Daniéu 4:1 - ꞌRe Ihâimana Uꞌâsi Mono Zadawa Wasuꞌu

¹ Tawamhã apito Nabucodonozo, ma tô uburé dapoto mono bâ daro mono bâ damreme na 're idamreme zusi mono ma hã ãma ropé, timreme na ãne: — Rowẽ na uburé 're aihâimana za'ra wa'aba mono!

Daniéu 4:1 ပူးပေါင်းရင်းမြစ်များ

Esdra 4:17

Tawamhã apito Artazesi, ma te ãne asa romnhihâtâ na sada'âbâ za'ra: “Reum dama i'rãnho'u, duré Sĩsa'ĩ dama romnhihâtâ 'manharĩ'wa, duré asiré Samaria ãma 're ihâimana za'ra mono norĩ, duré Eufrati bâtâ zasizém niwĩ daza'rui wa'õtõ ãma 're ihâimana za'ra mono norĩ me, simisutu wa ãma asawi za'ra wa'wa.

Esdra 5:7

“Apito Dariu, rowẽ na si i'rãnho'õmo na hã dama 're aihâimana mono!

Daniéu 3:29

Tahawa, wa za roti ipire na hã 'manha, siwa'ru a'uwẽ norĩ hã dapoto mono bâ, daro mono bâ duré damreme mono bâ 're idamreme zusi mono hã ni'wa hã Sadraqui norĩ te, Mezaqui, Abide-Negu, 'Re ihâimana u'âsi mono nhisi na te te nharĩ wasété wamhã, da te sihâri mono da, duré za isõrõwa da te tiwi prub da. E marĩ wa. Aimawi ihâiba'õ hã 'maihâimana õ wa, 'Re ihâimana u'âsi mono sine hã, ã norĩ te te isõ'reptu za'ra ne hã.

Daniéu 3:4

Tawamhã apito mreme 'mahârâ'wa ma tô oto mreme 'rãihâ na dama sadawa 'mahâ ãne: — Uburé a'uwẽ norĩ daro mono bâ, dapoto mono bâ duré aimreme mono bâ i'aihâimana za'ra wa'aba norĩ, ãhãta apito te za ãhã na hã aima waihu'u za'ra wa'wa!

Daniéu 6:25

Tawamhã apito Dariu ma tô uburé daro mono bâ, duré dapoto mono bâ duré damreme mono bâ 're idamreme zusi mono ma, rob'ui'éré, ãne: “Rowẽ na 're aihâimana za'ra wa'aba mono!

Daniéu 6:27

Taha si, siminho'reptu waihu'u pese di. Hâiwa ãma, duré ti'ai ãma te dama isa'rese'õ na te te 're romhõsi. Taha si ma tô Daniéu hã sõ'reptu, hu'u zérépa nhiptetezé wi hã.”

Daniéu 7:14

Ma tô isimiroti pire na 're ihâimana mono zé, duré apito wa, da te ãma 're iwazé mono zé duré te te 're ida'a'madâ'â mono zé hã tãma pisutu ni. Tawamhã dapoto mono bâ, duré daro mono bâ 're idahâimana za'ra mono hã, duré damreme mono bâ 're idamreme zusi mono hã ma tô uburé ãma 're dawata za'ra. Ĩsiptetezé hã isi'utõrĩ waihu'u'õ. Duré te te 're ida'a'madâ'â mono zé isi'utõrĩ waihu'u'õ na.

Zezusihi zadawa wasuꞌuꞌwa norĩ nhimiromhuri na robꞌuiꞌéré 2:6

Tawamhã Zeruzalẽ u 're idasi'rã'õtõ mono norĩ hã ropupu hã da te wapari za'ra wamhã, da'ahâ na ma tô itẽme dasito, Pedru norĩ u. Idasito mono hã, damreme mono bâ da te wapari za'ra wamhã, ma tô ãma tatob'uzu za'ra ni, imreme za'ra na hã.

Roma 1:7

'Re ihâimana u'âsi mono ma, asawi pese za'ra wa'aba di. Taha si ma tô aipisutu za'ra wa'wa, isib'a'uwẽ si oto 're anomro aba mono da, tãma. Tahawa, wa ãhã na aima ãma rob'ui'éré za'ra wa'wa, Roma ãma 're aihâimana za'ra wa'aba mono norĩ ma. Wamama ma, wa ai'ãma 're ĩmreme u'âsi za'ra wa'wa, 'Re ihâimana u'âsi mono ma, duré Wanhib'apito Zezu Cristuhu ma zama, isimizawizé hã ai'ãma 're hâimana u'âsi za'ra wa'aba mono da, rowẽ u'âsi, ãma 're anomro aba mono da.

Éfézu 1:2

Wamama 'Re ihâimana u'âsi mono ma, wa ai'ãma 're ĩmreme u'âsi za'ra wa'wa, duré Wanhib'apito Zezu Cristuhu ma zama, isimizawizé hã ai'ãma 're hâimana u'âsi za'ra wa'aba mono da, rowẽ u'âsi, ãma 're anomro aba mono da.

1 Pedru 1:2

Aipoto za'ra wa'aba õ ré, ma tô Wamama hã sima aipisutu siromo za'ra wa'wa, 'Re ihâimana u'âsi mono hã, isib'a'uwẽ na oto 're anomro aba mono da. Taha da, ma tô Tipẽ'ẽzani hã aipẽ'ẽ 're aima sõmri za'ra wa'wa, aiwẽ uptabi na oto õhõ ãma si 're anomro aba mono da, duré Zezu Cristuhu nhimiroti si 're wapari pese za'ra wa'aba mono da, duré Cristu hã dazada idâ'âzéb zarina, aipẽ'ẽ 're te te 're ai'a'upsõi wa'aba mono wa, aiwasété ãna ãma 're anomro aba mono da oto. 'Re ihâimana u'âsi mono ma, wa ai'ãma 're ĩmreme u'âsi za'ra wa'wa, isimizawizé hã ai'ãma 're hâimana u'âsi za'ra wa'aba mono da, rowẽ u'âsi, duré ãma 're anomro aba mono da, taha ãma si.