Daniéu 2:45 - ꞌRe Ihâimana Uꞌâsi Mono Zadawa Wasuꞌu

⁴⁵ Ãne te te iwasu'u hã, ẽtẽ tõmo wawẽ, da te rési õ nherẽ, ẽtẽ nhisi hawi waptã'ã ré i'madâ hã, isi'uwazi tede ferru 'manharĩ na, brõzi na, prata na, zé'a na, duré oru na ropodo te te ipru pe. 'Re ihâimana u'âsi mono ma tô aima hâi'ré, za marĩ apto'oré iwatobrozé. Ãne irosawẽrẽzé hã. Duré ãne te aima ãma isaprĩzé hã i'uwaibaba na si wa aima wasu'u.

Daniéu 2:45 ပူးပေါင်းရင်းမြစ်များ

Zenezi 41:26

Powawẽ iwẽ ihâipe, 7 na ihâiba hã te 7 na wahu hã wasu'u. Duré 7 na amnho te hawi iteihi mono bâ i'rã iwairébé, i'rã iwẽ uptabi isu wawẽ isurudu hã, aiwa te tô 7 na wahu hã wasu'u zahuré.

Zenezi 41:28

I'uwaibaba na wa tô ĩmreme na hã ãma aima rowasu'u. 'Re ihâimana u'âsi mono, ma tô marĩ za te te i'manharĩzé hã aima hâi'ré siro, apito.

Zenezi 41:32

Asimirosawẽrẽ na ãma isahu hã, 'Re ihâimana u'âsi mono, za marĩ te te i'manharĩ su'u da, te te sima irowairébézé, te wasu'u.

Neemia 4:14

Tawamhã idahâtâ'â za'ra na hã wa tô da'a'madâ. Tahawa wa tô dama ipire norĩ ma, duré dama roti'wa norĩ ma nharĩ za'ra ãne: — Ma'ãpé wanhitob'ru norĩ ma hã aipahi za'ra wa'aba tõ. Ãma aipo're pu'u za'ra wa'aba, Uburé Danhib'apito iwaihu'u pese ãma, dapahi te te dama 're i'azani u'âsi mono ãma. Ãhã wa, te za asisãnawã norĩ na, ai'ra norĩ na, aimro norĩ na duré asõrõwa aba norĩ na i'wapé za'ra wa'wa, wanhitob'ru norĩ hã.

Neemia 9:32

“Tahawa, wate 'Re ihâimana u'âsi mono, i'asa'ẽtẽ uptabi, i'asiptete uptabi, asina 're ida'apahi zani mono, asimiropisutu zahi na dama 're i'a'uwaimrami mono, duré da'ãma 're i'aiwamri pese mono, ma'ãpé taré wa'ãma airĩtĩ pese za'ra tõ, robzépada wanhisiwi iwaptã'ã za'ra zém na hã, wanhib'apito nhisiwi, wama i'rãnho'õmo za'ra nhisiwi, wate sasedoti norĩ nhisiwi, wama asadawa 'mahârâ'wa norĩ nhisiwi, wahi'rata norĩ nhisiwi, duré uburé asib'a'uwẽ nhisiwi, 're ihâimana mono zém na hã, Asiria ãma apito wazada 're ihâimana za'ra mono zém hawi, ãhã bâtâ u hã!

Salmu 2:9

Tawamhã isi'uwazi waré na te za ta norĩ hã 're i'anhi'ẽi'rare mo, zé'a na ub'rẽ da te 're iprub za'ra mono ne.’ ”

Daniéu 2:24

Tawamhã Daniéu ma tô Arioqui, apito 'madâ'â'wa norĩ nhib'ihâ'a zô rĩtĩ mono da hã mo, Babilonia ãma uburé rowaihu'u pese 'wa norĩ te te uprosi da, romreme te te i'âri zô hã. Ãhã wa, ma tô Daniéu hã tãma tinha ãne: — Arioqui, rowaihu'u pese 'wa norĩ hã simro tõ. Apito u si ĩzaprõni, te te irosawẽrẽzém na te ãma tãma saprĩ da.

Daniéu 2:28

Tane nherẽ, te hâiwa ãma 'Re ihâimana u'âsi mono hã 're sãmra, uburé marĩ dama iwaihu'u'õ hâi'ré'wa hã. Õ hã irosawẽrẽzém na ma tô aima waihu'u siro, za marĩ iwatobrozéb da hã. Tahawa, apito awa'awi na wa za asimirosawẽrẽ hã asõtõ 'rowi marĩ i'madâ'âzé hã aima ãma saprĩ za'ra.

