Daniéu 3:12 - ꞌRe Ihâimana Uꞌâsi Mono Zadawa Wasuꞌu

¹² Ãne nherẽ, ni'wam norĩ zudeu Babilonia daza'rui wa'õtõ 're, rob'madâ'â'wa na dama 're hâimana za'ra mono da, a hã ipisutu za'ra hã, Sadraqui norĩ, Mezaqui, Abide-Negu, ta norĩ hã asimiroti na hã te te siwi aiwazéb õ di. Ate ihâiba'õ ãma, duré ropodo ẽtẽ waipo pré oru na da te dasiwi 'manharĩ da, i'rui ãma dame ãma wata za'ra õ di.

Daniéu 3:12 ပူးပေါင်းရင်းမြစ်များ

Provébiu 27:4

Danhiti'ru hã, da'ãma dasiba'õzé, te 're hâimana. Dahâimana wẽ uprosi'wa, te duré 're hâimana. Tane nherẽ, marĩ na da te 're ida'ruiwapari za'ra mono zé hã wasété uptabi di, isipai u.

Daniéu 1:7

Tawamhã Apenasi ma tô isisi amo na hã sisi za'ra ãne, Béutésaza, Sadraqui, Mezaqui, duré Abide-Negu.

Daniéu 2:48

Tawamhã apito ma tô Daniéu danhipai u pire na danhib'ihâ'a na 're hâimana mono da hã pisutu oto. Ma tô duré ãma tãma tinhopru, marĩ iwa'âbâ za'ẽtẽ norĩ na hã. Ma tô duré Babilonia ãma daza'rui wa'õno ihâimana ãma dama i'rãnho'õmo na 're hâimana mono da hã, duré uburé rowaihu'u pese 'wa norĩ nhib'ihâ'a na 're hâimana mono da hã pisutu, ti'ai wa'õtõ nho'õmo 'remhã.

Daniéu 2:49

Tawamhã Daniéu te te iwaptẽrẽ zarina, ma tô apito hã pisutu za'ra Sadraqui norĩ hã, Mezaqui, Abide-Negu, Babilonia ãma daza'rui wa'õno ihâimana ãma rob'madâ'â'wa na dama 're hâimana za'ra mono da hã. Tane nherẽ, Daniéu si te apito nhorõwa 'ri 'rãihâ 'remhã te te 're romhuri u'âsi.

Daniéu 3:11

Ni'wa hã ãne na roti te te wapari õ wamhã, te za 'ri're wa'wa unhama ro'o u dasiwi me ni.”

Daniéu 3:16

Tawamhã ãne ma te Sadraqui, Mezaqui, Abide-Negu norĩ hã ãma sada'âbâ za'ra: — Apito, wa norĩ hã wamreme na wasimapa za'ra dai õ di.

Daniéu 3:29

Tahawa, wa za roti ipire na hã 'manha, siwa'ru a'uwẽ norĩ hã dapoto mono bâ, daro mono bâ duré damreme mono bâ 're idamreme zusi mono hã ni'wa hã Sadraqui norĩ te, Mezaqui, Abide-Negu, 'Re ihâimana u'âsi mono nhisi na te te nharĩ wasété wamhã, da te sihâri mono da, duré za isõrõwa da te tiwi prub da. E marĩ wa. Aimawi ihâiba'õ hã 'maihâimana õ wa, 'Re ihâimana u'âsi mono sine hã, ã norĩ te te isõ'reptu za'ra ne hã.

Daniéu 3:30

Tawamhã apito Nabucodonozo, si'ubdatõ aibâ ipréduptém norĩ hã ma tô pisutu za'ra, Babilonia daza'rui wa'õtõ ãma romhuri ipire na te te tô duré 're romhuri za'ra mono da hã, te te aré ãma 're iromhuri za'ra mono zém nhipai u.

Daniéu 6:13

Tahawa, ta norĩ hã te duré tãma nharĩ za'ra ãne, apito ma hã: — Tane nherẽ, Daniéu, Zuda ti'ai hawi wa te da'ãma ai'uté wa, dasiré da te we dasiwi isaprõni hã, ta hã asimiroti nhiptede i'manharĩzém na hã te te aiwazéb õ di. Tãma hã tarére. Õne haré te 'Re ihâimana u'âsi mono ma, awẽ sidâpâsi 're mreme, misi bâtâ 'remhã si'ubdatõ na ãma isahu na.

Daniéu 6:14

Tawamhã ãne hã apito te te wapari wamhã, ma tô tiwi tirobzei'õ pese. Tiwi robzei'õ pese wa, ma tô aré sima rosa'rata, Daniéu te te sõ'reptu da. Tô taha bâtâ na, bâdâ isébrézéb u, ma tô niha hã nasi sima pibu, te te sõ'reptu da hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 17:7

Zasã hã ma tô tinhorõwa u 'mazasi zahuré, i'rata simasisi zahuré da a'â. Roma ãma danhib'apito nhimiroti wa'rãmi, te 're hâimana za'ra. Ãne te wama nharĩ za'ra: “Zezusi hã, taha si danhib'apito uptabi hã.”

Zezusihi zadawa wasuꞌuꞌwa norĩ nhimiromhuri na robꞌuiꞌéré 5:28

— Wa tô aré aiwi sawi za'ra wa'aba ni, Zezusihi nhimiroti na dama 're rowahutu tõ za'ra wa'aba mono da. Tazahã dama 're wasu'u za'ra wa'aba mono wa, iwasu'u hã ma tô te te ropé 'ri pâ, ãme Zeruzalẽ ãma hã. Tahawa, ma tô da te dasima 're wawasu'u za'ra. Wa norĩ hã, u, Zezusihi wĩrĩ'wa.