Daniéu 2:4 - ꞌRe Ihâimana Uꞌâsi Mono Zadawa Wasuꞌu

⁴ Tawamhã ta norĩ hã aramaicu na damreme wamri na, ma tô apito ma ãne nharĩ za'ra: — Apito, 're aihâimana u'âsi mono da si, wa wasima wẽ za'ra ni! Ma'ãpé irosawẽrẽ hã wama wasu'u za'ra na. Tawamhã wa za marĩ te te iwasu'u na hã aima ãma saprĩ za'ra ni.

Daniéu 2:4 ပူးပေါင်းရင်းမြစ်များ

Zenezi 31:47

Tawamhã Labã ma tô taha ro hã sisi, Zega-Sa'aduta na. Duré Zaco ma tô taha ro aimawi isisi amo na sisi, Galeedi na.

Zenezi 41:8

Tawamhã awẽm na mararé te te isahoi mono zém na hã hâtâ'â di, duré tãma robzei õ di. Tahawa Ezitu ãma romhõsi'wa norĩ zô, duré rowaihu'u pese norĩ zô te uburé sô tihârâ za'ra. Tawamhã apito te tinhimirosawẽrẽ hã tãma wasu'u za'ra. Tane nherẽ, ni'wa te te ãma tãma saprĩ waihu'u õ di.

Esdra 4:7

Tawamhã nimahã na ma tô Bisrã hã, Mitredate hã duré Tabe'é hã tisiré norĩ me Persiaha nhib'apito Artazesihi ma tãma romnhihâtâ za'ra. Rob'ui'éré hã aramaicu mremezém na. Duré ãma isaprĩzé hã Persia ãma a'uwẽ mreme u.

Neemia 2:3

Tahawa, wa tô ãma tãma wa'rã ãne: — Apito, õne u'â 're i'aihâimana mono da si, iwẽ hã! E niha wa za bété ĩ'ubu zei'õ ãna hã ĩhâiba, 'ri nho'õmo ãma wahi'rata norĩ na da te ãma 're iti'a za'ra mono zé sipru pese na 're sa'wari mono nherẽ, duré taha te 'ridawa za'ẽtẽ na da te ãma sazu za'ra haré 're sa'wari mono nherẽ!

Daniéu 1:4

uburé 'madâ'â ze na hâiba wẽ na 're ihâimana za'ra mono, ihâiba siwamnarĩ'õ hã, i'rãiwaihu'u pe hã, isimirowaihu'u pese norĩ hã, za apito nhimiromhurizé 'ri 'rãihâ 're, romhuri waihu'u pese 'wa norĩ da hã, duré za Babilonia norĩ mreme te te iwaihu'u za'ra da hã, duré ta norĩ mreme na rob'ui'éré na te te 're iromnhoré za'ra mono da hã.

Daniéu 2:7

Tawamhã i'rãiwaihu'u pese norĩ, te duré ãne tãma nharĩ za'ra: — Ma'ãpé tô asimirosawẽrẽ a'â wama wasu'u za'ra na uimrehẽne. Taha parip si, wa za marĩ te te iwasu'uzé ãma aima saprĩ za'ra ni.

Daniéu 3:9

Tahawa, ma tô apito Nabucodonozoho ma nharĩ za'ra ãne: — Apito, rowẽ na si 're aihâimana u'âsi mono!

Daniéu 4:19

Tawamhã Daniéu, Béutésaza na isisi amo ãne hã te te wapari wa, ma tô tãma a'rã. Tahawa, te a'â rosa'rata ma za, ari'iwi. Tawamhã te apito tãma tinha ãne: — Béutésaza, aihâtâ'â tõ, rosawẽrẽ na hã duré za marĩ te te iwasu'uzém na hã. Tane nherẽ, ma tô Daniéu ãne ãma tãma wa'rã: — Apito, asimirosawẽrẽzé iwasu'u hã aré tô iwẽ ĩma hã, aihâiba upana asitob'ru norĩ hâiba u ihâimana da hã. Tane nherẽ, ta norĩ hâiba hã te te wasu'u õ di.

