Daniéu 3:26 - ꞌRe Ihâimana Uꞌâsi Mono Zadawa Wasuꞌu

²⁶ Tawamhã apito, unhama ré hã 'ri're wa'wa 'ridawa u 'râwi wisi wamhã, ma tô hârâ 'rãihâ na 'mahârâ za'ra ãne: — Sadraqui, Mezaqui, Abide-Negu, 'Re ihâimana u'âsi mono danhipai u isiptete nhib'a'uwẽ norĩ, we aiwairébé aba ãwa! Tawamhã si'ubdatõ aibâ norĩ, unhama wa'wa hawi ma tô oto wairé. Wairébé wamhã,

Daniéu 3:26 ပူးပေါင်းရင်းမြစ်များ

Zenezi 14:18

Tawamhã Mequizédéqui, Salẽ na 'ri nho'õmo nhisi ãma apito, duré Danhipai u pese 'Re ihâimana u'âsi mono te, sasedoti na 're ihâimana mono hã ma tô i'u'ẽtẽ wapu norĩ, uwa 'rãi wa'u isé me hã tãma mrami zahuré.

Esdra 5:11

Tahawa, ma tô asa ãma wazada'âbâ za'ra ãne: ‘Wa norĩ hã, 'Re ihâimana u'âsi mono hâiwa 'manharĩ'wa ti'ai 'manharĩ'wa nhib'a'uwẽ, wa 're wahâimana za'ra. Wa norĩ hã wa oto 'Re ihâimana u'âsi mono nhorõwa 'ri hã wasiwi wahutu ni, duréi Izaraéu nhihudu norĩ nhib'apito isa'ẽne te te aré i'ri nharĩ hã.

Daniéu 2:47

Tawamhã te oto Daniéu ma tinha, ãne: — 'Re ihâimana u'âsi mono ãma, a norĩ wa'wa 're i'aiwata za'ra wa'aba mono hã, sena na te tô uburé ihâiba'õ norĩ nhipai u siptete uptabi na 're hâimana. Uburé ti'ai ãma apito norĩ ma, te duré Danhib'apito uptabi na hã 're hâimana. Tahawa, ĩma waihu'u pese di oto, õhõ si uburé dama iwaihu'u'õ hâi'ré'wa na hã. E marĩ wa. Taha zarina si, a hã ma tô te irosawẽrẽzém na isa'rese'õ na i'uwaibaba na si ãma ĩma isaprĩ na hã ãma i'uwaimra, te waihu'u da hã.

Daniéu 3:17

'Ri're wa'wa 're, unhama ro'o u, da te wanhamra wamhã, 'Re ihâimana u'âsi mono ãma 're iwawata za'ra mono ma hã waihu'u pese di, unhama ro'o wi te te iwazani za'ra da hã, duré wama irob'manharĩ za'ra zém hawi te te iwanho'reptu za'ra da hã.

Daniéu 4:2

Wa tô ĩsima wẽ, 'Re ihâimana u'âsi mono danhipai u isiptete uptabi, marĩ dama i'manharĩ waihu'u'õ iwẽ uptabi te te ĩma ihâi'rézé hã uburé waihu'u za'ra wa'aba da.

Daniéu 6:20

Tawamhã ab're u te te sina rotété wamhã, ma tô te te ãma robzépata wa, mreme zei ãna 'mahâ ãne: — Daniéu, 'Re ihâimana u'âsi mono idâ'â'õ nhib'a'uwẽ! E 'Re ihâimana u'âsi mono, a hã ãma 're i'aihâimana mono hã, duré õne u'â tãma 're i'asisõmri mono hã, ma tô hu'u zérépa norĩ wi te te i'asõ'reptu da hã ãma aima uwaimra.

Daniéu 6:21

Tawamhã Daniéu, ma te asa sada'â ãne: — Apito, 're aihâimana u'âsi mono da si, iwẽ hã!

