Daniéu 3:28 - ꞌRe Ihâimana Uꞌâsi Mono Zadawa Wasuꞌu28 Tahawa, te apito hârâ 'rãihâ na tinha ãne: — Sadraqui norĩ te, 'Re ihâimana u'âsi mono ãma ma'ãpé wawata za'ra wa'aba! Ta hã ma tô tite hâiwa ãma romhuri'wa hã we satõ. Ma tô duré tinhib'a'uwẽ norĩ sõ'reptu za'ra, te te sina 're i'umnhasi za'ra mono hã. Ta norĩ hã te ĩsima iwẽ te te ĩma ãma uwaimrami za'ra õ di. Taha wa'rãmi ma tô tidâ'â za'ra zép si sima pisutu za'ra, hi'rãtitõ sisimro õ nhowa're're, duré aimawi ihâiba'õ ãma wata za'ra tõ da. အခန်းကိုကြည့်ပါ။ |
Daniéu 3:28
45 ပူးပေါင်းရင်းမြစ်များ
'Re ihâimana u'âsi mono, asiré 're hâimana za'ra wa'aba mono da si ĩma iwẽ hã, tinhib'a'uwẽ siré. Tahawa, ma'ãpé Zeruzalẽ u ai'aba'réi wa'aba, Uburé Danhib'apito, Izaraéu nhihudu norĩ te 'Re ihâimana u'âsi mono nhorõwa asiwi 'ri wahutu aba da, iwa ãma 're idawata za'ra mono zéb da hã, Zeruzalẽ 're, 're isãmra mono ãma.
Ni'wa, ã hã ĩnhimirob'ruzé te te wapari õ wamhã, wa za dama hâiba 'ru za, isõrõwa hawi wedepo da te iwazere 'rã'wa na da te ãma hâiba 'razâri da hã, duré taha pari ti'a na da te ãma romnhihâtâ haré iré sab da. Tahawa, te za duré isõrõwa hã dasiwi 'morõwĩrĩ ni, isõrõwa siprup si sa'wari 'rãihâ na 're sa'wari mono da.
Romhâiba nho're aihi'rãtitõ tãma 're asimroi wa'aba mono tõ. Ãma 're aiwata za'ra wa'aba mono tõ. E marĩ wa. Wa hã Uburé Danhib'apito, ate wa'wa 'Re ihâimana u'âsi mono. Ĩ'upana aimawi ihâiba'õ norĩ ãma dawata da hã ĩma 'ru ti. Ĩzada 're isiti'rui wairébé za'ra mono norĩ hã, wa te te 're hâ za'ra, isihudu 'ra norĩ hã, duré isihudu 'ra i'ra norĩ u zama, maparane si'uiwa na dapodo ihâimana u hã.
Tawamhã te oto Daniéu ma tinha, ãne: — 'Re ihâimana u'âsi mono ãma, a norĩ wa'wa 're i'aiwata za'ra wa'aba mono hã, sena na te tô uburé ihâiba'õ norĩ nhipai u siptete uptabi na 're hâimana. Uburé ti'ai ãma apito norĩ ma, te duré Danhib'apito uptabi na hã 're hâimana. Tahawa, ĩma waihu'u pese di oto, õhõ si uburé dama iwaihu'u'õ hâi'ré'wa na hã. E marĩ wa. Taha zarina si, a hã ma tô te irosawẽrẽzém na isa'rese'õ na i'uwaibaba na si ãma ĩma isaprĩ na hã ãma i'uwaimra, te waihu'u da hã.
Tahawa apito te duré ãma sadanharĩ za'ra ãne: — E niha bété maparane si'uiwa na aibâ norĩ, pawasisi ãna sima iwẽ na unhama wa'wa 're inomro mono na hã wa 'madâ'â za'ra. Unhama wa'wa hâtoi ãna te sima iwẽ na i'remhã 're nomro. Misi maparane si'uiwa na ãma aibâ te te ihâiba waptob za'ra hã aiwa ihâiba'õ ne hã.
Tawamhã te apito hã tinha ãne: — 7 na oto ĩ'ãma wahu pari, hâiwa u wa hã te rob'madâ'â wamhã, ma tô apâ ĩnhimiza'rese wẽ hã ĩma wi. Tahawa, wa tô uburé danhipai u isiptede 'Re ihâimana u'âsi mono ãma hã ĩwata, dâ'â ãna õne u'â 're ihâimana mono ãma. Tawamhã wa hã wa tinha ãne: “Danhipai u 'Re ihâimana u'âsi mono nhiptetezé hã si'utõrĩ õ di. Duré Danhib'apito na te te 're ida'a'madâ'â mono zé hã si'utõrĩ waihu'u õ di.
Uburé a'uwẽ norĩ, ĩnhimi'madâ'âzéb 're daza'rui mono bâ 're i'aihâimana za'ra wa'aba mono ma, wa aima waihu'u za'ra wa'wa, ãne. Ma'ãpé Daniéu, 'Re ihâimana u'âsi mono ãma 're iwata mono hã asiwi 're wazé aba mono. E marĩ wa, õ hã 'Re ihâimana u'âsi mono idâ'â'õ, õne u'â 're ihâimana mono. Niwamhã duré dama i'rãnho'õmo na isimi'madâ'âzé hã isipru waihu'u õ. Duré niwamhã isiptetezé hã tiwi isi'utõrĩ waihu'u õ.
