Daniéu 4:18 - ꞌRe Ihâimana Uꞌâsi Mono Zadawa Wasuꞌu

¹⁸ Tawamhã Nabucodonozo timreme na te te ãma tãma i'rãsutu na hã, te ãne Daniéu ma tinha: — Ãne te irosawẽrẽzé. Ni'wa hã ĩte rowaihu'u pese 'wa norĩ te te ĩma ãma saprĩ waihu'u za'ra õ di, marĩ te te iwasu'uzém na hã. Tane nherẽ, Béutésaza, aima si waihu'u pese di, ãma ĩma isaprĩ da hã, ihâiba'õ norĩ pẽ'ẽzani aiwa sébré wa. Tahawa, ma'ãpé ãma ĩma saprĩ na, te irosawẽrẽzé marĩ te te iwasu'u hã.

Daniéu 4:18 ပူးပေါင်းရင်းမြစ်များ

Zenezi 40:12

Tawamhã Zuzé te tãma tinha ãne: — Irosawẽrẽzé, ãne hã te wasu'u: Si'ubdatõ uwa 'ru panhipti sisa'ridi hã si'ubdatõ bâdâ te wasu'u.

Zenezi 41:15

Tawamhã te apito hã tãma tinha ãne: — Wa tô rosawẽ, ni'wa te te ĩma ãma isaprĩ waihu'u õ na hã. Tane nherẽ, rosawẽrẽ na ãma isaprĩ waihu'u'wa na wa tô aiwasu'u hã wapa.

Zenezi 41:8

Tawamhã awẽm na mararé te te isahoi mono zém na hã hâtâ'â di, duré tãma robzei õ di. Tahawa Ezitu ãma romhõsi'wa norĩ zô, duré rowaihu'u pese norĩ zô te uburé sô tihârâ za'ra. Tawamhã apito te tinhimirosawẽrẽ hã tãma wasu'u za'ra. Tane nherẽ, ni'wa te te ãma tãma saprĩ waihu'u õ di.

Daniéu 1:20

Tawamhã apito, uburé marĩ mono na te te ta norĩ 're sadanharĩ za'ra mono wamhã, uburé Babilonia ãma i'rãiwaihu'u pese norĩ nhipai u, duré marĩ 'manharĩ nhipese 'wa norĩ nhipai u, te te irowaihu'u pese za'ra na hã ma tô oto upsibi me za'ra.

Daniéu 2:38

Õ hã daro mono bâ uburé asib'rata 're dahâimana za'ra mono da hã, ma tô aima pisutu. Abaze norĩ zama, si norĩ zama ma tô duré aima pisutu za'ra. A hã ropoto 'rã oru 'manharĩ hã te aiwasu'u.

Daniéu 2:7

Tawamhã i'rãiwaihu'u pese norĩ, te duré ãne tãma nharĩ za'ra: — Ma'ãpé tô asimirosawẽrẽ a'â wama wasu'u za'ra na uimrehẽne. Taha parip si, wa za marĩ te te iwasu'uzé ãma aima saprĩ za'ra ni.

Daniéu 5:15

Nimosi prã na ma tô rowaihu'u pese 'wa norĩ hã, duré wasi na romnhoré'wa norĩ hã we ĩtẽme da te simro, 'ri na'rata na rob'ui'éré te te aré ĩma sõré za'ra da, duré aré marĩ te te iwasu'uzém na te te ãma ĩma saprĩ za'ra da. Tane nherẽ, te te ĩma ãma saprĩ waihu'u za'ra õ di, ta norĩ hã.

Daniéu 5:8

Tawamhã uburé rowaihu'u'wa norĩ 'ri're wa'wa za'ẽne ihâimana u ma tô oto asisi. Tane nherẽ, 'ri na'rata na rob'ui'éré hã ta norĩ te te 'manhoré waihu'u õ di. Duré apito ma, marĩ te te iwasu'uzé te te ãma tãma saprĩ waihu'u za'ra õ di.