Daniéu 3:4 - ꞌRe Ihâimana Uꞌâsi Mono Zadawa Wasuꞌu

⁴ Tawamhã apito mreme 'mahârâ'wa ma tô oto mreme 'rãihâ na dama sadawa 'mahâ ãne: — Uburé a'uwẽ norĩ daro mono bâ, dapoto mono bâ duré aimreme mono bâ i'aihâimana za'ra wa'aba norĩ, ãhãta apito te za ãhã na hã aima waihu'u za'ra wa'wa!

Daniéu 3:4 ပူးပေါင်းရင်းမြစ်များ

Daniéu 3:10

A hã ma tô ãne irowaihu'u mo: “Danhimnhihârâzém hârâ duré rowamremezép ta hã wapari za'ra wa'aba wamhã, te za uburé pese aihi'rãtitõ tãma asimroi wa'wa, ropodo ẽtẽ waipo pré oru na i'manharĩ ãma aiwata za'ra wa'aba da hã.

Daniéu 3:3

Tahawa, ma tô uburé ta norĩ sitẽme isitom norĩ hã ropoto nho're hâiwimhã aimasa para na, ropoto saiwĩrĩ ãma hã.

Daniéu 3:7

Tawamhã rowamreme sãna'rata wi, ma tô uburé tame idahâimana za'ra hã dahi'rãtitõ asimro ni, ropodo ẽtẽ waipo pré oru na i'manharĩ ãma dawata za'ra da.

Daniéu 4:1

Tawamhã apito Nabucodonozo, ma tô uburé dapoto mono bâ daro mono bâ damreme na 're idamreme zusi mono ma hã ãma ropé, timreme na ãne: — Rowẽ na uburé 're aihâimana za'ra wa'aba mono!

Daniéu 4:14

Ta hã ma tô mreme 'rãihâ na tinha ãne: ‘Ma'ãpé wede hã asiwi 'morõwĩrĩ aba. Asiwi 'morõwĩrĩ aba wamhã, te za ipanhipti asiwi isihâri aba mo. Te za duré isu hã asiwi isinarĩ aba mo. Duré i'rã asiwi sãmra aba wamhã, te za ãma asiwi iropéi wa'aba mo. Iwede awã zahâpâ abaze norĩ 're iwa'utu za'ra mono hã te za duré ta hawi asiwi iwano'õ aba mo, si norĩ ipanhipti na 're isimasa mono norĩ zama.

Daniéu 6:25

Tawamhã apito Dariu ma tô uburé daro mono bâ, duré dapoto mono bâ duré damreme mono bâ 're idamreme zusi mono ma, rob'ui'éré, ãne: “Rowẽ na 're aihâimana za'ra wa'aba mono!

Apocalipsi 5:9

Tawamhã ta norĩ hã te Pone'ẽrebâi ma tinho're za'ra, tinho're itém na. Ãne te tãma tinho're za'ra: “A hã ma tô dasiwi aiwĩrĩ ni. Ma tô dazada hã atâ. Dazada atâ'âzém na ma tô ida'awa'â, dawasédé hã dama 're apari mono da ãma, 'Re ihâimana u'âsi mono nhib'a'uwẽ oto 're danomro mono da. Dapoto mono bâ a hã ma tô ida'awa'â, damreme sipo'o mono bâ 're idahâimana za'ra mono hã. Danhipai u aiwẽ uptabi di, a hã. Aiwaihu'u pese uptabi di duré. Tahawa, te aiwétési sada hã aihâiba, ibaihâ isinhai ré i'âri da hã, duré i'uptobzé hã aprub da.