Daniéu 7:25

Ta hã te za uburé danhipai u Isiptede 'Re ihâimana u'âsi mono zada hã 're hâimana. Te za duré isib'a'uwẽ norĩ ma hã te te 're arob'manharĩ wasété. Duré te za 'Re ihâimana u'âsi mono nhimiroti na duré isib'a'uwẽ nhibâtâ norĩ na te te ãma tiwi saprĩ za'ra da hã, te te 're pibui u'âsi za'ra, Te za duré si'ubdatõ wahu aiwa ãma isipo'o na 'Re ihâimana u'âsi mono nhib'a'uwẽ norĩ isib'ratamhã a'â tihâimana za'ra.

Zezusihi zadawa wasuꞌuꞌwa norĩ nhimiromhuri na robꞌuiꞌéré 16:17

Tawamhã azarudu hã ma tô Pauluhu zarina, duré wazarina zama hã mo. Mreme 'rãihâ na te nasi te te wa'mahârâ za'ra, ãne: — Õ hã aibâ norĩ hã, 'Re ihâimana u'âsi mono ma romhuri'wa norĩ, iwaihu'u pese uptabi ma romhuri'wa za'ra. Niha te za aima waihu'u za'ra wa'wa, asisõ'reptu za'ra wa'aba zéb da na hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 16:37

Tawamhã te Paulu hã asa tãma nharĩ za'ra, ãne damrami'wa norĩ ma: — Marĩ hã wa te 'manharĩ wasété õ nherẽ, ma tô dama wa'ru, danho'a da te 're wapré'é mono da, wa norĩ hã romanu norĩ siré nherẽ. Ma tô wamrami ni, dazazéb 're, wasima'wara da. Tawamhã e pi'uriwi te za wazatõrĩ za'ra. Mare di. Apito norĩ hã te za wei wazô ai'aba'ré, si'uihâ na danho'a te te siwi wazani da, waneb da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 27:23

Wa hã, 'Re ihâimana u'âsi mono nhib'a'uwẽ, te tãma 're iromhuri u'âsi mono hã. Bara na, hâiwa ãma tãma iromhuri'wa hã ma tô we ĩtẽme wi.

Galata 1:10

E ĩnhimiroti na ĩ'ãma 're idawata za'ra mono zéb zô, wa ĩsina 're ĩnhimipari. Mare di. 'Re ihâimana u'âsi mono si ĩ'ãma 're iwata mono zéb zô si, wa ĩsina 're ĩnhimipari. Ti'ai ãma ĩ'ãma 're dawata za'ra mono da, 'râwi ĩsi'uihâ na te ĩsina 're rosa'rata mono 'wa'âhã, Zezu Cristuhu ma romhuri'wa, 're ĩhâimana mono õ di aré.

Zozué 3:17

Izaraéu nhihudu norĩ hã ti'ai 'ré te te iwati'i za'ra na ma tô saprĩ za'ra. Taha ré, ma tô sasedoti norĩ 'Re ihâimana u'âsi mono nhimiroti ré wedehâ're 'manharĩ te te siwi i'âri hã rob'ré wa iré mazahâri za'ra Zodã pa â wa'wamhã. Tahawa, ma tô a'â tamem haré aimasa, uburé da te ãma isaprĩ za'ra zéb u.

Zozué 4:10

Tahawa, sasedoti norĩ hã ma tô Zodã pa â wa'wamhã mazahâri za'ra, Uburé Danhib'apito hã, Zozuéhé ma te te iwaihu'uzéb zarina a'uwẽ norĩ hã uburé te te i'manharĩ za'ra zéb u, Mozésihi ma rotizéb zarina. Tawamhã a'uwẽ norĩ â na ma tô sa'ẽtẽ saprĩ za'ra.

Apocalipsi 19:5

Tawamhã danhib'apito simasisizém hawi te ni'wa hã tinha, ãne: — Ma'ãpé, Wanhib'apito 'Re ihâimana u'âsi mono ãma si 're aiwata u'âsi za'ra wa'aba mono, uburé isib'a'uwẽ norĩ hã, duré dama aipire za'ra wa'aba norĩ hã, duré dama aiwapu na 're i'aihâimana za'ra wa'aba norĩ hã, duré uburé 'Re ihâimana u'âsi mono 're ihâimana wazéb za'ra wa'aba mono norĩ zama hã.