Daniéu 4:13 - ꞌRe Ihâimana Uꞌâsi Mono Zadawa Wasuꞌu

¹³ Zahadu te rosawẽrẽ ré, wa tô hâiwa ãma romhuri'wa hâiwa hawi we te te si'rai ré hã 'madâ, 're isõpré u'âsi mono hã sõtõ ãna.

Daniéu 4:13 ပူးပေါင်းရင်းမြစ်များ

Salmu 103:20

Uburé Danhib'apito ãma si 're aiwata za'ra wa'aba mono, hâiwa ãma romhuri'wa asiptete na 're i'aihâimana za'ra wa'aba mono norĩ, duré imreme 're iwapari pese za'ra wa'aba mono na 're i'aihâimana za'ra wa'aba mono norĩ hã!

Salmu 89:7

A hã aiwazé pese na, te ta norĩ 're isi'rã'õtõ mono zéb ãma tãma 're aihâimana za'ra mo. Tame te te siwi 're i'ai'uirĩ za'ra mono norĩ hã te duré uburé te te siwi 're aiwazé pese.

Daniéu 4:10

Ãne wa tô ĩnhotõ 'rowim ne hã 'madâ, ĩnhimiwaptâ wa, ĩnomro ré. Rowede hã i'rãihâ uptabi hã wa tô 'madâ, rowa'wa 're isa mono hã.

Daniéu 4:17

à hã ma tô hâiwa ãma romhuri'wa, sõtõ ãna 're isõpré u'âsi mono norĩ hã siwi ãma rowairébé, uburé danhipai u isiptede 'Re ihâimana u'âsi mono, daro mono bâ uburé da'rãnho'õmo nhimi'madâ'âzém nhipai u siptete na te te 're ida'a'madâ'â mono na, da te ãma waihu'u za'ra da hã. Ta hã te za da'rãnho'õmo na da'madâ'âzéb da hã, te te sima 're ida'awẽ mono zéb zarina te te dama 're apisutu, dama wapu na ni'wa 're hâimana mono nherẽ, oto dama pire da.’ ”

Daniéu 4:23

Tawamhã ma tô duré hâiwa ãma romhuri'wa we te te si'rai ré hã i'madâ. Ta hã ãne te te inharĩ hã: “Ma'ãpé wede hã asiwi mei wa'aba. Duré asiwi panhipti nhihâri aba mono. Tane nherẽ, isãna'rata si isari ré te za asiwi irẽme 'wa. Tawamhã te za isi'uwazi tete na, duré ẽtẽ topsada brõzi na ãma asiwi iwasisi zahuré wa'wa, rom na siwazari du 're ihâimana za'ra mono wa'wa 're sa mono da. Tawamhã te za ã hã aibâ nhisi wi atébré hã 're rere'e. Tahawa, te za aibâ hã abaze sazém na si oto 're sa. Tawamhã ãne na 're hâimana mono ré hã te za 7 na ãma tiwahu.”

Daniéu 4:5

Tane nherẽ, nimahã mara na te irosawẽrẽzé hã ma tô ĩhâtâ'â za'ẽne hã ĩma sina waze. Ĩnhotõ 'rowi, marĩ te i'madâ'âzé hã duré ãma ĩnhimirosa'ratazé hã ma tô ipipa ĩma tisõ.

Daniéu 7:1

Béusazaha ãma imorĩ'rata na ãma iwahub ãma Babilonia 're, te te 're ida'a'madâ'â mono na ma tô Daniéu hã nimahã mara na tinhimiwaptâ wa nomro. Sõtõ wamhã, ma tô te te saho. Tame ma tô marĩ sõtõ 'rowi 'madâ'â za'ra. Topo'o wamhã, ma tô duré te te isahoi mono na marĩ te te i'madâ'â za'ra norĩ na hã ãma rob'ui'éré.

Daniéu 7:17

— Maparane si'uiwa na ropoto siwamnarĩ isa'ẽtẽ uptabi norĩ hã maparane si'uiwa na za apito norĩ siptete na te te 're ida'a'madâ'â za'ra mono zé, te wasu'u.

Daniéu 7:23

Tawamhã ãne te te ĩma ãma isaprĩzé hã ma tô ĩma wasu'u: — Maparane si'uiwa na ãma ropoto siwamnarĩ hã, maparane si'uiwa na ãma ti'ai ãma da'madâ'âzé hã te wasu'u. Ti'ai ãma isimi'madâ'âzé hã ihâiba amo norĩ nhimi'madâ'â za'ra zém nei õ di. Ta hã te za uburé ti'ai mono bâ 're idahâimana za'ra mono hã a'uprosi. Te za duré te te da'anhiwazui pese. Te za duré tipara na te te da'anhinhizu pese.

Daniéu 8:13

Taha pari wa tô duré wapa, hâiwa ãma romhuri'wa norĩ te te sima irobzanhamri zahuré zé hã. Nima hã ma tô tihâiba amo sadanha ãne: — E niha danhotõ 'rowim ne marĩ 'madâ'âzém na we iromhâimana mono na hã te za we ãma ropsi'utõrĩ. Duré marĩ zata na bâtâ sidâpâsi 're idanhoprub za'ra mono zéb upana, iwasété na si oto 're idanhoprub za'ra mono na hã, e niha te za duré we ãma ropsi'utõrĩ. Duré isõrõwa 'ri 'rãihâ siprum haré 're isa mono na hã e niha te za duré we ãma ropsi'utõrĩ. E niha te za hâiwa ãma dasi'wapéi 'manharĩ'wa norĩ ãma, da te ãma 're i'ai'uté za'ra mono na hã we duré ãma ropsi'utõrĩ u'âsi.

Mateu 25:31

Tawamhã Zezusi hã ma tô duré romhâ ré tãma rowaihu'u siromo za'ra, ãne: — Ti'ai ãma Dasiré Ipodo hã niwapsi te za wei mo apâ, Timama zadawa para, hâiwa ãma tãma iromhuri'wa norĩ siré. Tawapsi te za danhib'apito simasisizém na hã 're sãmra, pire na te te ãma 're da'ab'madâ'â u'âsi mono da oto.

Marcu 1:24

— Zezusi, Nazaré nhihudu, e marĩ zô te we aimo. E wa'uprosi da, te we aimo. A hã ĩma aiwaihu'u pese di, 'Re ihâimana u'âsi mono, we te te i'asatõrĩ na hã. Duré aiwẽ uptabi di, a hã.

Luca 4:34

— Zezusi, Nazaré nhihudu, e marĩ zô, te we aimo. E wa'uprosi da, te we aimo. A hã ĩma aiwaihu'u pese di, 'Re ihâimana u'âsi mono we te te asatõrĩ na hã. Aiwẽ uptabi di, a hã.

Zuda 1:14

Duréihã Enoqui hã te 're hâimana, Adãhã 'ra nhihudu hã. Ta hã ma tô romhâ ré da'ãma waihu'u siro, 're idahâimana wasété za'ra mono norĩ ãma hã. Ãne ma tô da'ãma waihu'u siro: “Ma'ãpé waihu'u za'ra wa'aba. Wanhib'apito te za wei mo. Tãma iromhuri'wa norĩ hã ahâ uptabi na te za we isiré ai'aba'ré.