Daniéu 3:6 - ꞌRe Ihâimana Uꞌâsi Mono Zadawa Wasuꞌu

⁶ Tawamhã ni'wa, ropoto ãma dame wata da, hi'rãtitõ tãma sãmra õ wamhã, te za tô awa'awi dasiwi me ni, 'ri're wa'wa unhama ro'o u.

Daniéu 3:6 ပူးပေါင်းရင်းမြစ်များ

Zenezi 19:28

Tawamhã Sodoma norĩ nho'õmoi baba Gomora me, uburé romharé na zama ma tô te te rob'madâ'â. Tahawa, ma tô ti'ai hawimhã unhama nhizé 're isi'ré mono hã 'madâ, robzebrezém hawi unhama nhizé 're isi'réi mono ne hã.

Ezodu 20:5

Romhâiba nho're aihi'rãtitõ tãma 're asimroi wa'aba mono tõ. Ãma 're aiwata za'ra wa'aba mono tõ. E marĩ wa. Wa hã Uburé Danhib'apito, ate wa'wa 'Re ihâimana u'âsi mono. Ĩ'upana aimawi ihâiba'õ norĩ ãma dawata da hã ĩma 'ru ti. Ĩzada 're isiti'rui wairébé za'ra mono norĩ hã, wa te te 're hâ za'ra, isihudu 'ra norĩ hã, duré isihudu 'ra i'ra norĩ u zama, maparane si'uiwa na dapodo ihâimana u hã.

Daniéu 2:5

Tane nherẽ, apito ma tô sada'âbâ za'ra asa ãne: — Ãne wa tô ĩsima rowairébé: A norĩ wa'wa, ĩnhimirosawẽrẽ na ãma ĩma saprĩ za'ra wa'aba õ wamhã, wa za uburé dama ai'ru za'ra wa'wa, da te aiwa'õtõ za'ra wa'aba mono da, duré asõrõwa za'ra wa'wa, da te aiwi prub za'ra wa'aba mono da, isiprup si simi'wara mono da, sa'wari 'rãihâ na.

Daniéu 3:11

Ni'wa hã ãne na roti te te wapari õ wamhã, te za 'ri're wa'wa unhama ro'o u dasiwi me ni.”

Daniéu 3:15

E tawamhã te za oto ãhã na hã aihi'rãtitõ tãma asimroi wa'wa, ropoto ãma aiwata za'ra wa'aba da hã, danhimnhihârâzé hârâ hã duré rowamremezép ta hã sãna'rata wi. Mare wamhã, tô awa'awi te za unhama ro'o u hã dasiwi asãmra aba ni. E 'wa hã ihâiba'õ 're hâimana mono bâ, te te i'asõ'reptu za'ra wa'aba da hã.

Daniéu 3:21

Tawamhã aibâ si'ubdatõ ipréduptém norĩ, i'uza hâpa ré, isi'ubuzéb ré, i'rãzaza za'ra ré, duré uburé aimawi na isi'uza za'ra ré ma tô pawasisi za'ra ni, unhama ro'o wa'wa 'ri're wa'wa 're, da te dasiwi sãmra da hã.

Daniéu 3:7

Tawamhã rowamreme sãna'rata wi, ma tô uburé tame idahâimana za'ra hã dahi'rãtitõ asimro ni, ropodo ẽtẽ waipo pré oru na i'manharĩ ãma dawata za'ra da.

Daniéu 5:19

'Re ihâimana u'âsi mono, da'madâ'â nhiptetezé te te aré tãma isõmri hã sa'ẽtẽ uptabi wa, ma tô uburé daro mono bâ isõ'remhã aré tãma 're darẽrẽ'ẽ za'ra. Tawamhã te te sima wẽ wamhã, te za ni'wa hã tiwĩ. Niha wamhã duré te te sima wẽ wamhã, te za tô ãma rosazâ, hâiba ré 're sãmra mono da. Duré ni'wa isimiromhuri zarina te za tô ãma hâimo, te te sima iwẽ hã. Te za duré ni'wai ãma hã ãma ti'awi, te te sima iwẽzéb zarina.

Daniéu 6:7

Uburé wa norĩ, dama i'rãnho'õmo norĩ hã, 'ri nho'õmo 're, dama ipire norĩ hã, daza'rui wa'õtõ mono bâ dama i'rãnho'õmo norĩ hã, duré uburé aimawi dama ipire norĩ hã wasi'rã'õtõ wamhã, wa tô ãma wasisaze za'ra ni, asimiroti itede i'manharĩ da hã, wa te aiwi waptẽrẽ za'ra da, ãma idanhimipari prédu, i'ru zahi hã. Tahawa, te za a hã dama iwaihu, 30 bâtâ 'remhã aiwi si, da te 're rowaptẽrẽ za'ra mono da. Tawamhã taha ré ni'wam norĩ, marĩ siwa'ru ihâiba'õ norĩ wi, duré siwa'ru dawi te te 're rowaptẽrẽ za'ra mono wamhã, te za hu'u zérépa ma, ab're 'remhã dasiwi sãmra ni.

Mateu 13:42

Taha parimhã te za unhama ro'o za'ẽtẽ u danhamra, ropipa u. Tame te za 're da'ru'ru u'âsi. Te za duré 're da'wasitete u'âsi za'ra za, da te oto 're robzépata za'ẽtẽ za'ra mono wa.

Mateu 13:50

Tawamhã unhama ro'o za'ẽtẽ u te za oto danhamra, ropipa u. Tame te za 're da'ru'ru u'âsi. Te za duré 're da'wasitete u'âsi za'ra, da te 're robzépata za'ẽtẽ za'ra mono wa.

Mateu 4:9

Tawamhã Wa'uburé te ãne tãma ropisutu, Zezusihi ma: — Asib'apito na ĩ'ãma aiwata da, te za aihi'rãtitõ ĩma asã. Tawamhã ã hã uburé wa za aima tisõ, ate da.

Marcu 6:27

Tawamhã ma tô ti'ru, awa'awi i'rã te te we âri da, da'wapéi'wa hã. Tawamhã awa'awi te sô mo, dazazéb u. Tame awa'awi ma tô butu nhizâ, Zuwã Batista hã.

Apocalipsi 14:11

Tawamhã unhama ro'o nhizé hã te te ãma 're irobzépata za'ra mono nhizé hã te õne u'âsi 're sizédé 'rãti u'âsi, hâimo. Unhama ro hã ro'o nhimizazâri waihu'u õ di, â hawi ropoto siwamnarĩ ãma 're iwata za'ra mono norĩ ma hã, duré ihâiba 'manharĩ na romhâiba ãma 're iwata za'ra mono norĩ ma hã, duré isisi na i'ui'éré za'ra norĩ ma hã. Õne u'âsi te ã norĩ hã robzépata wi 're wairébé waihu'u mono ãna, te te 're robzépata u'âsi za'ra.

Apocalipsi 9:2

Tawamhã wasi hã ma tô ab're 'rehâ hã 'ridawa. Te te 'ridawa wamhã, ma tô isizé hã watobro, ab're 'rehâ hawi. Isizé hã unhama ro'o za'ẽtẽ nhizédé ne hã. Tawamhã watobro wamhã, ma tô bâdâ hã tõmo utõ. Ma tô duré hâiwa'utõ, ab're 'rehâ nhizé hã. Tahawa, ma tô daro mono bâ tirobra.