Daniéu 2:29

— Apito, a hã asimiwaptâ wa, anomro ré, ma tô romhutu'õ wab da hã irosa'rata u'â. Taha ré, uburé marĩ dama isa'rese'õ hâi'ré'wa hã ma tô aima hâi'ré, za marĩ iwatobrozéb da hã.

Daniéu 2:44

Tawamhã apito norĩ ãne na 're hâimana za'ra mono ré, 'Re ihâimana u'âsi mono hâiwa ãma 're isãmra mono hã te za danhib'ihâ'a nhimi'madâ'âzé niwa za da te ipru waihu'u'õ hã pisutu, aimawi danhib'ihâ'a norĩ te te ãma i'ai'uté za'ra õ hã. Tawamhã ã hã te za aimawi ihâiba amo norĩ danhib'ihâ'a nhimi'madâ'âzé hã uburé pese uprosi pese. Tahawa, te za õhõ si oto 're hâimana u'âsi, pire na apito nhimi'madâ'âzém na hã.

Daniéu 8:25

Ti'rã nhipese zarina te za tô sima te te 're irowa'õtõ mono zé hã ãma sima te te 're a'uwaimrami. Te za duré 're isi'madâ'â zei mono na, we te te sina 're hâimo u'âsi. Te za duré te te 're ida'ahâiba za'réi mono zarina, da'ahâ na te te 're da'a'mapãrĩ. Uburé apito norĩ nhipai u Isiptede 'Re ihâimana u'âsi mono zada, te za duré tihâiba, ti'ai ãma apito iwasédé hã. Tane nherẽ, ti'ai ãma apito iwasédé hã te za wamnarĩ ni, a'uwẽ nhiptete nai õ na hã.

Mateu 21:24

Tawamhã Zezusi te asa tãma nharĩ za'ra, ãne: — Wa hã wa za a'â asadanharĩ na aima ãma wa'rãmi za'ra wa'wa. Tawamhã i'uwaibaba, ĩma waihu'u za'ra wa'aba wapsi, wa za asa aima wasu'u za'ra wa'wa, ni'wa sadawa para te dama 're i'ab'manharĩ mono na hã.

Mateu 24:35

Nimahã na te za hâiwa norĩ hã ai'utõrĩ zahuré, ti'ai me. Si'utõrĩ zahuré nherẽ, ĩnhimirowasu'u hã si'utõrĩ waihu'u õ di za. Pire na te za dama 're hâimana u'âsi.

Luca 17:20

Tawamhã farizeu norĩ hã ma tô Zezusi hã siwi sadanha, ãne: — E niwa te za bâdâ hã iwa waptãrã, 'Re ihâimana u'âsi mono, da'ãma 're isib'a'uwẽ mono zéb da hã. Tahawa, Zezusi te asa tãma nharĩ za'ra, ãne: — 'Re ihâimana u'âsi mono, da'ãma 're sib'a'uwẽ mono wapsi, marĩ hã datõmo na a'â, da te 're 'madâ'â za'ra mono õ di za.

Apocalipsi 1:19

Tahawa, uburé marĩ hã i'ab'madâ hã te za i'a'ui'éré mo, ãhã na ipusi mono hã, duré nimahã na za ipusi mono da hã.

Apocalipsi 19:17

Tawamhã wa tô duré 'madâ hâiwa ãma romhuri'wa hã, aimawi hã. Bâtâ nhisiwi te za. Tawamhã te hârâ 'rãihâ na uburé si norĩ zô hã hâ, hâimo uptabi 're isisa'rei mono norĩ zô. Ãne te sô tihârâ za'ra: — We asina ubumroi wa'aba. 'Re ihâimana u'âsi mono hã te za oto aima a za'ra wa'wa, sa'ẽtẽ na asaihuri aba da.

Apocalipsi 4:1

Taha za'u si, wa tô duré marĩ hã te ab'madâ'â, ĩnhotõ 'rowim ne. Hâiwa u wa tô rob'madâ. Te rob'madâ'â wamhã, wa tô 'madâ, hâiwa 'ridawa hã. Õne haré 'ridawa u'âsi na ihâiba hã. Tawamhã ni'wai mreme, mreme 'rãihâ na isimnhihârâzém hârâ ne te iwapari 'rata ne hã wa tô duré wapa. Ãne te ĩ'mahâ: — We ãwa aimorĩ hâimo, te aima awasu'u mono da, za 're iromhâimana mono zéb da hã ab'madâ'â mono da.