépatazé hã.

1 Samuéu 24:8

Tahawa, ma tô Dawi hã isarina watobro. Tawamhã te ãne duré 'mahâ: — Apito Sau! Ãne wa, ma tô Sau hã aipi'ra sibabarãi u. Tawamhã Dawi hã te te iwazéb zarina ma tô hi'rãtitõ tãma nhamra. Ma tô duré ti'ubu na tãma ropto, ti'ai u.

1 Samuéu 26:15

Tahawa, Dawi ma sada'â ãne: — Oro a hã aibâ za. E Izaraéu nhihudu norĩ nhipti'ai 're danhipai u dasi'wapéi 'manharĩ'wa asiptete õ di duré. Asiptete di. Tane nherẽ, e niha bâ bété asib'ihâ'a 'wawimhã aimapa õ di. Awa'awi na hã ma tô ni'wa hã ãzé 'ri asima isõré za'ra wa'aba zéb u apito asib'ihâ'a hã te te wĩrĩ da.

1 Samuéu 3:17

Tawamhã te Eri sadanha ãne: — E niha ma tô 'Re ihâimana u'âsi mono hã aima rowaihu'u. Ĩwi udâ tõ. Tawamhã 'Re ihâimana u'âsi mono te za aima rob'manha, uburé te te aima inharĩzé, ĩma wasu'u õ wamhã.