Daniéu 3:27 - ꞌRe Ihâimana Uꞌâsi Mono Zadawa Wasuꞌu

²⁷ ma tô uburé dama ipire õme ihâimana za'ra 'râwi itẽme isihutu norĩ hã 'madâ'â za'ra, unhama ro niha te te ihâiba wamnarĩ za'ra õ na hã. Tawamhã duré unhama ro hã te te séré hõmo za'ra õ di. I'uza za'ra te te duré tiwi hâzata za'ra õ di. Duré hâiba uzé za'ra õ di, unhama nhizédé na hã.

Daniéu 3:27 ပူးပေါင်းရင်းမြစ်များ

Daniéu 3:21

Tawamhã aibâ si'ubdatõ ipréduptém norĩ, i'uza hâpa ré, isi'ubuzéb ré, i'rãzaza za'ra ré, duré uburé aimawi na isi'uza za'ra ré ma tô pawasisi za'ra ni, unhama ro'o wa'wa 'ri're wa'wa 're, da te dasiwi sãmra da hã.

Daniéu 6:23

Tawamhã apito, to za'ẽtẽ uptabi wa, ma tô Daniéu ab're hawi da te dasiwi wazere da, dama ti'ru. Tawamhã da te oto dasiwi wazere wamhã, ma tô 'madâ'â za'ra ni, hu'u zérépa marĩ ihâiba na te te ãma i'manharĩ za'ra õ na hã, 'Re ihâimana u'âsi mono si te te sina 're umnhasi mono wa.

Daniéu 6:7

Uburé wa norĩ, dama i'rãnho'õmo norĩ hã, 'ri nho'õmo 're, dama ipire norĩ hã, daza'rui wa'õtõ mono bâ dama i'rãnho'õmo norĩ hã, duré uburé aimawi dama ipire norĩ hã wasi'rã'õtõ wamhã, wa tô ãma wasisaze za'ra ni, asimiroti itede i'manharĩ da hã, wa te aiwi waptẽrẽ za'ra da, ãma idanhimipari prédu, i'ru zahi hã. Tahawa, te za a hã dama iwaihu, 30 bâtâ 'remhã aiwi si, da te 're rowaptẽrẽ za'ra mono da. Tawamhã taha ré ni'wam norĩ, marĩ siwa'ru ihâiba'õ norĩ wi, duré siwa'ru dawi te te 're rowaptẽrẽ za'ra mono wamhã, te za hu'u zérépa ma, ab're 'remhã dasiwi sãmra ni.

Mateu 10:30

Tane duré, aséré za'rata aba zama, tãma waihu'u pese di, 'Re ihâimana u'âsi mono ma hã. Simi'madâ'â pese uptabi di.

Zezusihi zadawa wasuꞌuꞌwa norĩ nhimiromhuri na robꞌuiꞌéré 26:26

Tawamhã apito Agripaha ma, te duré tinha, ãne: — Apito Agripa, Zezusi hã ti'ai ãma 're morĩ ré hã uburé marĩ hã tãma 're iromhâimana mono zém na hã aima waihu'u pese di, idâ'âzém na hã duré ihâiwa'utuzém na zama. Da'ahâ na ma tô ãma 're danhopré. Tahawa, apito Agripa, a zama ma tô iwaihu, uburé Zezusihi wasu'u hã te aima iwasu'u hã. Tahawa, sena na, wa aima ĩsiwasu'u ĩpahi ãna, waihu'u da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 27:34

Ãhã na wa za aima waihu'u za'ra wa'wa, asaihuri aba da oto, asiptete sina aihâimana za'ra wa'aba da. Ni'wa hã dâ'â õ uptabi di za. Aihĩni te za aihâiba ré aiwairébé 'wa.

Hebreu 11:34

Ta norĩ hã ma tô duré unhama ro'o za'ẽne hã te te 're simro, siwi. Ma tô duré dawi 're sisõ'reptu za'ra, sib'ézé 'wapa na da te 're simroi mono da nherẽ. Sib'uware na 're hâimana za'ra mono nherẽ, 'Re ihâimana u'âsi mono nhimipawaptobzém na ma tô siptete na dazada 're hâimana za'ra. Siptete uptabi na te te 're da'wapé za'ra mono wa, ma tô ta norĩ hã tizahui'wa norĩ hã te te 're wano'õ apâ, darob amoi hawi te te 're idazahu za'ra mono norĩ hã.