Daniéu 4:7

Tahawa rowaihu'u pese 'wa norĩ hã, marĩ 'manharĩ nhipese 'wa norĩ hã, wasi na romnhoré'wa norĩ hã, duré simi'â na romhuri'wa norĩ hã ma tô we ĩtẽme ai'aba'ré. Tahawa, wa tô tãma wasu'u za'ra aré, te irosawẽrẽzé hã. Tane nherẽ, te te ĩma ãma saprĩ waihu'u za'ra õ di.

Daniéu 4:9

Wa tô tãma tinha ãne: “Béutésaza, marĩ 'manharĩ nhipese 'wa norĩ nhib'ihâ'a, ĩma waihu'u pese di, ihâiba'õ norĩ pẽ'ẽzani aiwa ihâimana na hã. Duré ĩma waihu'u pese di, nima hã ipire dama iwaihu'u'õ hã ãma dama saprĩ da, aima ipire õ na hã. Tahawa, wa za aima wasu'u, te irosawẽrẽzé hã ãma ĩma saprĩ da, marĩ te te iwasu'uzé hã.

Daniéu 5:10

Tawamhã apito sipi'õ, apito zadari, duré sô ihârâ za'ra norĩ zadari te te wapari wa, 'ri para u sébré wamhã, ma tô apito ma tinha ãne: — Apito, 're i'aihâimana u'âsi mono da si, iwẽ hã! A'rãmi tõ. Duré ai'ubu'a pese tõ.

Daniéu 5:8

Tawamhã uburé rowaihu'u'wa norĩ 'ri're wa'wa za'ẽne ihâimana u ma tô oto asisi. Tane nherẽ, 'ri na'rata na rob'ui'éré hã ta norĩ te te 'manhoré waihu'u õ di. Duré apito ma, marĩ te te iwasu'uzé te te ãma tãma saprĩ waihu'u za'ra õ di.

Daniéu 6:21

Tawamhã Daniéu, ma te asa sada'â ãne: — Apito, 're aihâimana u'âsi mono da si, iwẽ hã!

Daniéu 6:6

Tawamhã uburé dama ipire norĩ ma tô apito u ai'aba'ré. Si'aba'réi wamhã, te ãne tãma nharĩ za'ra: — Apito Dariu, 're aihâimana u'âsi mono da si, iwẽ hã!

Daniéu 6:7

Uburé wa norĩ, dama i'rãnho'õmo norĩ hã, 'ri nho'õmo 're, dama ipire norĩ hã, daza'rui wa'õtõ mono bâ dama i'rãnho'õmo norĩ hã, duré uburé aimawi dama ipire norĩ hã wasi'rã'õtõ wamhã, wa tô ãma wasisaze za'ra ni, asimiroti itede i'manharĩ da hã, wa te aiwi waptẽrẽ za'ra da, ãma idanhimipari prédu, i'ru zahi hã. Tahawa, te za a hã dama iwaihu, 30 bâtâ 'remhã aiwi si, da te 're rowaptẽrẽ za'ra mono da. Tawamhã taha ré ni'wam norĩ, marĩ siwa'ru ihâiba'õ norĩ wi, duré siwa'ru dawi te te 're rowaptẽrẽ za'ra mono wamhã, te za hu'u zérépa ma, ab're 'remhã dasiwi sãmra ni.

Mateu 21:9

Tawamhã Zezusihi nhowa idasi'aba'ré norĩ hã duré isarina idasi'aba'ré norĩ zama te nasi dasima 'mahârâ za'ra ni, ãne: — Apito Dawihi nhihudu ãma, 're wawata za'ra wa'aba mono. Wanhib'apito zadawa para, te we oto mo. 'Re ihâimana u'âsi mono hã iwẽ si te te tãma 're pisutu u'âsi mono neza. 'Re ihâimana u'âsi mono ãma zama duré 're wawata za'ra wa'aba mono, hâiwa ãma 're isãmra mono ãma, wei watẽme te te satõrĩ wẽ te.

1 Samuéu 10:24

Tawamhã te Samuéu dama tinha ãne: — Ãhãta te za aibâ hã, Uburé Danhib'apito te te ipisudu hã! Ni'wa hã isine ihâimana õ, wa'reb za'ra hã. Ãne wa, te uburé Izaraéu nhihudu norĩ hã nharĩ za'ra: — Wanhib'apito a'â wama 're hâimana u'âsi za'ra mono!