Daniéu 3:2 - ꞌRe Ihâimana Uꞌâsi Mono Zadawa Wasuꞌu

² Taha pari ma tô dama i'rãnho'õmo norĩ ma, 'ri nho'õmo 're, dama ipire norĩ ma, daza'rui wa'õtõ mono bâ dama i'rãnho'õmo norĩ ma, te te da'ãma 're irowairébé za'ra mono norĩ ma, rob'uiprazé ubumroi'wa norĩ ma, damrami'wa 'madâ'â'wa norĩ ma, dama roti'wa norĩ ma, duré uburé aimawi dama ipire norĩ ma, ma tô tãma waihu'u za'ra, ropoto saiwĩrĩ u hã sitẽme sitob da.

Daniéu 3:2 ပူးပေါင်းရင်းမြစ်များ

Provébiu 29:12

Dama i'rãnho'u dazadawa nhipese na romreme te te 're wapari za'ra mono wamhã, te za uburé ipa'upari'wa norĩ hã tiwasété za'ra.

Daniéu 3:27

ma tô uburé dama ipire õme ihâimana za'ra 'râwi itẽme isihutu norĩ hã 'madâ'â za'ra, unhama ro niha te te ihâiba wamnarĩ za'ra õ na hã. Tawamhã duré unhama ro hã te te séré hõmo za'ra õ di. I'uza za'ra te te duré tiwi hâzata za'ra õ di. Duré hâiba uzé za'ra õ di, unhama nhizédé na hã.

Daniéu 3:3

Tahawa, ma tô uburé ta norĩ sitẽme isitom norĩ hã ropoto nho're hâiwimhã aimasa para na, ropoto saiwĩrĩ ãma hã.

Apocalipsi 17:2

Aibâ hã pi'õi hâimana wasété na 're ihâimana wasété mono ne, ma tô daro mono bâ danhib'apito norĩ dama ipire za'ra hã Babilonia ãma 're idahâimana wasété za'ra mono norĩ siré 're wasété uptabi za'ra. Âzé nhipãrĩ para da'uihâ idi'iti zarina, da te 're irobzanhamri za'ra mono ne, ma tô daro mono bâ Babilonia ãma 're idahâimana wasété za'ra mono norĩ siré, 're dahâimana to za'ra, dawasété na hã. Pi'õ iwasédé hã timro upana aibâ aimawi zô si, te te 're irowasutu mono hã, Babilonia ãma 're idahâimana za'ra mono norĩ marĩ iwasété zô si da te dasima 're irob'ruiwapari za'ra mono, te wasu'u.

Zuize 16:23

Tawamhã filisteu dama i'rãnho'õmo norĩ hã ma tô si'rã'õtõ, dato isa'ẽne te te siwi 'manharĩ da, duré tite Dagõ na ihâiba'õ nhisi ma danhimizama zata na tãma sõprub za'ra da. Tawamhã ta norĩ hã ma tô tinho're za'ra ãne: “Wate za'ra ihâiba'õ, ma tô wanhitob'ru Sãsã hã wanhib'rata wama sõmri za'ra!”