Tawamhã Zezusi te asa tãma tinha ãne: — Satanasi, mo oto ĩnhiti aimorĩ. 'Re ihâimana u'âsi mono zadawa 'mahârâ'wa, ma tô ãne rob'ui'éré: “Uburé Danhib'apito uptabi ãma si, te za 're aiwata za'ra wa'aba mo, 'Re ihâimana u'âsi mono ãma si. Taha ma si te za 're iromhuri za'ra wa'aba mo, Asib'apito za'ra wa'aba ma si.” Ãne imreme na rob'ui'éré, ibaihâ na hã. — Ãne te rob'ui'éré 'rada hã tãma 'rãzarõtõ Zezusi hã, Satanasihi ma.
Tawamhã Pedru norĩ hã te asa tãma nharĩ za'ra, Zuwãhã me: — E ma hã bété, 'Re ihâimana u'âsi mono ma, iwẽ. E imreme, wa za wapari ni. E aimreme za'ra wa'wa hã, wa za duré bété wapari ni. 'Re ihâimana u'âsi mono mreme si, wa za wapari ni. Ma'ãpé, asima ãma rosa'rata za'ra wa'aba, waihu'u za'ra wa'aba da. Wa norĩ hã wa za wa te dama 're rowasu'u u'âsi za'ra, uburé wa te 're i'madâ'â za'ra mono zém na hã, wa te 're iwapari za'ra mono zém na zama. Wa te dawi 're udâ waihu'u za'ra mono õ di za.
Ĩsisãnawã norĩ, 'Re ihâimana u'âsi mono hã e wa'ãma 're pẽ'ẽzé mono õ di, wa'ãma 're isiwãrĩ mono zéb da hã. Wa'ãma 're ipẽ'ẽzé mono zé hã, tãma sa'ẽtẽ uptabi di. Tahawa, wa za oto aima roti pese za'ra wa'wa, ãne na hã. 'Re ihâimana u'âsi mono ma si, te za 're asisõmri u'âsi za'ra wa'aba mo, tiwi 're asisawi za'ra wa'aba mono ãna. Taha ma si, te za aiwẽ uptabi na tãma 're aihâimana za'ra wa'aba mo, te te 're ai'madâ'â wẽ u'âsi za'ra wa'aba mono da. Ãhã zarina, ãma 're anomro wẽ u'âsi aba mono wamhã, taha si tô sena, ãma 're i'aiwata za'ra wa'aba mono zé hã.
Duré uburé ĩnhibro hã isibrob'õ norĩ ma, te tãma 're anhomri mono nherẽ, ĩnhimizawi pese zé hã ĩma 're ihâimana mono zarinai õ wamhã, aré tô tarére hã, dama ãma 're ĩnhoprub mono zé hã. Duré isazei'wa 're ĩhâimana mono wa, da te 're ĩ'ruiwapari mono zéb zarina, da te dasiwi ĩzata da, duré dawi ĩsihâiba zawi õ nherẽ, tane nherẽ, aré duré tarére, ĩnhimi'manharĩ wẽ zé hã, ĩnhimizawi pese zé ĩma 're hâimana mono õ wamhã.
Tahawa, wa tô wa hã ĩpẽ'ẽ 're, 're ĩsi'madâ'â pese, niwamhã ĩnhimiromhuri na 'Re ihâimana u'âsi mono ma, te ãma 're i'uwaimrami mono zém na ĩzô 're robaba tõ mono da, õne u'âsi ĩpahi ãna te tãma 're romhuri u'âsi mono da, ãhã na zama. Ãne wa, wa 'râwi te ĩsima 're 'ruiwapari u'âsi. Ãne na tô sena ãma 're ĩhâimana mono zém na da te 're ĩwaihu'u za'ra mono wamhã, te za Cristuhu ãma si 're dawata za'ra, ĩhâiba ré, ãma 're ĩhâimana mono na hã, duré ãté ĩdâ'â da nherẽ, ãma 're ĩhâimana u'âsi mono na zama.
E niha tawamhã, hâiwa ãma romhuri'wa norĩ 're ihâimana za'ra mono zé hã. Ta norĩ hã ihâiba'õ, 'Re ihâimana u'âsi mono ma, romhuri'wa norĩ. Ta norĩ si ma tô 'Re ihâimana u'âsi mono hã te te 're satõrĩ za'ra ti'ai u, za te te isõ'reptu za'ra norĩ hã te te 're pawaptob za'ra mono da, ti'ab ré. Taha na si, ta norĩ nhimiromhurizé hã te tãma 're hâimana za'ra.
Ni'wam norĩ hã ma tô duré ẽtẽ tõmo wawẽ na da te 're simro. Ni'wam norĩ hã ma tô duré iwãiwa ãma 're dasiwã za'ra, wede'ézém na ne. Sib'ézé 'wapa na ma tô duré da te 're simro. Pone'ẽrebâi hâ na si ma tô duré ni'wam norĩ hã 're si'uza za'ra. Sibrob ãna ma tô duré ta norĩ hã 're hâimana za'ra. Danhimirob'manharĩ wasété na ma tô duré ni'wam norĩ hã te te 're robzépata za'ra, da te 're 'ruiwapari za'ra mono wa. Ãne 'Re ihâimana u'âsi mono si te te sina 're i'umnhasi za'ra mono norĩ wasu'u 'rãzarõno hã.
Pone'ẽrebâ hã dazada idâ'âzéb zarina, ma tô wasiré isazei'wa norĩ hã ãma ai'uté za'ra, Satanasihi ãma. Iwasu'uwẽ hã sena na te te dama 're isadawa wasu'u za'ra mono zém na zama, ma tô ãma ai'uté za'ra. Duré da te 're 'ruiwapari za'ra mono wa, dawi 're sihâiba zawi za'ra mono õ di, 're dâ'â tõ za'ra mono da. Tahawa, 'Re ihâimana u'âsi mono wi sipizari ãna, ma tô duré Satanasihi ãma ai'uté za'ra.
ကြော်ငြာတွေ