Daniéu 3:10 - ꞌRe Ihâimana Uꞌâsi Mono Zadawa Wasuꞌu

¹⁰ A hã ma tô ãne irowaihu'u mo: “Danhimnhihârâzém hârâ duré rowamremezép ta hã wapari za'ra wa'aba wamhã, te za uburé pese aihi'rãtitõ tãma asimroi wa'wa, ropodo ẽtẽ waipo pré oru na i'manharĩ ãma aiwata za'ra wa'aba da hã.

Daniéu 3:10 ပူးပေါင်းရင်းမြစ်များ

Salmu 94:20

A hã, senai'õ na da'ãma rowairébé'wa norĩ hã 're awẽsãmri mono õ di. Ta norĩ hã te senai'õ na roti zarina te te dawi 're rowamnarĩ za'ra ãma.

Ezodu 1:16

— Izaraéu nhihudu norĩ iwasã ãma 're sépu'u za'ra mono wamhã, ãne te za tãma 're i'arob'manharĩ aba mo: Ai'uté 'watébrémi na tãma 're poto za'ra mono wamhã, te za 're i'mapãrĩ aba mo za. Pi'õ na tãma 're poto za'ra mono wamhã, 're 'mapãrĩ aba mono õ di za.

Ezodu 1:22

Tahawa, apito Fara'o tinhib'a'uwẽ norĩ ma, ma tô ãne tãma roti za'ra: — Ma'ãpé asiwi ĩwapari aba! Izaraéu nhihudu norĩ 'watébrémi na 're poto za'ra mono wamhã, te za â 're isãmra aba mo, Nilu na pa nho'õmo nhisi ãma. Tane nherẽ, pi'õ na 're ipoto za'ra mono si, te za wẽ na 're prédub za'ra za.

Daniéu 3:11

Ni'wa hã ãne na roti te te wapari õ wamhã, te za 'ri're wa'wa unhama ro'o u dasiwi me ni.”

Daniéu 3:15

E tawamhã te za oto ãhã na hã aihi'rãtitõ tãma asimroi wa'wa, ropoto ãma aiwata za'ra wa'aba da hã, danhimnhihârâzé hârâ hã duré rowamremezép ta hã sãna'rata wi. Mare wamhã, tô awa'awi te za unhama ro'o u hã dasiwi asãmra aba ni. E 'wa hã ihâiba'õ 're hâimana mono bâ, te te i'asõ'reptu za'ra wa'aba da hã.

Daniéu 6:12

Tawamhã apito tinhimiroti te te iwaihu'uzém na te te tãma nharĩ za'ra da hã, ma tô oto ai'aba'ré. Tahawa, te tãma nharĩ za'ra ãne: — Apito, asimiroti nhiptede iwaihu'uzém na i'asisihâtâzém na hã ma tô dawi isawi, 30 bâtâ 'remhã ni'wa hã, siwa'ru ihâiba'õ norĩ wi duré siwa'ru dawi, da te 're rowaptẽrẽ za'ra mono tõ da, duré aiwi si da te 're rowaptẽrẽ za'ra mono da. Tawamhã asimiroti 'manharĩzém na ma tô duré ipisu, ni'wa asimiroti te te wapari õ wamhã, za hu'u zérépa ma, da te dasiwi ime na hã, ab're 're. Ãne na hã, e senai õ di bété, i'asisihâtâzé hã. Tawamhã apito asa ma te ãma sada'âbâ za'ra ãne: — Ĩhe sena tô roti hã. Tahawa, te za tô da te 're wapari pese za'ra. Duré Média norĩ nhimiroti 'manharĩzéb zarina Persa norĩ me da te ipari da hã mare di tô.

Zuwã 11:57

E marĩ wa. Zezusihi ãma te dama roti za'ra aré, dama ipire norĩ hã: — Ma'ãpé nimame isãmra na 'mai'madâ'â aba wamhã, wei wama wasu'u za'ra wa'aba za, wa te waihu'u za'ra da. Te te siwi âri da, ma tô ãne dama ãma nharĩ za'ra.