Daniéu 3:13 - ꞌRe Ihâimana Uꞌâsi Mono Zadawa Wasuꞌu

¹³ Tawamhã Nabucodonozo ãne hã te te wapari wa, ma tô ab'rui pese. Tahawa, ma tô 'ru za'ra, sô dahãsi da hã, Sadraqui norĩ zô, Mezaqui, Abide-Negu. Tahawa, apito hâimanazéb u ma tô da te dasiwi simro.

Daniéu 3:13 ပူးပေါင်းရင်းမြစ်များ

Zenezi 4:5

Tane nherẽ, Caĩhĩ nhibzari si te te wẽsãmri õ di. Ma tô wẽ'õ. Tahawa, ma tô Caĩ ab'rui pese. Duré ma tô ti'ubu zei'õ pese.

Provébiu 17:12

Robzahi ursu wi, i'ra da te tiwi 're iwaibui mono, da te 're sõpẽtẽ za'ra mono wamhã, pipa di. Tane nherẽ, isimiza'rese'õ tihâimana nhimiza'rese'õ zarina marĩ te te 're 'manharĩ mono ré, da te ãma 're sõpẽtẽ mono wamhã, taha si ipipa uptabi hã.

Provébiu 27:3

Ẽtẽ norĩ, supara me hã pire uptabi zahuré di. Tane nherẽ, isimiza'rese'õ norĩ nhimirob'manharĩ wasété zarina ro'wa'rutuzé hã pire uptabi di, isipai u zahuré.

Provébiu 29:22

I'rãi wa'ro su'u norĩ hã te za damreme na dasi'wapé hã te te 're poto za'ra, duré ro'wa'rutu zama.

Daniéu 1:7

Tawamhã Apenasi ma tô isisi amo na hã sisi za'ra ãne, Béutésaza, Sadraqui, Mezaqui, duré Abide-Negu.

Daniéu 2:12

Ãne hã te te tãma waihu'u za'ra wa, ma tô apito hã sada ab'rui pese za'ra. Tahawa, ma tô uburé rowaihu'u pese 'wa Babilonia ãma 're ihâimana za'ra mono norĩ, da te uprosi da dama 'ru za'ra.

Daniéu 3:19

Tawamhã Nabucodonozo ãne te te wapari wamhã, ma tô, si'ubdatõ aibâ ipréduptém norĩ zada hã ab'rui pese. Sada sahi za'ra wa, ma siwapré nhizuri pese. Tahawa, ma tô unhama ro'o na 'ri're wa'wa hã, da te sada wa'ro pese za'ra da hã dama ti'ru, 7 na ãma isahuzém na da te 're iwa'ro u'âsi za'ra mono zém nhipai u.

Mateu 10:18

Duré ĩ'ãma si 're anomro aba mono wa, te za dama ipire norĩ u da te 're asimroi wa'wa, zudeu'õ norĩ nhib'apito norĩ u, te te 're aiwaihu'u za'ra wa'aba mono zéb zarina, te te siwi 're aiwẽ'õ za'ra wa'aba mono da. Taha ré, isõ're 're aimasa aba mono ré, te za õ norĩ ma hã ĩwasu'uwẽ na, duré isib'a'uwẽ norĩ ma zama hã tãma 're irowasu'u za'ra wa'aba mo za.

Marcu 13:9

— Ma'ãpé, aihâimana nhimiza'rese, 're aihâimana za'ra wa'aba mono za. Niwapsi te za a norĩ wa'wa hã da te 're aipawasisi za'ra wa'wa, roti'wa norĩ u, da te 're asimroi wa'aba mono da. Tawamhã ta norĩ zadawa para, te za rowahutuzéb ãma da te 're aihâ za'ra wa'wa, romhâ nhorõ 'manharĩ na. Ĩzazei'wa 're anomro aba mono wa, te za da te 're asimroi wa'wa, dama ipire norĩ u, duré danhib'apito norĩ u zama. Ãne wamhã, te za tãma 're irowasu'u za'ra wa'aba mo, ĩzazei'wa 're anomro aba mono na.

Luca 21:12

— Ãne na romhâimana õ ré, te za da te 're aiwaibui wa'wa. Rowasédé hã te za duré da te aima 're 'manharĩ za'ra wa'wa. Rowahutuzéb u, te za da te 're ai'mazasi za'ra wa'wa, aihâimanazém na da te 're aiwaihu'u za'ra wa'aba mono da. Tahawa, te za taré da te 're aiwẽ'õ za'ra wa'wa. Taha pari, te za da te 're aséme 'wa, dazazéb 're, 're aimasa wa'aba mono da. Ĩzazei'wa 're anomro aba mono 'ru te, te za duré da te 're asimroi wa'wa, danhib'apito norĩ u. Roti'wa, si'upana te te ipisutu norĩ u zama, te za da te 're asimroi wa'wa.

Luca 6:11

Tawamhã rowahutu'wa norĩ hã ma tô sada tizahi za'ra, Zezusihi zada. Tawamhã te sima rosa'rata za'ra, marĩ hã te te tãma 'manharĩ za'ra da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 24:24

Bâdâ hã siwaptom na ãma ne pari, ma tô apito Peresi hã Pauluhu zô hâ, timro me, Durusiraha me. Durusira hã, zudeu. Tawamhã Cristu Zezusi hã da te dasina 're i'umnhasi za'ra mono zém na ma tô Paulu hã tãma rowasu'u zahuré. Apito Peresi hã ma tô isimirowasu'u hã wapari pese.